Daniyɛ́li 11:37 - MAWUXÓWÉMA

³⁷ Axɔ́sú ɔ́ ná ɖó sísí ɖěbǔ nú vodún e tɔ́gbó tɔn lɛ́ɛ ko sɛn lɛ́ɛ é ǎ; é ka ná ɖó sísí nú vodún e nyɔ̌nu lɛ́ɛ nɔ́ wlíbo ná é ǎ. É ná mɔ éɖée dó mɔ mɛ e hú gǎn nǔmɛsɛn lɛ́ɛ bǐ é, bó ná nɔ́ sí ɖě ǎ.

Daniyɛ́li 11:37 Iomraidhean Croise

Bǐbɛ́mɛ 3:16

Énɛ́ ɔ́ gúdo ɔ́, Mawu Mavɔmavɔ ɖɔ nú nyɔ̌nu ɔ́ ɖɔ: “Un ná bló bɔ a mɔ xo ɔ́, a nǎ nɔ́ mɔ wǔvɛ́ ɖésú; a yi ajidonu ɔ́, a nǎ mɔ wǔvɛ́; asú towe ná nɔ́ jló we, éyɛ́ ká ná ɖu gǎn ɖo jǐ towe.”

Bǐbɛ́mɛ 3:5

lo ɔ́, Mawu tunwun ɖɔ gbe e gbe mi ná ɖu ɔ́, mi ná mɔ nukúnnú jɛ lě e nǔ lɛ́ɛ ɖe gbɔn ɔ́ wú, é ɖésúnɔ Mawu ɔ́ ɖɔhun, bó ná tunwun nǔ ɖagbe kpódó nǔ nyanya kpó.”

Hanvíví 7:10

Nu towe ní nyí vɛ̌ɛn ɖagbe nú mì. Nǔgbó wɛ, nu ce ní nyí vɛ̌ɛn ɖagbe nú wǎnyínámɔ ce, bó sa gbɔn nufló tɔn ɖo amlɔ mɛ.

Ezayíi 14:13

A nɔ ɖɔ dó ayi mɛ ɖɔ: “Un ná hun káká yi jǐnukúnsin; un ná sɔ́ axɔ́súzinkpo ce dó jǐ, bɔ é ná nɔ aga nú sunví Mawu tɔn lɛ́ɛ. Un ná kpa acɛ dó só e ta vodún lɛ́ɛ nɔ́ yi kplé ɖe é ɖo totaligbé aga dɔ̌n.

Ezayíi 14:14

Un ná yi akpɔ́kpɔ́ lɛ́ɛ ta, un ná nɔ Mawu Ajalɔ̌nlɔn ɔ́ há.”

Ezekiyɛ́li 24:16

“Hwɛ gbɛtɔ́ e, nyɔ̌nu e a yǐ wǎn ná ganjí ɔ́, un ná sɔ́ ɛ sín akpá towe vawun. A ka ná nɔ aluwɛ mɛ ǎ, a ka ná ya avǐ ǎ, ɖasin kwín ɖokpó ka ná kun sín nukún towe jí ǎ.

Ezekiyɛ́li 28:2

“Hwɛ gbɛtɔ́ e, yi ɖɔ xó nú axɔ́sú Tíi tɔn; ɖɔ n'i ɖɔ xó e nyɛ Aklúnɔ Mavɔmavɔ ɖɔ sɛ́ dó e ɔ́ ɖíe: A yǐ go bo ɖɔ: ‘Nyɛ ɔ́, Mawu wɛ un nyí, bó jínjɔ́n axɔ́súzinkpo ce jí ɖo xu jí.’ Lo ɔ́, gbɛtɔ́ kpowun wɛ a nyǐ; a sixú sɔ́ hwiɖée jlɛ́ dó nyɛ wú ǎ. A nɔ sɔ́ linlin towe ɖó nyɛ Mawu sín linlin há jí.

Daniyɛ́li 11:36

“Axɔ́sú ɔ́ ná nɔ́ wa nǔ lě e é jló e gbɔn é. É ná nɔ́ tɛ afɔ ayǐ, bó ná nɔ́ mɔ ɖɔ émí hú gǎn vodún lɛ́ɛ bǐ. É ja xó ɖɔ nú Mawu mawu lɛ́ɛ tɔn gbé ɔ́, é ná nɔ́ lin tamɛ kpɔ́n ǎ. Nǔ nǎ ɖo nyǐnyɔ́ n'i wɛ káká jɛ hwenu e xomɛsin Mawu tɔn ná wá é. Lo ɔ́, nǔ e Mawu ɖɔ ɔ́ jɛ́n ná jɛ.

Daniyɛ́li 11:38

Lo ɔ́, é ná sɛn vodún ahohó lɛ́ɛ tɔn, nǔmɛsɛn énɛ́ e tɔ́gbó tɔn lɛ́ɛ ma tunwun kpɔ́n ǎ é. É ná xwlé siká, kpatágan, awǐnnya ɖagbe ɖagbe lɛ́ɛ, kpódó nǔ xɔ akwɛ́ ɖěvo ɖěvo lɛ́ɛ kpó vodún énɛ́

Daniyɛ́li 8:11

Zo ɔ́ zɔn mɔ̌ káká yi sɔ́ gǎn e kpa acɛ dó nǔɖogbɛ e ɖo sɛ́xwé lɛ́ɛ nu é, lobo ɖó vɔ̌ e è nɔ sá n'i ayǐhɔ́ngbe ayǐhɔ́ngbe lɛ́ɛ é te, lobo lɛ́ ɖu su nú fí e goxɔ tɔn ɖe é.

Sɛ́nflínmɛ 21:11

ényí mɛɖé ɖo mi mɛ, bó mɔ nyɔ̌nu ɖé ɖo yě mɛ, bɔ é nyɔ́ ɖɛkpɛ, bɔ é yí wǎn n'i, bó jló ná da ɔ́,

Sɛ́nflínmɛ 5:21

Nukún towe ní má nɔ nɔzo towe sín asi wú ó; nukún towe ní má nɔ xwé tɔn wú ó; nukún towe ní má nɔ nɔzo towe sín gle wú ó; nukún towe ní má nɔ mɛsɛntɔ́ tɔn súnnu wú ó, nukún towe ní má nɔ mɛsɛntɔ́ tɔn nyɔ̌nu wú ó; nukún towe ní má nɔ nyibú tɔn wú ó, nukún towe ní má nɔ tócí tɔn wú ó; nukún towe ní má nɔ nǔ e nyí étɔn lɛ́ɛ ɖěbǔ wú ó.”

2 Tɛsalonikinu 2:4

É ná lɔn bónú gbɛtɔ́ lɛ́ɛ sɔ́ ná sɛn nǔ e yě nɔ sɛn lɛ́ɛ ɖě ǎ; yě ká sɔ́ ná sɛn nǔ e yě nɔ dó ɖó Mawu ná ɔ́ ɖě ǎ. É ná sɔ́ éɖée ɖó aga, nú nǔ énɛ́ lɛ́ɛ bǐ, bó ná hun káká yi byɔ́ sinsɛnxɔ Mawu tɔn mɛ, bó na jínjɔ́n ayǐ, lobo ná jlá ɖɔ émí nyí Mawu.

1 Timɔtée 4:3

Mɛ énɛ́ lɛ́ɛ nɔ dó sɛ́n ɖɔ è ma da asú ó, è ma ka da asi ó. Yě nɔ dó nǔɖuɖu ɖé lɛ́ɛ sín sɛ́n nú mɛ; lo ɔ́, Mawu bló nǔɖuɖu énɛ́ lɛ́ɛ, bónú nǔɖitɔ́ e mɔ nukúnnú jɛ nǔgbó ɔ́ wú lɛ́ɛ ná nɔ ɖu kpó kúdídó kpó.