Daniyɛ́li 11:36 - MAWUXÓWÉMA

³⁶ “Axɔ́sú ɔ́ ná nɔ́ wa nǔ lě e é jló e gbɔn é. É ná nɔ́ tɛ afɔ ayǐ, bó ná nɔ́ mɔ ɖɔ émí hú gǎn vodún lɛ́ɛ bǐ. É ja xó ɖɔ nú Mawu mawu lɛ́ɛ tɔn gbé ɔ́, é ná nɔ́ lin tamɛ kpɔ́n ǎ. Nǔ nǎ ɖo nyǐnyɔ́ n'i wɛ káká jɛ hwenu e xomɛsin Mawu tɔn ná wá é. Lo ɔ́, nǔ e Mawu ɖɔ ɔ́ jɛ́n ná jɛ.

Daniyɛ́li 11:36 Iomraidhean Croise

Ɖɛhan 136:2

Mi kpa susu nú Mawu Nǔbǐwúkpétɔ́, ɖó xomɛnyínyɔ́ tɔn ɖo te káká sɔ́yi.

Ɖɛhan 33:10

Mawu Mavɔmavɔ nɔ hɛn wě e ɖe wɛ akɔta lɛ́ɛ ɖe ɔ́ gblé, é nɔ́ glɔ́n ali nú togun lɛ́ɛ sín tito.

Nǔnywɛ́xó 19:21

Gbɛtɔ́ nɔ́ lin nǔ gěgé bó ná wa, amɔ̌, jlǒ Mawu Mavɔmavɔ tɔn wɛ nɔ nyí wiwa.

Ezayíi 10:23

Nǔgbó wɛ, Aklúnɔ, Mawu Mavɔmavɔ Nǔbǐwúkpétɔ́ ɔ́ ná hɛn nǔ gblé gbɔn to ɔ́ bǐ mɛ lě e é ko ɖɔ gbɔn é.

Ezayíi 10:25

ɖó kpɛɖé jɛ́n kpo din bɔ tó e dɔn nú mi wɛ un ɖe ɔ́ ná fó, bɔ xomɛsin ce ná húzú kpan nukɔn ɛ, bɔ un ná sú kún tɔn dó.”

Ezayíi 10:5

Mawu ɖɔ: “Heelú Asilíi, bǎ e un dó ɖe xomɛsin ce xlɛ́ é! Kpo e ɖo alɔ mɛ nú Asilíi é wɛ nyí xomɛsin ce.

Ezayíi 14:13

A nɔ ɖɔ dó ayi mɛ ɖɔ: “Un ná hun káká yi jǐnukúnsin; un ná sɔ́ axɔ́súzinkpo ce dó jǐ, bɔ é ná nɔ aga nú sunví Mawu tɔn lɛ́ɛ. Un ná kpa acɛ dó só e ta vodún lɛ́ɛ nɔ́ yi kplé ɖe é ɖo totaligbé aga dɔ̌n.

Ezayíi 14:14

Un ná yi akpɔ́kpɔ́ lɛ́ɛ ta, un ná nɔ Mawu Ajalɔ̌nlɔn ɔ́ há.”

Ezayíi 26:20

Togun ce e mi, mi yi xɔ mitɔn lɛ́ɛ mɛ, mi dɔn hɔn mitɔn sú dó ta, bó nɔ fínɛ́ kpɛɖé, bónú xomɛsin Mawu tɔn ní wá yi.

Ezayíi 30:33

Fí e è nǎ dó axɔ́sú ɔ́ zo ɖe ɔ́, è blǒ ɖ'ayǐ din ɔ́, é kó lín; fí ɔ́ gbló bó gɔ́ngɔ́n bɔ è to nakí d'é mɛ. Mawu Mavɔmavɔ sín funfún ná dó nakí ɔ́ zo, bɔ é ná ji hɛhɛ hwemí ɖɔhun.

Ezayíi 46:10

Un ko ɖɔ nǔ e ná wa wɛ un ɖe ɔ́ sín do. Nǔ e má kó jɛ ǎ, bó ká ná wá jɛ ɔ́, un ko ɖɔ ɖ'ayǐ sín tɛgbɛ. Un ɖɔ: nǔ e ná bló wɛ un ɖe ɔ́ ɖíe, bɔ é ká ná jɛ. Nǔ e jló mì lɛ́ɛ ɔ́, un nɔ bló bǐ.

Ezayíi 57:9

A sɛ́ ami kpó célu kpó dó vodún Mɔlɛ́ki, bó sɛ́ mɛ dó to línlín mɛ. Énɛ́ ɔ́, a j'ayǐ bǐ; a j'ayǐ káká bó yi kú tomɛ.

Ezekiyɛ́li 28:2

“Hwɛ gbɛtɔ́ e, yi ɖɔ xó nú axɔ́sú Tíi tɔn; ɖɔ n'i ɖɔ xó e nyɛ Aklúnɔ Mavɔmavɔ ɖɔ sɛ́ dó e ɔ́ ɖíe: A yǐ go bo ɖɔ: ‘Nyɛ ɔ́, Mawu wɛ un nyí, bó jínjɔ́n axɔ́súzinkpo ce jí ɖo xu jí.’ Lo ɔ́, gbɛtɔ́ kpowun wɛ a nyǐ; a sixú sɔ́ hwiɖée jlɛ́ dó nyɛ wú ǎ. A nɔ sɔ́ linlin towe ɖó nyɛ Mawu sín linlin há jí.

Ezekiyɛ́li 35:13

A hu tɛ́ nú mì; a yǐ go wǔtu ce; un se bǐ.

Daniyɛ́li 11:16

Mɛ e gba to ɔ́ é ɔ́, lě e é jló e gbɔn ɔ́ wɛ é ná wa nǔ gbɔn, ɖó mɛ ɖěbǔ sixú nɔ te nukɔn tɔn ǎ. Nú é ɖo nǔ hɛn gblé wɛ bó ɖo yiyi wɛ ɔ́, to e nyɔ́ ɖɛkpɛ hú to lɛ́ɛ bǐ é mɛ wɛ é ná wa xwé ɖó.

Daniyɛ́li 11:3

Lo ɔ́, axɔ́sú akowunká ɖokpó ná yí to ɖo Glɛ̌si, bɔ acɛkpikpa tɔn ná syɛ́n ɖésú, bɔ é ná nɔ wa nǔ e jló e é .

Daniyɛ́li 11:37

Axɔ́sú ɔ́ ná ɖó sísí ɖěbǔ nú vodún e tɔ́gbó tɔn lɛ́ɛ ko sɛn lɛ́ɛ é ǎ; é ka ná ɖó sísí nú vodún e nyɔ̌nu lɛ́ɛ nɔ́ wlíbo ná é ǎ. É ná mɔ éɖée dó mɔ mɛ e hú gǎn nǔmɛsɛn lɛ́ɛ bǐ é, bó ná nɔ́ sí ɖě ǎ.

Daniyɛ́li 12:7

Nya e dó lɛ̌ɛnkanvɔ ɔ́ dlɛ́n alɔ tɔn we lɛ́ɛ dó jǐxwé, bɔ un se bɔ é ɖɔ: “Un xwlé Mawu e ɖo gbɛ káká sɔ́yi ɔ́ sín nyǐkɔ ɖɔ nǔ énɛ́ lɛ́ɛ ná jɛ káká nú xwe atɔn adaɖé. Nǔ énɛ́ lɛ́ɛ ná fó hwenu e togun Mawu tɔn ɔ́ sín acɛkpikpa ná gba hánnyá bǐ é.”

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 5:19

Susu énɛ́ e Mawu ná ɛ ɔ́ zɔ́n bɔ togun lɛ́ɛ bǐ, akɔta lɛ́ɛ bǐ, kpó mɛ e nɔ dó gbe tɛnmɛ tɛnmɛ lɛ́ɛ é kpó bǐ nɔ́ ɖi xɛsi n'i, bó nɔ́ sísɔ́ ɖo nukɔn tɔn. É nɔ́ ɖó kúhwɛ nú mɛ e jló e é, bó nɔ́ jó mɛ e jló e ɔ́ dó nyi gbɛ. Mɛ ɖé jló e ɔ́, é nɔ́ sɔ́ mɛ ɔ́ su, mɛɖé ká jló e ɔ́, é nɔ́ sɔ́ mɛ ɔ́ hwe.

Daniyɛ́li 5:20

Lo ɔ́, ée goyíyí kpó mɛmasí kpó byɔ́ ayi tɔn mɛ ɔ́, è ɖe e sín axɔ́súzinkpo ɔ́ jí, bó yí acɛ bǐ sín así tɔn.

Daniyɛ́li 7:8

Hwenu e un ɖo zo tɔn lɛ́ɛ kpɔ́n wɛ ɔ́, zo yɔ̌yɔ́ kpɛví ɖěvo lɛ́ jɛ wǔwú jí ɖó ɖě lɛ́ɛ tɛ́ntin, lobo zin zo xóxó lɛ́ɛ atɔn dɛ́. Zo yɔ̌yɔ́ ɔ́ ɖó gbɛtɔ́ nukún. É ɖó nu ɖokpó bɔ goyíyíxó nɔ́ ɖo tíntɔ́n sín mɛ wɛ.”

Daniyɛ́li 8:19

bó ɖɔ nú mì ɖɔ: ‘Un ná ɖɔ nǔ e ná jɛ hwenu e è ɖǒ, bɔ xomɛsin Mawu tɔn ná fó ɔ́ nú we.

Daniyɛ́li 8:4

Un mɔ agbo ɔ́ ɖo zo nyi dó gbadahwe jí wɛ, bó ɖo nyinyi dó totaligbé wɛ, bó ɖo nyinyi dó tofɔligbé wɛ. Kanlin mɔ̌hun tíin bó ná nɔ te nukɔn tɔn ǎ, è ka sixú yí mɛɖé sín fɛn tɔn mɛ ǎ. Nǔ e jló e ɔ́ wɛ é nɔ́ wa, bɔ hlɔ̌nhlɔ́n tɔn fɔ́n ɔ́, é nɔ́ ɖo jijɛ jí wɛ.

Zakalíi 11:16

Đó un ná sɛ́ lɛ̌ngbɔ́nyitɔ́ ɖěvo dó to ɔ́ mɛ: é ná nɔ́ kpé nukún dó lɛ̌ngbɔ́ e è sɔ́ ɖó te bo ná wá hu lɛ́ɛ wú ǎ; é ná ba éé bú lɛ́ɛ ǎ, é ná blá akpa nú éé gblé wǔ lɛ́ɛ ǎ; é ká ná ná nǔɖuɖu éé kpo ɖo ganjí lɛ́ɛ é ǎ. Nǔ e é ná wa ɔ́ wɛ nyí ɖɔ é ná ɖu lɛ̌ngbɔ́ e dó jǒ hú ɖě lɛ́ɛ bǐ é. É ná ɖu káká bó ɖu afɔkpa tɔn lɛ́ɛ d'é jí.

Jǎan 5:30

“Un sixú wa nǔɖé ɖo nyɛ ɖésúnɔ sín acɛ mɛ ǎ. Nǔ e Mawu ɖɔ nú mì ɔ́ wɛ un nɔ xwedó dó ɖɔ hwɛ xá mɛ, bɔ un nɔ dó hwɛjijɔ, ɖó jlǒ nyɛ ɖésúnɔ tɔn wɛ un nɔ wa ǎ; lo ɔ́, mɛ e sɛ́ mì dó ɔ́ sín jlǒ wɛ un nɔ wa.

Jǎan 6:38

Đó un jɛ te sín jǐxwé, bó ná bló jlǒ ce ǎ; lo ɔ́, nǔ e jló mɛ e sɛ́ mì dó ɔ́ bló gbé un ja bo wá.

Mɛsɛ́dó 4:28

Yě ɖó gbe kpɔ́, bó bló nǔ e hwi ɖésúnɔ kó jló, bó kó ɖe wě tɔn ɖ'ayǐ ɖo hlɔ̌nhlɔ́n towe mɛ ɔ́ bǐ.

Sɛ́nflínmɛ 10:17

È ka ná ɖɔ ɔ́, Mawu Mavɔmavɔ, Mawu mitɔn ɔ́, é ɖokpónɔ wɛ nyí Mawu; é wɛ nyí Aklúnɔ aklúnɔ lɛ́ɛ tɔn; Mawu ɖaxó wɛ, lobo dó xɛsi. É nɔ́ nɔ awo mɛ nú mɛ ɖěbǔ ǎ; é ká nɔ́ yí ajɔ ɖo mɛ ɖěbǔ sí ǎ.

2 Tɛsalonikinu 2:3

Mi ma lɔn nú mɛɖé blɛ́ mi gbɔn alɔkpa ɖěbǔ mɛ ó, ɖó azǎn énɛ́ ná ko wá cóbɔ gǔfínfɔ́n gǔdo gúdo tɔn ɔ́ na wá yi ǎ; é ná ko wá cóbɔ Mɛdídá e sín kún è nǎ sú dó ɔ́ ná tɔ́n jɛ wěxo ǎ.

2 Tɛsalonikinu 2:4

É ná lɔn bónú gbɛtɔ́ lɛ́ɛ sɔ́ ná sɛn nǔ e yě nɔ sɛn lɛ́ɛ ɖě ǎ; yě ká sɔ́ ná sɛn nǔ e yě nɔ dó ɖó Mawu ná ɔ́ ɖě ǎ. É ná sɔ́ éɖée ɖó aga, nú nǔ énɛ́ lɛ́ɛ bǐ, bó ná hun káká yi byɔ́ sinsɛnxɔ Mawu tɔn mɛ, bó na jínjɔ́n ayǐ, lobo ná jlá ɖɔ émí nyí Mawu.

2 Tɛsalonikinu 2:8

Hwenɛ́nu ɔ́, Mɛdídá ɔ́ ná tɔ́n, bɔ Aklúnɔ Jezu ná zé funfún e nɔ́ tɔ́n sín nu tɔn mɛ ɔ́ dó hu i, lobo ná sɔ́ wǐwá tɔn sín kínkɔ́n dó vívá kún tɔn.

Jozuwée 22:22

“Mawu Mavɔmavɔ wɛ nyí Mawu gǎnhúnǔtɔ́. Ɛɛn, é wɛ nyí Mawu gǎnhúnǔtɔ́ e tunwun nǔ e wútu mǐ wa nǔ gbɔn mɔ̌ é. Izlayɛ́li ví lɛ́ɛ lɔ bǐ ná wá tunwun. Ényí gǔ wɛ mǐ fɔ́n dó Mawu Mavɔmavɔ jí, abǐ hwɛ ɖaxó ɖé wɛ mǐ hu dó e ɔ́, ní má jó mǐ dó nyi gbɛ égbé ó.

Nǔɖexlɛ́mɛ 10:7

Amɔ̌ hwenu e wɛnsagun tɛ́nwegɔ́ ɔ́ ná jɛ kpɛn kún jí ɔ́, nǔbúdo Mawu tɔn ná jɛ lě e é ko ɖɔ gbɔn nú mɛsɛntɔ́ tɔn gbeyíɖɔ lɛ́ɛ é.”

Nǔɖexlɛ́mɛ 12:14

Lo ɔ́, è nǎ gangan ɖaxó sín awa we nyɔ̌nu ɔ́, bónú é ná zɔn yi tɛn tɔn mɛ ɖo gbětótló mɛ, fí e è nǎ ná ɛ nǔɖuɖu ɖe xɔ xwe atɔn adaɖé é; fí e dan ɔ́ ma ná wlí i ɖe ǎ é.

Nǔɖexlɛ́mɛ 13:1

Énɛ́ ɔ́ gúdo ɔ́, un mɔ kanlin ɖé tɔ́n sín xu mɛ; é ɖó zo wǒ, bó ɖó ta tɛ́nwe; é xwe axɔ́súgbákún ɖokpó ɖokpó ɖó zo tɔn lɛ́ɛ ɖokpó ɖokpó jí; è wlǎn nu nylá dó Mawu wú sín nyǐkɔ dó ta tɔn lɛ́ɛ wú.

Nǔɖexlɛ́mɛ 17:17

Đó Mawu sɔ́ jlǒ e nɔ wa linlin tɔn ɔ́ dó ayi mɛ nú yě; yě ná ɖó gbe kpɔ́, bó wa nǔ, bó ná sɔ́ axɔ́súɖuɖu yětɔn dó así nú kanlin ɔ́ káká yi jɛ hwenu e xó e Mawu ɖɔ lɛ́ɛ ná jɛ dó é.

Nǔɖexlɛ́mɛ 17:3

Yɛ ɔ́ wá jǐ ce, bɔ wɛnsagun ɔ́ zé mì yi gbětótló mɛ. Un mɔ nyɔ̌nu ɖé ɖo fínɛ́, bɔ é ɖo ayǐjínjɔ́n ɖo kanlin vɔvɔ cɛ́cɛ́ ɖé jí; nu nylá dó Mawu wǔ sín nyǐkɔ kpé kanlin ɔ́ wú; kanlin énɛ́ ɖó ta tɛ́nwe, zo wǒ.