Daniyɛ́li 11:35 - MAWUXÓWÉMA

³⁵ Mɛ gěgé ná kú ɖo nǔnywɛ́tɔ́ lɛ́ɛ mɛ, bɔ kú yětɔn ná slá wǔ nú togun ɔ́, bɔ é ná mɛ́ bó ná nɔ wǐwé jí nú gbe e gbe gbɛ ná vɔ é; lo ɔ́, hwe ɔ́ nu ko nɛ́ ǎ.

Daniyɛ́li 11:35 Iomraidhean Croise

2 Tan 32:31

Énɛ́ ɔ́ wú wɛ hwenu e Babilɔ́nu sín azaglɔ́gán lɛ́ɛ sɛ́ mɛ dó Ezekiyási bónú é ná ɖɔ nǔjíwǔ e jɛ ɖo to ɔ́ mɛ ɔ́ sɛ́ dó yě ɔ́, Mawu jó e dó, bó ná kpɔ́n lě e é ná bló gbɔn é; é bló mɔ̌ bó ná dó dó é kpɔ́n, bó ná tunwun nǔ e ɖo ayi tɔn mɛ é bǐ.

Nǔnywɛ́xó 17:3

Siká kpó kpatágan kpó ɔ́, zo wɛ è nɔ xo dó, bó nɔ́ tunwun ɖagbe kpó nyanya kpó. Amɔ̌, gbɛtɔ́ lɛ́ɛ ɔ́, Mawu Mavɔmavɔ wɛ nɔ mɔ nǔ jɛ ayixa yětɔn mɛ, bó nɔ́ tunwun ayixa ɖagbe kpó ayixa nyanya kpó.

Ezayíi 27:9

Énɛ́ ɔ́, Mawu ná súnsún hwɛ e togun Jakɔ́bu tɔn hu é; nǔ e ká ná jɛ ɖ'é mɛ é ɖíe: togun ɔ́ ná gba awǐnnya e è dǒ mɛ vɔ̌sákpe ɔ́ é, hwě ɖɔhun; è sɔ́ ná mɔ vodún Acela abǐ zǎlínkpɔ́nfyɔ́nú ɖě ɖo te ǎ.

Daniyɛ́li 11:27

Axɔ́sú Totaligbé tɔn ɔ́ kpó axɔ́sú tofɔligbé tɔn ɔ́ kpó ná kplé ɖo nǔɖuká ɖokpó ɔ́ kɔn. Amɔ̌, ée dǎkaxixo kpo ɖo ayi mɛ nú yě ɔ́, nǔvú jɛ́n yě ná ɖó nú yěɖée ɖo fínɛ́. Kplé yětɔn énɛ́ ɔ́ ná ɖó bɛ̌nu ɖé ǎ, ɖó hwenu e nǔ bǐ ná fó dó ɔ́ kó su ǎ.

Daniyɛ́li 11:29

“Ée hwe ɔ́ nu wá su ɔ́, axɔ́sú Totaligbé tɔn ɔ́ lɛ́ vɔ́ wá axɔ́súɖuto Totaligbé tɔn ɔ́ tɔn mɛ, amɔ̌, lě e nǔ lɛ́ɛ ná yi gbɔn hwenɛ́nu ɔ́ ná gbɔn vo nú ɖ'ayǐ tɔn ɔ́.

Daniyɛ́li 11:33

Mɛ e bí ganjí ɖo yě mɛ lɛ́ɛ ná ná kplɔ́n mɛ gěgé. È nǎ hu mɛɖé lɛ́ɛ ɖó hwǐ wú, è nǎ dó mɛ lɛ́ɛ zo, è nǎ bɛ́ mɛɖé lɛ́ɛ sín dɔkun, lobo ná zé yě yi sú dó gankpá mɛ. Nǔ énɛ́ lɛ́ɛ ná jɛ káká yi jɛ hwe ɖé nu.

Daniyɛ́li 11:40

“Hwenu e nǔ lɛ́ɛ bǐ ná ɖo nǎ fó wɛ ɔ́, axɔ́sú Tofɔligbé tɔn ɔ́ ná lɛ́ jɛ kɛnfɔ ɖe xá axɔ́sú Totaligbé tɔn ɔ́ jí. Amɔ̌, axɔ́sú totaligbé tɔn ɔ́ ná sí te dó jǐ tɔn kpó zǐngídi kpó, bó ná fɔ ahwanhún kpó sɔ́ kpó tɔjíhún gěgé kpó, lobo ná tɔ́n ahwan ɛ. Lě e tɔsisa nɔ́ gɔ́, bó nɔ́ gba wǔ ɔ́ ɖɔhun wɛ é kpódó ahwangɔnu tɔn kpó ná xo to ɔ́ sín dogbó lɛ́ɛ zlɛ́, bó ná byɔ́ to ɔ́ mɛ gbɔn ɖisí amyɔ.

Daniyɛ́li 12:3

Mɛ e ná ɖó nǔnywɛ́ lɛ́ɛ ná kɔ́n nǔ e ɖo jǐnukúnsin lɛ́ɛ sín ɖɛkpɛ ɖɔhun. Mɛ e ka ná kplɔ́n nǔ mɛ ɖě bɔ yě ná nɔ gbejí lɛ́ɛ ná kɔ́n sunví e ɖo jǐnukúnsin lɛ́ɛ ɖɔhun.

Daniyɛ́li 12:4

“Daniyɛ́li! Hɛn xó élɔ́ ayi mɛ. Ma ɖɔ nǔ e ɖo wěma élɔ́ mɛ ɔ́ nú mɛɖé cóbónú nǔ lɛ́ɛ bǐ sín fífó hwenu ná su ó. Énɛ́ ɔ́ mɛ gěgé ná wá xa nǔ e ɖ'é mɛ lɛ́ɛ, bɔ nǔnywɛ́ yětɔn ná jɛ jí.”

Daniyɛ́li 8:10

Zo ɔ́ ɖi ga káká bó yi sɔ́ nǔ e ɖo gbɛ ɖo sɛ́xwé lɛ́ɛ bǐ, bɔ nǔ e ɖo dɔ̌n lɛ́ɛ akpá ɖě, kpó sunví lɛ́ɛ kpó wá jɛ kɔ́ mɛ, lobɔ é sɔ́ afɔ dó gbídí ná.

Daniyɛ́li 8:17

Gabliyɛ́li jǎwe fí e un ɖe ɔ́, bɔ xɛsi jɛ jǐ ce, bɔ un xwe agbɔ̌nnusú do. Lo ɔ́, é ɖɔ nú mì ɖɔ: ‘Daniyɛ́li, ɖǒ tó; hwɛ ɔ́ gbɛtɔ́ wɛ a nyǐ, nǔ e mɔ wɛ a ka ɖe ɔ́, gbɛvivɔ wú ɖɔ xó dó wɛ é ɖe.’

Daniyɛ́li 8:19

bó ɖɔ nú mì ɖɔ: ‘Un ná ɖɔ nǔ e ná jɛ hwenu e è ɖǒ, bɔ xomɛsin Mawu tɔn ná fó ɔ́ nú we.

Daniyɛ́li 9:27

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Xabakúku 2:3

Đó nǔɖexlɛ́mɛ wɛ é nyí, bɔ è ko ɖó hwenu e é ná jɛ dó é. Hwe ɔ́ nu kó ɖo susu wɛ, bɔ é ká ná gblá ǎ. Nú hwe ɔ́ nu ná bo ɖo lǐnlín wɛ hǔn, nɔ te kpɔ́n, ɖó nǔ e un ɖɔ ɔ́ ná jɛ jɛ́n wɛ.

Zakalíi 13:9

Un ná zé atɔnvlɔ́ɖó énɛ́ ɔ́ dó myɔ mɛ, bó ná ɖe nǔ kwíji e ɖo yě wú ɔ́ síin, lě e è nɔ zé kpatágan dó myɔ mɛ bó nɔ ɖe nǔ blíblí e ɖ'é mɛ lɛ́ɛ síin é ɖɔhun. Un ná tɛ́n yě kpɔ́n lě e è nɔ tɛ́n siká kpɔ́n gbɔn ɖo myɔ mɛ é. Énɛ́ ɔ́, yě ná sú xó ylɔ́ mì, bɔ un ná yí gbe nú yě. Un ná ɖɔ: ‘Togun ce wɛ mi nyí’, bɔ yě ná nɔ yí gbe ɖɔ: ‘Nǔgbó wɛ Mawu Mavɔmavɔ, hwi wɛ nyí Mawu mǐtɔn!’ ”

Matíe 16:17

Bɔ Jezu yí xó bó ɖɔ n'i ɖɔ: “Nyɔ̌nánɔ wɛ nú we Sinmɔ́ɔ, Jonási ví, ɖó gbɛtɔ́ gɔ́n wɛ nǔnywɛ́ e a dǒ tunwun xó énɛ́ ná ɔ́ gosín ǎ; lo ɔ́, Tɔ́ ce e ɖo sɛ́xwé ɔ́ wɛ sɔ́ dó ayi mɛ nú we.

Matíe 26:56

Lo ɔ́, nǔ énɛ́ lɛ́ɛ bǐ jɛ, bónú xó e Mawu ko ɖɔ gbɔn gbeyíɖɔ tɔn lɛ́ɛ jí, bɔ è wlǎn dó Mawuxówéma mɛ ɔ́ ná dó jɛ.” Ahwanvú Jezu tɔn lɛ́ɛ bǐ ka jó e dó, bó hɔn.

Jǎan 15:2

Ala ɖěbǔ ɖo wú ce, bó ma nɔ ná sínsɛ́n ǎ ɔ́, tɔ́ ce nɔ sɛ́n síin; ée ka nɔ́ ná sínsɛ́n ɔ́, é nɔ́ jlá ala tɔn lɛ́ɛ bónú é ná sixú lɛ́ sɛ́n d'é jí.

Jǎan 20:25

Ahwanvú ɖě lɛ́ɛ wá ɖɔ n'i ɖɔ: “Mǐ mɔ Aklúnɔ!” Tɔmáa ka yí gbe nú yě ɖɔ: “Ényí un ma mɔ hǔnjɛ́nkpa e ɖo alɔ tɔn mɛ lɛ́ɛ, bó sɔ́ alɔví ce d'é mɛ, bó mɔ hwǎnkpa e ɖo adaja tɔn mɛ ɔ́, bó zé alɔ ce dó adaja tɔn mɛ ǎ ɔ́, un ná ɖi ǎ.”

Mɛsɛ́dó 13:13

Pɔ́lu kpódó hǎgbɛ́ tɔn lɛ́ɛ kpán ka wá dó tɔjíhún sín Pafɔ́si, bó yi jɛ Pɛɛjée ɖo Panfilíi gbé jí. Jǎan-Maki ka jó yě dó ɖo fínɛ́, bó lɛ́ kɔ yi Jeluzalɛ́mu.

Sɛ́nflínmɛ 8:16

Gbětótló ɖokpó énɛ́ ɔ́ mɛ wɛ Mawu Mavɔmavɔ ná mǎna e tɔ́gbó mitɔn lɛ́ɛ má mɔ kpɔ́n ǎ é mi, bó ná dó dó winnyá mi, bó ná dó tɛ́n mi kpɔ́n bɔ sɔ gúdo ná nyɔ́ nú mi.

Jaki 1:2

Nɔví ce lɛ́ɛ mi, hwenu e è nǎ ɖo mi dó kpɔ́n wɛ gbɔn alɔkpa lɛ́ɛ bǐ mɛ ɔ́, ní nyí awǎjijɛnú nú mi;

Nǔɖexlɛ́mɛ 14:15

Wɛnsagun ɖěvo tɔ́n sín sinsɛnxɔ ɔ́ mɛ, bó sú xó tlílí, bó ɖɔ sɛ́ dó mɛ e ɖo ayǐjínjɔ́n ɖo akpɔ́kpɔ́ ɔ́ jí ɔ́ ɖɔ: “Zě nǔkún-yanú towe dó ya nǔkún, ɖó nǔkún-yahwenu ko su; ɖó nǔkún e ɖo ayǐkúngban jí lɛ́ɛ ko myá.”

Nǔɖexlɛ́mɛ 17:17

Đó Mawu sɔ́ jlǒ e nɔ wa linlin tɔn ɔ́ dó ayi mɛ nú yě; yě ná ɖó gbe kpɔ́, bó wa nǔ, bó ná sɔ́ axɔ́súɖuɖu yětɔn dó así nú kanlin ɔ́ káká yi jɛ hwenu e xó e Mawu ɖɔ lɛ́ɛ ná jɛ dó é.

Nǔɖexlɛ́mɛ 2:10

Wǔvɛ́ e a nǎ mɔ ɔ́ ní ma dó xɛsi nú we ó. Đǒtó: Awǒvi ná bɛ́ mɛ gěgé ɖo mi mɛ dó gankpá mɛ, bó ná dó tɛ́n mi kpɔ́n; mi ná mɔ wǔvɛ́ xɔ azǎn wǒ. Nɔ gbejí káká yi kú; énɛ́ ɔ́, un ná ná we gbɛ bɔ é ná cí axɔ́súgbákún e nɔ́ ná gbɛ mɛ é ɖɔhun.

Nǔɖexlɛ́mɛ 7:14

Un yí gbe n'i ɖɔ: “Aklúnɔ ce, un ma tunwun nɛ́, hwi wɛ tunwun.” Bɔ é ɖɔ nú mì ɖɔ: “Mɛ e è dǒ ya ɖaxó ɔ́ ná lɛ́ɛ é wɛ. Yě nya awu gaga yětɔn lɛ́ɛ, bó bɛ́ dó Lɛ̌ngbɔ́ví ɔ́ sín hun mɛ, bɔ awu lɛ́ɛ wé.