Daniyɛ́li 11:34 - MAWUXÓWÉMA

³⁴ Hwenu e yě ná ɖo ya énɛ́ lɛ́ɛ ji wɛ ɔ́, yě ná mɔ alɔdó kpɛɖé. Yɛmɛnúwatɔ́ gěgé ná ɖo mɛ e ná wá jɛ yě jí lɛ́ɛ é mɛ.

Daniyɛ́li 11:34 Iomraidhean Croise

Daniyɛ́li 11:21

“Mɛ e ná wá mɛ énɛ́ ɔ́ sín tɛnmɛ ɔ́ ná nyí mɛɖé, bɔ mɛ bǐ ná gbɛ́ wǎn n'i; è nǎ sɔ́ ɛ su axɔ́sú ɖɔhun ǎ. To ɔ́ bǐ ná ɖo vivo mɛ, bɔ nya énɛ́ ɔ́ ná dó ahizi, bó ná klá jɛ axɔ́súɖuto ɔ́ nu, bó ná ɖu gǎn.

Daniyɛ́li 11:32

Cɛ́ncɛ́n e xo dó mɛ wɛ axɔ́sú ɔ́ ɖésú nɔ ɖe lɛ́ɛ ɔ́ ná dɔn mɛ gěgé, bɔ yě ná dó vɛ̌ nú akɔjijɛ ɔ́. Amɔ̌, mɛ e nɔ gbejí nú Mawu lɛ́ɛ ná ɖó kan dó nǔ e wa wɛ yě ɖe ɔ́ wú syɛ́nsyɛ́n.

Matíe 7:15

“Mi cɔ́ miɖée dó mɛ e nɔ sɔ́ yěɖée dó ɖó gbeyíɖɔ Mawu tɔn lɛ́ɛ wú. Ninɔmɛ lɛ̌ngbɔ́ tɔn wɛ yě nɔ zé, bó nɔ́ wá mi gɔ́n; lo ɔ́, ɖo ayi yětɔn mɛ ɔ́, adǎnkanlin ɖi hla ɖɔhun wɛ nú yě.

Hlɔ̌manu 16:18

Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.

Galatinu 2:4

Klísusɛntɔ́-nyíjɛtɔ́ ɖé lɛ́ɛ lun byɔ́ mǐ mɛ, bó jló ná gbo ada n'i, có è ka gbo n'i ǎ. Yě jló ná ba do nú mǐ ɖésúnɔ sí e mǐ ɖe ɖo bǔ e mǐ ɖe xá Klísu Jezu ɔ́ mɛ é, bó jló ná lílɛ́ mǐ, bónú mǐ ná lɛ́ húzú kannumɔ nú Jwifu lɛ́ɛ sín walɔ.

2 Timɔtée 4:3

Đó hweɖénu ná wá su, bɔ nǔkplɔ́nmɛ titewungbe ɔ́ sɔ́ ná nyɔ́ se nú gbɛtɔ́ lɛ́ɛ ǎ; lo ɔ́, yě ná xwedó jlǒ yě ɖésúnɔ tɔn, bó ná kplé nǔkplɔ́nmɛtɔ́ wɔ̌buwɔ́bú ɖé lɛ́ɛ nú yěɖée, bɔ yě ná nɔ́ ɖɔ nǔ e nyɔ́ se nú yě lɛ́ɛ nú yě.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

1 Jǎan 4:1

Mɛvívɛ́ná ce lɛ́ɛ mi, mi ma nɔ ɖi nǔ nú mɛ e ɖɔ émí ɖó Yɛ Mawu tɔn lɛ́ɛ é bǐ ó, mi nɔ to dó yě kpɔ́n hwɛ̌, bó ná kpɔ́n ɖɔ Yɛ Mawu tɔn ɔ́ jɛ́n ɖo yě mɛ nǔgbó ají; ɖó gbeyíɖɔmawutɔn-nyíjɛtɔ́ gěgé ko gba kpé gbɛ ɔ́ mɛ din.

1 Jǎan 4:5

Gbeyíɖɔmawutɔn-nyíjɛtɔ́ lɛ́ɛ ɔ́, gbɛ ɔ́ tɔn wɛ yě nyí, bó nɔ ɖɔ xó lě e mɛ e nyí gbɛ ɔ́ tɔn lɛ́ɛ nɔ ɖɔ xó gbɔn é, bɔ mɛ e nyí gbɛ ɔ́ tɔn lɛ́ɛ nɔ ɖótó yě.

2 Jǎan 1:7

Adingbannɔ gěgé gba kpé gbɛ ɔ́ mɛ, bó nɔ gbɛ́ ɖɔ Jezu Klísu kún zɔn agbaza mɛ wá ó. Mɛ e nɔ wa nǔ gbɔn mɔ̌ ɔ́, adingbannɔ wɛ; Klísu Kɛntɔ́ ɔ́ wɛ.

Judi 1:4

Nǔgbó ɔ́, mɛdídá ɖé lɛ́ɛ lun byɔ́ mi mɛ, bó nɔ́ kpé ta do nú wɛn e ɖɔ xó dó nyɔ̌ná Mawu mǐtɔn tɔn wú é; yě bló mɔ̌, bó ná dó ɖe xlɛ́ ɖɔ gbɛ kwíji kwíji e zán wɛ émí ɖe ɔ́ sɔgbe, bó nɔ́ gbɛ́ Jezu Klísu e nyí Mɛ̌si mǐtɔn ɖokpó géé, bó nyí Aklúnɔ mǐtɔn é. É ko lín din bɔ Mawuxówéma ɔ́ ko ɖɔ hwɛ e è ɖǒ nú yě ɔ́.

Nǔɖexlɛ́mɛ 12:13

Ée Dlagɔ́ɔn ɔ́ mɔ ɖɔ è nyi émí dó ayǐkúngban jí é ɔ́, é jɛ nyɔ̌nu e ji vǐ súnnu ɔ́ gúdo.

Nǔɖexlɛ́mɛ 2:20

Lo ɔ́, nǔ towe e vɛ́ wǔ ce ɔ́ ɖíe: nyɔ̌nu e nɔ nyí Jezabɛ́li bó nɔ ylɔ́ éɖée ɖɔ gbeyíɖɔ Mawu tɔn ɔ́, a nɔ jó e dó bɔ é nɔ kplɔ́n nǔ mɛsɛntɔ́ ce lɛ́ɛ ɖɔ yě ní nɔ́ lɛ aga; yě ní nɔ́ ɖu kanlin e è xwlé vodún lɛ́ɛ sín lan; é nɔ́ kplɔ́n nǔ énɛ́ lɛ́ɛ yě dó flú yě.