Daniyɛ́li 11:33 - MAWUXÓWÉMA

³³ Mɛ e bí ganjí ɖo yě mɛ lɛ́ɛ ná ná kplɔ́n mɛ gěgé. È nǎ hu mɛɖé lɛ́ɛ ɖó hwǐ wú, è nǎ dó mɛ lɛ́ɛ zo, è nǎ bɛ́ mɛɖé lɛ́ɛ sín dɔkun, lobo ná zé yě yi sú dó gankpá mɛ. Nǔ énɛ́ lɛ́ɛ ná jɛ káká yi jɛ hwe ɖé nu.

Daniyɛ́li 11:33 Iomraidhean Croise

Daniyɛ́li 12:10

Mɛ gěgé ná tíin bɔ è ná slá wǔ nú yě, bɔ yě ná wé, bó ná mɛ́. Mɛdídá e ma sixú mɔ nukúnnú jɛ nǔ mɛ ǎ lɛ́ɛ ná kpo ɖo nǔ nyanya yětɔn lɛ́ɛ dó sin wɛ. Amɔ̌, mɛ e ɖó nǔnywɛ́ lɛ́ɛ ná mɔ nukúnnú jɛ nǔ e ɖo jijɛ wɛ é wú.

Malacíi 2:7

Nǔgbó wɛ, vɔ̌sánú-xwlémawutɔ́ ɔ́, azɔ̌ tɔn wɛ nyí é ní kplɔ́n nǔ mɛ lɛ́ɛ, nú yě ná tunwun nyɛ Mawu. É wɛ mɛ lɛ́ɛ nɔ wá kan nǔ byɔ́ dó sɛ́n e yě ná nyi lɛ́ɛ wú, ɖó é wɛ nyí ɖɛ̌mɛnu nyɛ Mawu Mavɔmavɔ Nǔbǐwúkpétɔ́ ɔ́ tɔn.

Matíe 10:21

“Nɔví ná jó nɔví tɔn, bɔ è nǎ hu; tɔ́ ná jó vǐ tɔn, bɔ è nǎ hu; vǐ lɛ́ɛ ná fɔ́n gǔ dó mɛjitɔ́ yětɔn lɛ́ɛ jí, bó ná zɔ́n ɖɔ è ní hu yě.

Matíe 13:11

Jezu yí gbe nú yě ɖɔ: “Axɔ́súɖuɖu sɛ́xwé tɔn sín nǔbúdo lɛ́ɛ ɔ́, midɛɛ lɛ́ɛ wɛ è hun xlɛ́; è ka xlɛ́ yědɛɛ lɛ́ɛ ǎ.

Matíe 20:23

Jezu ka ɖɔ nú yě ɖɔ: “Mi ná wá nu wǔvɛ́ kɔ́fu ce énɛ́ ɔ́ nǔgbó; amɔ̌, ɖisíxwé ce kpódó amyɔxwé ce kpó ná jínjɔ́n ɔ́, nyɛ wɛ ná ná ǎ; mɛ e Mawu ko bló tɛnmɛ énɛ́ lɛ́ɛ ɖ'ayǐ ná lɛ́ɛ tɔn wɛ.”

Matíe 24:9

“È nǎ wlí mi jó, bɔ è nǎ dó tagba nú mi, káká bó hu mi. Mɛ bǐ ná gbɛ́ wǎn nú mi, ɖó nyɛ wú.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Jǎan 16:2

È nǎ wá ɖe mi sín kplɔ́ngbasá lɛ́ɛ. Gan ɔ́ ko ɖo nǎ xo wɛ lɔ, bɔ mɛ ɖěbǔ hu mi ɔ́, mɛ ɔ́ ná vɛdó ɖɔ Mawu sín azɔ̌ wa wɛ émí ɖe nɛ́ sín.

Mɛsɛ́dó 11:26

Ée é mɔ ɛ ɔ́, é kplá ɛ wá Antyɔ́ci, bɔ yě mɛ we lɛ́ɛ bló xwe ɖokpó kpíkpé ɖo agun mɛ e ɖi nǔ nú Jezu lɛ́ɛ tɔn e ɖo fínɛ́ ɔ́ mɛ, bó kplɔ́n nǔ mɛ gěgé. Antyɔ́ci fínɛ́ wɛ mɛ lɛ́ɛ ylɔ́ ahwanvú Jezu tɔn lɛ́ɛ ɖɔ klísusɛntɔ́ ɖe dó nukɔn.

Mɛsɛ́dó 14:21

Baanabási kpódó Pɔ́lu kpó jlá Wɛn Ɖagbe ɔ́ ɖo Dɛɛbe, bɔ mɛ gěgé ɖi nǔ nú Jezu. Énɛ́ ɔ́ gúdo ɔ́, yě lɛ́ kɔ yi Lisitli, Ikoniyɔ́mu kpódó Antyɔ́ci Pisidíi tɔn kpán.

1 Kɔlɛ́ntinu 4:9

Đó mǐ mɛ mɛsɛ́dó lɛ́ɛ ɔ́, ɖo nukún ce mɛ ɔ́, é cí tɛn gǔdo tɔn ɔ́ mɛ wɛ Mawu sɔ́ mǐ ɖó ɖɔhun; mǐ cí mɛ e ɖó ná kú ɖo agbawungba ɔ́ ɖɔhun; mǐ húzú nǔkpínkpɔ́n nú gbɛ ɔ́ bǐ, bó húzú nǔkpínkpɔ́n nú wɛnsagun lɛ́ɛ kpó gbɛtɔ́ lɛ́ɛ kpó.

2 Timɔtée 1:12

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

2 Timɔtée 4:6

Nyɛ ɔ́, hwenu e è nǎ sɔ́ mì dó sá vɔ̌ ná ɔ́ su; hwenu e un ná gosín gbɛ élɔ́ mɛ ɔ́ su.

Eblée 11:34

Nǔɖiɖi e yě ɖó ɔ́ zɔ́n bɔ yě xo myɔ e ɖo jiji wɛ hɛhɛ ɔ́ cí; yě gló hwǐ; yě ɖó gǎn ɖé ɖ'ayǐ ǎ, yě ka wá mɔ gǎn. Ahwanfuntɔ́ syɛ́nsyɛ́n wɛ yě wá nyí, bó ɖu ɖo ahwangɔnu to ɖěvo mɛ tɔn lɛ́ɛ jí.

Nǔɖexlɛ́mɛ 1:9

Un nɔ nyí Jǎan; nɔví mitɔn wɛ un nyí; ɖo bǔ e mǐ ɖe xá Jezu é mɛ ɔ́, un ɖo ya ji xá mi wɛ, bó ɖo axɔ́súɖuɖu ɔ́ mɛ xá mi; un ɖo te kpódó suúlu kpó xá mi. Un ɖo tɔtɛ́ntin-yíkúngban e è nɔ ylɔ́ ɖɔ Patimɔ́si ɔ́ jí, ɖó un jlá Mawuxó ɔ́ bó ɖe kúnnu nú Jezu wútu.

Nǔɖexlɛ́mɛ 17:6

Un mɔ ɖɔ mɛɖeɖóvo Mawu tɔn lɛ́ɛ kpódó kúnnuɖetɔ́ Jezu tɔn e è hu lɛ́ɛ kpó sín hun mú nyɔ̌nu ɔ́. Ée un mɔ nyɔ̌nu ɔ́, é kpácá mì ɖésú.

Nǔɖexlɛ́mɛ 2:13

Un tunwun fí e a nɔ nɔ é: fí e Satáan ɖu axɔ́sú ɖe ɔ́ wɛ a nɔ nɔ. A nɔ gbejí nú mì; a jǒ nǔɖiɖi e a ɖǒ nú mì ɔ́ dó ǎ; hwenu e è hu kúnnuɖetɔ́ ce gbejínɔtɔ́ Antipasi ɖo mi gɔ́n ɖo fí e Satáan nɔ nɔ ɔ́, a jǒ mì dó ǎ.

Nǔɖexlɛ́mɛ 6:9

Énɛ́ ɔ́ gúdo ɔ́, Lɛ̌ngbɔ́ví ɔ́ gba wuntun atɔ́ɔ́ngɔ́ ɔ́, bɔ un mɔ mɛ e è hu, ɖó yě jlá Mawuxó ɔ́, bó nɔ gbejí ɖo kúnnuɖiɖe yětɔn mɛ lɛ́ɛ é sín lǐndɔ̌n ɖo vɔ̌sákpe ɔ́ glɔ́.

Nǔɖexlɛ́mɛ 7:14

Un yí gbe n'i ɖɔ: “Aklúnɔ ce, un ma tunwun nɛ́, hwi wɛ tunwun.” Bɔ é ɖɔ nú mì ɖɔ: “Mɛ e è dǒ ya ɖaxó ɔ́ ná lɛ́ɛ é wɛ. Yě nya awu gaga yětɔn lɛ́ɛ, bó bɛ́ dó Lɛ̌ngbɔ́ví ɔ́ sín hun mɛ, bɔ awu lɛ́ɛ wé.