Daniyɛ́li 11:31 - MAWUXÓWÉMA

³¹ Sɔ́ja e é sɛ́ dó lɛ́ɛ ná sí ahwan te, ɖo ahohó mímɛ́ ɔ́ nukɔn, bó ná ɖu su ná. Vɔ̌ e sá nú Mawu wɛ è nɔ ɖe ayǐhɔ́ngbe ayǐhɔ́ngbe ɔ́, yě ná ɖó te; yě ná zé suɖunú baɖabaɖa ɖokpó ɖó vɔ̌sákpe ɔ́ jí.

Daniyɛ́li 11:31 Iomraidhean Croise

Jelemíi 19:4

Yě jǒ mì dó; yě hɛn tɛn élɔ́ mɛ gblé; yě hɛn gblé káká bɔ è mɔ ɔ́, è sɔ́ tunwun ɖɔ tɛn élɔ́ wɛ ǎ; yě dǒ zǎlínkpɔ́n zo nú vodún lɛ́ɛ ɖo fí. Yě ká tunwun vodún énɛ́ lɛ́ɛ kpɔ́n ǎ; tɔ́gbó yětɔn lɛ́ɛ tunwun ǎ; axɔ́sú Judáa tɔn lɛ́ɛ lɔ ka tunwun ǎ, yě kɔn xomɛvɔ́nɔ sín kanjɔ kɔn nyi ayǐ ɖo fí, bɔ é sa tɔ.

Jelemíi 7:30

“Judáanu e mi, mi dó nǔ e ma nyɔ́ nukún ce mɛ ǎ lɛ́ɛ sin. Mi bɛ́ bǒcyɔ mitɔn lɛ́ɛ wá ɖó xwé ce gbe, xwé e è sɔ́ ɖó vo nú mì é gbe, lobo ɖu su nú xwé ce. Xó e nyɛ Mawu Mavɔmavɔ ɖɔ ɔ́ nɛ́.

Gbɛvíhan 1:10

Mɛ e ɖu ɖo jǐ tɔn lɛ́ɛ ɖ'alɔ dɔkun tɔn lɛ́ɛ jí. Jeluzalɛ́mu mɔ jǒnɔ lɛ́ɛ byɔ́ Mawuxɔ ɔ́ mɛ. Mawu, a ma ka ko gbɛ́ ɖɔ yě kún ná byɔ́ mɛ émítɔn lɛ́ɛ mɛ ó ǎ cé?

Gbɛvíhan 2:7

Aklúnɔ jó vɔ̌sákpe tɔn dó, é jó tɛn mímɛ́ tɔn dó. É jó hɔnmɛ e ɖo Sinyɔ́ɔ lɛ́ɛ dó nú kɛntɔ́ lɛ́ɛ. Kɛntɔ́ lɛ́ɛ ɖú zǐngídi ɖo Mawu Mavɔmavɔ xwé ɔ́ gbe xwe ɖu wɛ è ɖe ɖɔhun.

Ezekiyɛ́li 9:7

Mawu ɖɔ nú yě ɖɔ: “Mi yi ɖu su nú xwé ce; mi bɛ́ cyɔ lɛ́ɛ kɔn nyi kɔ́xo lɛ́ɛ ta.” Nǔgbó ɔ́, yě tɔ́n bó byɔ́ toxo ɔ́ mɛ bó hu mɛ lɛ́ɛ tɛ́.

Daniyɛ́li 12:11

Nǔ énɛ́ lɛ́ɛ ná bɛ́ jijɛ sín gbe e gbe è ma sɔ́ ná sixú sá vɔ̌ nú Mawu ayǐhɔ́ngbe ayǐhɔ́ngbe ǎ é, bɔ è nǎ zé suɖunú baɖabaɖa ɖokpó ɖó vɔ̌sákpe ɔ́ jí. Nǔ lɛ́ɛ ná ɖo jijɛ wɛ káká nú azǎn afayizɛ́n kanwe wǒ (1.290).

Daniyɛ́li 8:24

Acɛkpikpa tɔn ná nɔ́ ɖo syɛ́nsyɛ́n d'é jí wɛ, có é ka nyí é ɖésú wɛ ɖo hlɔ̌nhlɔ́n ɖé dó wɛ ǎ. É ná dɔn nǔ gěgé gúdú. É sí te dó nǔɖé wú ɔ́, é ná nɔ́ kpé wú. É ná sú mɛ e ɖó acɛ lɛ́ɛ sín kún dó. É ná sú togun mímɛ́ ɔ́ lɔ sín kún dó.

Daniyɛ́li 8:26

Tínmɛ e jɛ xá vɔ̌sísá zǎnzǎn gbada tɔn e a mɔ lɛ́ɛ é nɛ́. Amɔ̌, ma ɖɔ nǔ énɛ́ e a mɔ ɔ́ nú mɛɖé ó, ɖó hwenu e é ná jɛ dó ɔ́ kpo ɖaxó.’

Daniyɛ́li 9:27

Xwe tɛ́nwe gúdo tɔn lɛ́ɛ mɛ ɔ́, Mawu ná ɖó azɔ̌ syɛ́nsyɛ́n kɔ jí nú mɛ gěgé, bɔ yě ɖó ná wa dandan. Yě bló xwe atɔn adaɖé ɖo xwe tɛ́nwe énɛ́ lɛ́ɛ mɛ ɔ́, è nǎ ɖó vɔ̌sísá kpó nǔníná kpó lɔ bǐ te. Nǔhɛngblétɔ́ énɛ́ ɔ́ ná yá wǔ bló nǔ baɖabaɖa lɛ́ɛ lě e é jló e gbɔn é káká jɛ hwenu e è ɖǒ, bɔ éyɛ́ tɔn ná fó dó é.’ ”

Ozée 3:4

Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

Matíe 24:15

“Énɛ́ ɔ́ wútu ɔ́, mi ná mɔ suɖunú baɖabaɖa e xó gbeyíɖɔ Mawu tɔn Daniyɛ́li ko ɖɔ ɖ'ayǐ ɔ́ ɖo tɛn mímɛ́ ɔ́ mɛ. Mɛ ɖé xa nǔ énɛ́ lɛ́ɛ hǔn, ní bó mɔ nǔ jɛ wú.

Maki 13:14

“Hwenu e mi ná wá mɔ suɖunú baɖabaɖa ɔ́ ɖo tɛn e mɛ é ma ɖó ná nɔ ǎ ɔ́, (mɛ e xa nǔ énɛ́ ɔ́ ní mɔ nǔ jɛ wú); mɛ e ɖo Judée yíkúngban jí lɛ́ɛ ní hɔn yi sókan lɛ́ɛ mɛ.

Luki 21:20

“Hwenu e mi ka ná wá mɔ kɛntɔ́ lɛ́ɛ nyi ahwan, bó ján Jeluzalɛ́mu toxo ɔ́, mi nywɛ́ ɖɔ hwenu e è nǎ gba dó ɔ́ kó sɛ yá.

Nǔɖexlɛ́mɛ 17:12

“Zo wǒ e a mɔ lɛ́ɛ ɔ́, axɔ́sú wǒ wɛ yě nyí; yě ka ko jɛ axɔ́sú ɖu jí ǎ. Amɔ̌ è nǎ sɔ́ acɛkpikpa ɔ́ dó así nú yě, bɔ yě ná ɖu axɔ́sú xá kanlin ɔ́ nú ganxixo ɖokpó.