Daniyɛ́li 11:30 - MAWUXÓWÉMA

³⁰ Mɛ e ɖo gbadahwe jí lɛ́ɛ ná dó tɔjíhún e gosín Cíplu é, bó ná wá gbo ali nú axɔ́sú Totaligbé tɔn ɔ́. Awakanmɛ ná kú i, bɔ é ná lɛ́ kɔ. É ná ɖó gbe kpɔ́ xá mɛ e ma nɔ gbejí nú akɔjijɛ ɔ́ ǎ lɛ́ɛ, bó ná jɛ ma dó togun e ɖo akɔjijɛ mímɛ́ ɔ́ lɛ́ɛ glɔ́ é jí.

Daniyɛ́li 11:30 Iomraidhean Croise

Bǐbɛ́mɛ 10:4

Yaváni ɔ́, vǐ tɔn súnnu lɛ́ɛ sín nyǐkɔ ɖíe: Elica, Taasísi, Kitímu kpódó Hlodanímu kpó.

1 Tan 1:7

Yaváni ví lɛ́ɛ ɖíe: Elica, Taasísi, Kitímu kpó Hlodanímu kpó.

Nɛɛmíi 6:12

Un tunwun ganjí ɖɔ é kún nyí wɛn wɛ é yí sín Mawu gɔ́n, bó ɖo dǐdó mì wɛ ó. Lo ɔ́, Toviya kpó Sanbaláti kpó wɛ dó ajɔ ɛ, bɔ é ɖo xó énɛ́ ɔ́ ɖɔ wɛ,

Ezayíi 23:1

Xó e Mawu ɖɔ dó “Tíi” wú é ɖíe: “Tɔjíhún ɖaxó ɖaxó lɛ́ɛ mi, mi dó gbɛvíhan. Mi dó gbɛvíhan, ɖó è gba Tíi toxo ɔ́ bǐ; mi sɔ́ ɖó fí e mi ná nɔ́ yi glín ɖó é ǎ.” Hwenu e tɔjíhún lɛ́ɛ lɛ́ kɔ sín tɔtɛ́ntinto Cíplu tɔn mɛ wá ɔ́ wɛ yě se xó énɛ́.

Ezayíi 23:12

É ɖɔ: “Sidɔ́ɔnnu lɛ́ɛ mi, fí e mi j'awǎ jɛ ɔ́ kpé. Mi cí ɖyɔ̌vǐ e è hwlɛ̌n kan xá bó gbá avɔ ná é ɖɔhun. Mi na bo wlí ali bó gbɔn xu jí káká yi tɔtɛ́ntinto Cíplu tɔn mɛ ɔ́, mi ná mɔ agbɔ̌n ɖo dɔ̌n lɔmɔ̌ ǎ.

Jelemíi 2:10

Mi yi tɔtɛ́ntinto Cíplu tɔn lɛ́ɛ mɛ ɖo gbadahwe jí, bó kpɔ́n nǔ ganjí; mi sɛ́ mɛ dó Kedáa gbé jí, ɖo zǎnzǎnhwe jí, bó kpɔ́n ɖɔ nǔ mɔ̌hunkɔtɔn ɖě jɛ ɖo dɔ̌n kpɔ́n a jí?

Ezekiyɛ́li 27:6

Yě sɔ́ cɛ́nitín Basáni tɔn dó kpa zɛn towe lɛ́ɛ; fí e è nɔ nɔ bó nɔ́ kun tɔjíhún ɔ́ é ɔ́, sɛ́dlutín wɛ è dǒ bló; sɛ́dlutín tɔtɛ́ntinto Glɛ̌si tɔn lɛ́ɛ wɛ è dǒ bló, bó sɔ́ ajinakúɖú dó ba acɔ́ ná.

Daniyɛ́li 11:28

Axɔ́sú Totaligbé tɔn ɔ́ ná lɛ́ kɔ yi to tɔn mɛ kpó dɔkun gěgé kpó. Ée é ná lɛ́ kɔ wá xwe xwé ɔ́, é ná tɔ́n ahwan togun e è jɛ akɔ mímɛ́ xá lɛ́ɛ ɖokpó, lě e é ko to gbɔn ɖ'ayǐ é, bó ná ɖidó to tɔn mɛ.

Daniyɛ́li 11:29

“Ée hwe ɔ́ nu wá su ɔ́, axɔ́sú Totaligbé tɔn ɔ́ lɛ́ vɔ́ wá axɔ́súɖuto Totaligbé tɔn ɔ́ tɔn mɛ, amɔ̌, lě e nǔ lɛ́ɛ ná yi gbɔn hwenɛ́nu ɔ́ ná gbɔn vo nú ɖ'ayǐ tɔn ɔ́.

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Kɛ́nsísɔ́ 24:24

Tɔjíhún ɖé lɛ́ɛ ná gosín Cíplu wá. Kɛntɔ́ ná dó winnyá Asilíinu lɛ́ɛ. Kɛntɔ́ ná dó winnyá Ebɛ́ɛ sín vǐ lɛ́ɛ. Amɔ̌, yě lɔmɔ̌ ná dɔn.”

Matíe 24:10

Hwenɛ́nu ɔ́, mɛ e ɖi nǔ nú mì lɛ́ɛ gěgé ná jó nǔɖiɖi yětɔn dó. Yě ná nɔ́ slɛ́ yěɖée, bó ná gbɛ́ wǎn nú yěɖée,

Nǔɖexlɛ́mɛ 12:12

Énɛ́ wú ɔ́, sɛ́xwé kpó mi mɛ e ɖo sɛ́xwé lɛ́ɛ kpó ní jɛ awǎ. Amɔ̌ heelú ayǐkúngban kpó xu kpó. Đó awǒvi jɛ te wá mi gɔ́n kpódó xomɛsin ɖaxó ɖé kpó, ɖó é tunwun ɖɔ hwenu kpɛɖé jɛ́n wɛ kpo nú émí.”