Daniyɛ́li 11:20 - MAWUXÓWÉMA

²⁰ Mɛ e ná wá jɛ axɔ́sú énɛ́ ɔ́ tɛnmɛ ɔ́, ná sɛ́ mɛ ɖokpó dó, bɔ mɛ ɔ́ ná yi xɔ e nyɔ́ ɖɛkpɛ hú xɔ lɛ́ɛ bǐ ɖo axɔ́súɖuto ɔ́ mɛ é mɛ, bó ná bɛ́ nǔ e ɖ'é mɛ lɛ́ɛ bǐ. Azǎn ɖé ná jɛ ǎ, bɔ è nǎ gbídí axɔ́sú énɛ́, é ka ná nyí agbawungba abǐ ahwangbénu ǎ.

Daniyɛ́li 11:20 Iomraidhean Croise

2 Axɔ́sú 23:35

Énɛ́ ɔ́, Yoyakímu yí nǔjɔ ɖo toví tɔn lɛ́ɛ bǐ sí, bó ná dó sixú mɔ nǔ e Ejípu xɔ́sú ɔ́ byɔ́ é. Ée toví lɛ́ɛ bǐ ná nǔjɔ é ɔ́, é mɔ siká kpó kpatágan kpó e Ejípu xɔ́sú ɔ́ byɔ́ ɛ é, bó bɛ́ jó.

Nǔnywɛ́xó 30:33

ɖó è xo anɔ̌sin ɔ́, é nɔ́ húzú bɔ̌ta; è dó nǔ awɔntín jí ɔ́, kanjɔ nɔ tɔ́n; xomɛsin dó xomɛ nú mɛ wɛ nɔ dɔn jlɛ wá.

Ezayíi 60:17

Siká wɛ un ná hɛn wá nú we ɖó ganvɔ tɛnmɛ; kpatágan wɛ un ná hɛn wá nú we ɖó gan tɛnmɛ; ganvɔ wɛ un ná hɛn wá nú we ɖó atín tɛnmɛ; gan wɛ un ná hɛn wá nú we ɖó awǐnnya tɛnmɛ. Un ná sɔ́ fífá ɖó to ɔ́ nu, bɔ hwɛjijɔ ná kpa acɛ ɖo to ɔ́ mɛ.

Daniyɛ́li 11:21

“Mɛ e ná wá mɛ énɛ́ ɔ́ sín tɛnmɛ ɔ́ ná nyí mɛɖé, bɔ mɛ bǐ ná gbɛ́ wǎn n'i; è nǎ sɔ́ ɛ su axɔ́sú ɖɔhun ǎ. To ɔ́ bǐ ná ɖo vivo mɛ, bɔ nya énɛ́ ɔ́ ná dó ahizi, bó ná klá jɛ axɔ́súɖuto ɔ́ nu, bó ná ɖu gǎn.

Daniyɛ́li 11:7

Hɛ̌nnumɔ tɔn lɛ́ɛ ɖokpó ná wá jɛ tɔ́ tɔn tɛnmɛ, bó ná yi axɔ́sú Totaligbé tɔn ɔ́ sín hɔnmɛ, bó ná dó ya nú ahwangɔnu tɔn. É ná tɔ́n ahwan ahwangɔnu énɛ́ ɔ́, bó ná ɖu ɖo jǐ tɔn.

Xabakúku 1:1

Xó e Mawu ɖɔ nú gbeyíɖɔ tɔn Xabakúku bo ɖe xlɛ́ ɛ ɔ́ ɖíe.