Daniyɛ́li 11:2 - MAWUXÓWÉMA

² Amɔ̌, din ɔ́, wɛn jɔ wɛn e ná dó we wɛ un ɖe ɔ́ ɖíe: “Axɔ́sú atɔn ná ɖu axɔ́sú ɖo Pɛ́si. Axɔ́sú ɛnɛgɔ́ e ná bɔ dó yě wu ɔ́ ná jɛ dɔkun hú axɔ́sú ɖě lɛ́ɛ. Hwenu e dɔkun tɔn lɛ́ɛ ná ná ɛ hlɔ̌nhlɔ́n, bɔ é ná kpa acɛ ganjí ɔ́, é ná wa nǔ bǐ bó ná tɔ́n ahwan axɔ́súɖuto Glɛ̌si tɔn.

Daniyɛ́li 11:2 Iomraidhean Croise

Ɛsidlási 4:24

È to ɖó Mawu xwé gbígbá ɔ́ sín azɔ̌ te hwɛ̌ ɖo Jeluzalɛ́mu, káká wá jɛ hwenu e Dadá Pɛ́si tɔn Daliwúsi ɖo xwe we bló wɛ ɖo zinkpo jí é.

Ɛsidlási 4:7

Mɔ̌ ɖokpó ɔ́, hwenu e Dadá Pɛ́si tɔn Aatazɛɛzɛsi ɖo axɔ́sú ɖu wɛ ɔ́, Bicilámu kpódó Mitlɛdati kpó, kpódó Tavéyɛ́lu kpó, kpódó azɔ̌gbɛ́ yětɔn lɛ́ɛ kpó sɛ́ wěma dó e. Wěkwín Alamu tɔn wɛ è dǒ wlán wěma ɔ́ ná, bó wlán dó alamugbe mɛ.

Ɛsitɛ́ɛ 1:1

Hwenu e Zɛ̌ɛzɛsi ɖo axɔ́sú ɖu wɛ ɔ́ wɛ xó e è ɖɔ dó fí ɔ́ jɛ. Tokpɔn kantɔn tɛ́nwe (127) nu wɛ é kpa acɛ dó, sín Ɛndu yi Etiopíi;

Nǔnywɛ́xó 22:21

bɔ a nǎ dó tunwun xó e wú a nǎ gǎn jɛ é, xó e nyí xó jɔ xó ɔ́ é; énɛ́ ɔ́, mɛɖé sɛ́ we dó nǔgbó ɔ́ ba gbé ɔ́, a nǎ sixú mɔ, bó ɖɔ n'i, bɔ é ná gán jɛ wú.

Daniyɛ́li 10:1

Hwenu e axɔ́sú Pɛ́si tɔn Silúsi ɖo xwe atɔn bló wɛ ɖo zinkpo jí ɔ́, Mawu dó wɛn ɖé Daniyɛ́li e è nɔ ylɔ́ ɖɔ Bɛluticasáa é. Xó énɛ́ ɔ́, xójɔxó wɛ, bó ɖɔ wǔvɛ́ ɖaxó ɖaxó e jǎwe lɛ́ɛ. Daniyɛ́li ɖo tamɛ lin dó xó énɛ́ wú wɛ, bɔ Mawu wá ná ɛ tínmɛ tɔn ɖo dlɔ̌ mɛ.

Daniyɛ́li 11:25

“É ná ɖeji dó hlɔ̌nhlɔ́n tɔn kpó akɔ́nkpinkpan tɔn kpó wú, bó ná kplá ahwangɔnu ɖaxó ɔ́. Amɔ̌, axɔ́sú énɛ́ ɔ́ ná ko sɔ́ ahwannú ɖ'ayǐ, bó ná fun ahwan xá ahwangɔnu ɖaxó e ná syɛ́n ɖésú é. É ná sɔ́ nǔ bǐ mɔ̌ cóbó ka ná sixú nɔ te nukɔn tɔn ǎ, ɖó ahizi sín wlɛnwín e é ɖe dó wǔ tɔn ɔ́ wú.

Daniyɛ́li 7:5

Kanlin wegɔ́ ɔ́ cí lɔnmɔ ɖɔhun. É ɖo tɔ́tɔ́, bɔ ajajaxú atɔn ɖo nu tɔn mɛ, bɔ é tɛ aɖǔ jí. È ná ɛ gbe ɖɔ é ní jlɔ́ bǐ bó yi ɖu lan gěgé.

Daniyɛ́li 8:21

Gbǎgbá ɔ́ nyí axɔ́súɖuto Glɛ̌si tɔn sín xlɛ́. Zo ɖaxó e ɖo nukún tɔn lɛ́ɛ tɛ́ntin ɔ́ nyí axɔ́súɖuto nukɔntɔn ɔ́ sín xlɛ́ .

Daniyɛ́li 8:26

Tínmɛ e jɛ xá vɔ̌sísá zǎnzǎn gbada tɔn e a mɔ lɛ́ɛ é nɛ́. Amɔ̌, ma ɖɔ nǔ énɛ́ e a mɔ ɔ́ nú mɛɖé ó, ɖó hwenu e é ná jɛ dó ɔ́ kpo ɖaxó.’

Daniyɛ́li 8:4

Un mɔ agbo ɔ́ ɖo zo nyi dó gbadahwe jí wɛ, bó ɖo nyinyi dó totaligbé wɛ, bó ɖo nyinyi dó tofɔligbé wɛ. Kanlin mɔ̌hun tíin bó ná nɔ te nukɔn tɔn ǎ, è ka sixú yí mɛɖé sín fɛn tɔn mɛ ǎ. Nǔ e jló e ɔ́ wɛ é nɔ́ wa, bɔ hlɔ̌nhlɔ́n tɔn fɔ́n ɔ́, é nɔ́ ɖo jijɛ jí wɛ.

Amɔ́si 3:7

Đó Aklúnɔ Mavɔmavɔ nɔ wa nǔɖé ma ɖe nǔbúdo tɔn xlɛ́ mɛsɛntɔ́ tɔn gbeyíɖɔ lɛ́ɛ ǎ.

Jǎan 10:35

Mawuxówéma ɔ́ nɛ́ è ma ka sixú gbídí nǔ ɖěbǔ ɖ'é mɛ ǎ nɛ́. Ényí è ka ylɔ́ mɛ e ɖɔ Mawuxó ná wɛ è ɖe lɛ́ɛ ɖɔ mawu ɔ́,

Nǔɖexlɛ́mɛ 21:5

Hwenɛ́nu ɔ́, mɛ e ɖo ayǐjínjɔ́n ɖo axɔ́súzinkpo ɔ́ jí ɔ́ ɖɔ: “Din ɔ́, un ɖo nǔ lɛ́ɛ bǐ sɔ́ dó húzú nǔ yɔ̌yɔ́ wɛ.” É lɛ́ ɖɔ nú mì ɖɔ: “Wlǎn, ɖó xó nǔgbó wɛ nyí xó énɛ́ lɛ́ɛ, bó nyí xó e wú è nǎ ɖeji dó lɛ́ɛ.”