Daniyɛ́li 11:19 - MAWUXÓWÉMA

¹⁹ Din ɔ́, é ná húzú kpan nukɔn toxo e è mɛ ahohó lɛ́ lɛ̌ dó ɖo to é ɖésú tɔn mɛ lɛ́ɛ; amɔ̌, ɖagbe ɖé ná sixú tɔ́n sín mɛ n'i ǎ. É nyɔ́ wa ɔ́, é ná kú ma ɖó donu.

Daniyɛ́li 11:19 Iomraidhean Croise

Jɔ̌bu 20:8

É ná bú dlɔ̌ ɖɔhun, bɔ è sɔ́ ná mɔ ɛ ǎ; é ná bú dó mɛ nǔmimɔ zǎn mɛ tɔn ɖɔhun.

Jɔ̌bu 34:24

Mawu nɔ se mɛɖé xó cóbó nɔ́ gba gǎn lɛ́ɛ hánnyá, bó nɔ́ sɔ́ mɛ ɖěvo lɛ́ɛ ɖó tɛn yětɔn mɛ ǎ;

Ɖɛhan 27:2

Ényí nǔnyanyawatɔ́ lɛ́ɛ kplɔ́ dó mì, adǎnkanlin ɖɔhun ɔ́, yě mɛ kɛntɔ́ ce énɛ́ lɛ́ɛ wɛ nɔ́ j'ayǐ.

Ɖɛhan 37:35

Un mɔ mɛdídá bɔ é ɖo hlɔ̌nhlɔ́n sa wɛ; é ɖo vunvun wɛ atín e ayǐ nyɔ́ ná ganjí é ɖɔhun.

Ɖɛhan 37:36

Ée un lɛ́ wá gbɔn fínɛ́ ɔ́, un sɔ́ mɔ mɛɖé ǎ, un ba ɛ káká, un ka sɔ́ mɔ ɛ ǎ.

Ezayíi 24:20

Ayǐkúngban ɔ́ ná nɔ́ fún sa ahannumúnɔ ɖɔhun; é ná nɔ́ dán jɔhɔn dó alɔ azava mɛ ɖɔhun. Hwɛgban tɔn lɛ́ɛ ɖo kpinkpɛn ɛ wɛ; é ná jɛ ayǐ bó sɔ́ ná fɔ́n gbeɖé ǎ.

Jelemíi 46:6

Mɛ e yá afɔ ganjí ɔ́ na bo hɔn ɔ́, nǔ yǎyá kpowun wa wɛ é ɖe. Ahwanfuntɔ́ syɛ́nsyɛ́n lɛ́ɛ na bo jló ná hɔn ɔ́, nǔ yǎyá wɛ ná nyí. Đo totaligbé dɔ̌n ɔ́, yě nɔ́ klɛ́n afɔ, yě klɛ́n afɔ kpowun ɔ́, kɔ́ mɛ jɛ́n yě nɔ́ jɛ.

Ezekiyɛ́li 26:21

Xɛsi ná ɖo mɛ bǐ jí bɔ mɛ bǐ ná nɔ́ ɖo sísɔ́sísɔ́ wɛ, ɖó xó towe kó fó. Mɛ lɛ́ɛ ná ba we, yě ká sɔ́ ná mɔ we gbeɖé ǎ. Xó e nyɛ Aklúnɔ Mavɔmavɔ ɖɔ é nɛ́.”

Daniyɛ́li 11:7

Hɛ̌nnumɔ tɔn lɛ́ɛ ɖokpó ná wá jɛ tɔ́ tɔn tɛnmɛ, bó ná yi axɔ́sú Totaligbé tɔn ɔ́ sín hɔnmɛ, bó ná dó ya nú ahwangɔnu tɔn. É ná tɔ́n ahwan ahwangɔnu énɛ́ ɔ́, bó ná ɖu ɖo jǐ tɔn.