Daniyɛ́li 11:18 - MAWUXÓWÉMA

¹⁸ Énɛ́ ɔ́ gúdo ɔ́, é ná húzú kpan nukɔn toxo e ɖo tɔ ɔ́ tó lɛ́ɛ, bó ná yí toxo gěgé. Amɔ̌, gǎn to ɖěvo mɛ tɔn ná ɖó glagla e ɖú wɛ é ɖe ɔ́ te, bó ná bló bɔ nǔ e é wa lɛ́ɛ ji nǔɖé ɔ́, é ná sɔ́ kpan.

Daniyɛ́li 11:18 Iomraidhean Croise

Ɛsitɛ́ɛ 10:1

Axɔ́sú Zɛ̌ɛzɛsi ɖó azɔ̌ syɛ́nsyɛ́n nú mɛ e ɖo toxo ɔ́ mɛ lɛ́ɛ kpó mɛ e ɖo tɔtɛ́ntin to e ɖo acɛkpikpa tɔn mɛ lɛ́ɛ kpó.

Ezayíi 66:19

Un ná sɔ́ wuntun ɖé ɖó tɛ́ntin yětɔn. Mɛ e ná gán ɖo hwɛ e un ná ɖɔ xá yě ɔ́ mɛ lɛ́ɛ ɔ́, un nǎ sɛ́ yě dó togun Taasísi tɔn mɛ, un nǎ sɛ́ yě dó togun Púti tɔn mɛ, bó ná sɛ́ yě dó togun Lǔdi tɔn mɛ. Mɛ énɛ́ lɛ́ɛ nyɔ́ gǎ da mɔ̌hunkɔtɔn. Un ná sɛ́ yě dó mɛ e ɖo Tubalu lɛ́ɛ gɔ́n, un nǎ sɛ́ yě dó mɛ e ɖo Glɛ̌si lɛ́ɛ gɔ́n, bó ná sɛ́ yě dó tɔtɛ́ntinto e ɖo to ɖé má yá to ɖé mɛ, bó má se xó ce kpɔ́n gbeɖé ǎ lɛ́ɛ gɔ́n; è mɔ susu ce ɖo fí énɛ́ lɛ́ɛ gbeɖé ǎ; yě ná ɖe susu ce xlɛ́ togun énɛ́ lɛ́ɛ.

Jelemíi 2:10

Mi yi tɔtɛ́ntinto Cíplu tɔn lɛ́ɛ mɛ ɖo gbadahwe jí, bó kpɔ́n nǔ ganjí; mi sɛ́ mɛ dó Kedáa gbé jí, ɖo zǎnzǎnhwe jí, bó kpɔ́n ɖɔ nǔ mɔ̌hunkɔtɔn ɖě jɛ ɖo dɔ̌n kpɔ́n a jí?

Jelemíi 31:10

Akɔta akɔta lɛ́ɛ e mi! Mi ɖótó xó e Mawu Mavɔmavɔ ɖɔ é, bó jlá nú tɔtɛ́ntinto e gbɔn zɔ lɛ́ɛ bǐ, bó ɖɔ: “Mawu Mavɔmavɔ gba Izlayɛ́li ví lɛ́ɛ dó; amɔ̌, din ɔ́, é ná kplé yě, bó ná tɔ́jú yě lě e lɛ̌ngbɔ́nyitɔ́ nɔ́ kpé nukún dó lɛ̌ngbɔ́ tɔn lɛ́ɛ wú é.”

Ezekiyɛ́li 27:6

Yě sɔ́ cɛ́nitín Basáni tɔn dó kpa zɛn towe lɛ́ɛ; fí e è nɔ nɔ bó nɔ́ kun tɔjíhún ɔ́ é ɔ́, sɛ́dlutín wɛ è dǒ bló; sɛ́dlutín tɔtɛ́ntinto Glɛ̌si tɔn lɛ́ɛ wɛ è dǒ bló, bó sɔ́ ajinakúɖú dó ba acɔ́ ná.

Ozée 12:14

Mawu Mavɔmavɔ gbɔn gbeyíɖɔ tɔn lɛ́ɛ ɖokpó jí, bó ɖe Izlayɛ́li ví lɛ́ɛ tɔ́n sín Ejípu. Gbeyíɖɔ tɔn lɛ́ɛ ɖokpó wɛ é zɔ́n ɖɔ é ní kpé nukún dó togun émítɔn ɔ́ wú.

Sofoníi 2:11

Mawu Mavɔmavɔ ná ɖó adohu nú yě, ɖó é ná sɔ́ vodún e ɖo ayǐkúngban jí lɛ́ɛ bǐ dó húzú nǔ yǎyá. Énɛ́ ɔ́, akɔta e ɖo fí má yá fí lɛ́ɛ bǐ ná nɔ sɛn ɛ. Akɔta lɛ́ɛ ɖokpó ɖokpó ná nɔ sɛn ɛ ɖo ayǐkúngban yětɔn yětɔn jí.

Matíe 7:2

Ɖó lě e mi nɔ ɖɔ hwɛ xá mɛ gbɔn ɔ́, mɔ̌ wɛ Mawu na ɖɔ hwɛ xá mi lɔmɔ̌ gbɔn. Nǔ e mi sɔ́ dó jlɛ́ nǔ nú mɛ ɖě lɛ́ɛ ɔ́ wɛ Mawu ná sɔ́ dó jlɛ́ nǔ nú mi lɔmɔ̌.

Hwɛɖɔtɔ́ 1:7

Énɛ́ ɔ́, Adoni-Bɛzeki ɖɔ: “Nú un ɖo nǔ ɖu wɛ ɔ́, axɔ́sú e è sɛ́n alɔsú kpó afɔsú kpó ná lɛ́ɛ kanɖé gban (70) wɛ nɔ cyán nǔɖuɖu e nɔ hlɛ́n kɔn nyi ayǐ lɛ́ɛ ɖu. Nǔ e un nɔ wa ɔ́ sín axɔ́ wɛ Mawu sú mì.” È kplá Adoni-Bɛzeki yi Jeluzalɛ́mu, bɔ é kú ɖo fínɛ́.