Daniyɛ́li 11:17 - MAWUXÓWÉMA

¹⁷ Énɛ́ ɔ́ gúdo ɔ́, é ná ɖó jlǒ, bó ná wá kpó axɔ́súɖuto tɔn sín hlɔ̌nhlɔ́n bǐ kpó. É ná wa nǔ mɛ ɖo nǔ jlɔ́jlɔ́ wa wɛ ɖɔhun. É ná zé vǐ tɔn da nú axɔ́sú Tofɔligbé tɔn. Linlin e dó wa mɔ̌ ná wɛ é ɖe ɔ́ wɛ nyí ɖɔ é ná dɔn kɛntɔ́ tɔn sín to dó kɔ́blúmánya mɛ, amɔ̌, é ná kpé nǔ énɛ́ ɔ́ wú bó wa ǎ.

Daniyɛ́li 11:17 Iomraidhean Croise

2 Axɔ́sú 12:17

Akwɛ́ e mɛ e hu hwɛ lɛ́ɛ wá ná nú hwɛxɔ́súsúvɔ́ kpó hwɛsɔ́kɛmɛvɔ́ kpó ɔ́, è bɛ̌ ɖěbǔ dó gbǎ ɔ́ mɛ ǎ. Vɔ̌sánú-xwlémawutɔ́ lɛ́ɛ tɔn wɛ akwɛ́ énɛ́ ɔ́ nyí.

2 Tan 20:3

Ée Jozafáti se mɔ̌ ɔ́, ado hu i, bɔ é ɖɔ émí ná kan nǔ byɔ́ Mawu Mavɔmavɔ. Énɛ́ ɔ́, é ɖɔ bɔ mɛ bǐ ná blá nu gbɔn axɔ́súɖuto Judáa tɔn ɔ́ bǐ mɛ.

Ɖɛhan 56:9

Hwi ɖésú tunwun ganjí ɖɔ hɔn wɛ un gbɔ bo hɔn; ɖasin e gosín nukún ce jí ɔ́, a yǐ bǐ dó nǔ mɛ. A ma ka ko wlán bǐ dó wěma towe mɛ a?

Nǔnywɛ́xó 19:21

Gbɛtɔ́ nɔ́ lin nǔ gěgé bó ná wa, amɔ̌, jlǒ Mawu Mavɔmavɔ tɔn wɛ nɔ nyí wiwa.

Ezekiyɛ́li 17:17

Hwenu e sɔ́ja Babilɔ́nu tɔn lɛ́ɛ ná kplé kɔ́, bó cí gúdo, lobo ná kun do bó cí mɛ, bó ná hu mɛ kɔn nyi kpɔ́ é ɔ́, Ejípu xɔ́sú ɔ́ ɖó ahwangɔnu syɛ́nsyɛ́n kɔn nyi kpɔ́, có yě sixú gló nǔ nú Judáa xɔ́sú ɔ́ ǎ,

Ezekiyɛ́li 25:2

“Din ɔ́, hwɛ gbɛtɔ́ e, Amumɔ́ɔ ví lɛ́ɛ gɔ́n wɛ a nǎ yi, bó ná ɖɔ xó e un ɖɔ nú we dó yě wú ɔ́ nú yě.

Ezekiyɛ́li 4:3

Zě ganxwɛ ɖokpó dó gbo toxo ɔ́ kpó hwi ɖésúnɔ kpó dǒ ɖɔhun; bɔ nukún nyi toxo ɔ́ wú, bó ɖe xlɛ́ ɖɔ è tɔ́n ahwan toxo ɔ́; amɔ̌, hwi wɛ nyí ahwan e tɔ́n toxo ɔ́ é. Énɛ́ ní nyí xlɛ̌ ɖé nú Izlayɛ́li togun ɔ́.

Ezekiyɛ́li 4:7

A nǎ kpɔ́n Jeluzalɛ́mu toxo e è tɔ́n ahwan ɔ́ tlítlí, bó ná dlɛ́n alɔ towe sɛ́ dó toxo ɔ́; awa towe ɔ́, wěxo wɛ é ná ɖe bɔ a nǎ ɖɔ xó dó toxo ɔ́ wú dó nyǐkɔ ce mɛ.

Daniyɛ́li 11:19

Din ɔ́, é ná húzú kpan nukɔn toxo e è mɛ ahohó lɛ́ lɛ̌ dó ɖo to é ɖésú tɔn mɛ lɛ́ɛ; amɔ̌, ɖagbe ɖé ná sixú tɔ́n sín mɛ n'i ǎ. É nyɔ́ wa ɔ́, é ná kú ma ɖó donu.

Daniyɛ́li 9:26

Ée xwe tɛ́nwe tɛ́nwe donu kanɖé ko-nukún-we (62) lɛ́ɛ ná fó ɔ́, è nǎ hu mɛ e jí è ylɔ̌ Mawu nyíkɔ dó é, bɔ mɛ ɖěbǔ ná jɛ hun jǐ tɔn ǎ. Énɛ́ ɔ́ gúdo ɔ́, gǎn ɖokpó ná wá kpó ahwangɔnu tɔn kpó, bó ná gba toxo ɔ́ kpó goxɔ tɔn kpó hánnyá. Amɔ̌, xomɛsin Mawu tɔn sín bǎ ná vɔ gǎn énɛ́ ɔ́ sín gbɛ. Gǎn énɛ́ ɔ́ ná ɖo ahwan fun wɛ, bó ná ɖo nǔ hɛn gblé wɛ káká jɛ kú tɔn hwenu lě e è ko ɖɔ gbɔn ɖ'ayǐ é.

Xabakúku 1:9

Togun énɛ́ ɔ́ bǐ jǎwe, bó ná vɔ mɛ. Nukún yětɔn nɔ ɖo nǔ e yě mɔ é bǐ wú. Yě wlí ahwankannumɔ lɛ́ɛ kplé kpɔ́ gégé kɔ́gúdu ɖɔhun.

Matíe 12:30

“Mɛ e ma ɖo ahwan ce mɛ ǎ ɔ́, mɛ énɛ́ mɔ mì gbɔ ǎ; bɔ mɛ e ma ka nɔ dɔn gbɛtɔ́ lɛ́ɛ wá gɔ̌n ce ǎ ɔ́, gbɛtɔ́ lɛ́ɛ nya dó zɔ nú mì wɛ é ɖe.

Luki 11:23

“Mɛ e ma ɖo ahwan ce mɛ ǎ ɔ́, mɛ énɛ́ mɔ mì gbɔ ǎ; mɛ e ma ka nɔ dɔn gbɛtɔ́ lɛ́ɛ wá gɔ̌n ce ǎ ɔ́, yě nya dó zɔ nú mì wɛ é ɖe.”

Luki 9:51

Hwenu e Mawu na sɔ́ Jezu sín gbɛmɛ fí ɔ́ ɖo susu wɛ, bɔ Jezu ɖidó Jeluzalɛ́mu, kpódó akɔ́nkpinkpan kpó.

Hlɔ̌manu 8:31

Đo nǔ énɛ́ lɛ́ɛ bǐ mɛ ɔ́, étɛ́ mǐ ka na lɛ́ ɖɔ? Ényí Mawu ɖo mǐ jí ɔ́, mɛ ɖěbǔ sixú wa nǔ ɖěbǔ nú mǐ ǎ.