Daniyɛ́li 11:16 - MAWUXÓWÉMA

¹⁶ Mɛ e gba to ɔ́ é ɔ́, lě e é jló e gbɔn ɔ́ wɛ é ná wa nǔ gbɔn, ɖó mɛ ɖěbǔ sixú nɔ te nukɔn tɔn ǎ. Nú é ɖo nǔ hɛn gblé wɛ bó ɖo yiyi wɛ ɔ́, to e nyɔ́ ɖɛkpɛ hú to lɛ́ɛ bǐ é mɛ wɛ é ná wa xwé ɖó.

Daniyɛ́li 11:16 Iomraidhean Croise

Ezayíi 8:8

Yě ná húzú sin bó ɖi bú Judáa to ɔ́, bó ná fán ɛ dó káká kɔ; sin ná bú to ɔ́ bǐ. Emanuwɛ́li, sin ná bú ayǐkúngban e ɖo to towe mɛ é bǐ.”

Jelemíi 3:19

Mawu ɖɔ: “Đ'ayǐ ɔ́, un nɔ ɖɔ un ná zé we bɔ hwi lɔ ná nyí vǐ nú mì, bɔ un ná ná we gbɛɖuto, to e nyɔ́ hú nǔ bǐ ɖo gbɛ ɔ́ mɛ e. Un nɔ ɖɔ a nǎ ylɔ́ mì ɖɔ tɔ́; un nɔ ɖɔ a kún sɔ́ ná lɛ́ kɔ sín gǔdo ce ɖě ó.

Daniyɛ́li 11:3

Lo ɔ́, axɔ́sú akowunká ɖokpó ná yí to ɖo Glɛ̌si, bɔ acɛkpikpa tɔn ná syɛ́n ɖésú, bɔ é ná nɔ wa nǔ e jló e é .

Daniyɛ́li 11:36

“Axɔ́sú ɔ́ ná nɔ́ wa nǔ lě e é jló e gbɔn é. É ná nɔ́ tɛ afɔ ayǐ, bó ná nɔ́ mɔ ɖɔ émí hú gǎn vodún lɛ́ɛ bǐ. É ja xó ɖɔ nú Mawu mawu lɛ́ɛ tɔn gbé ɔ́, é ná nɔ́ lin tamɛ kpɔ́n ǎ. Nǔ nǎ ɖo nyǐnyɔ́ n'i wɛ káká jɛ hwenu e xomɛsin Mawu tɔn ná wá é. Lo ɔ́, nǔ e Mawu ɖɔ ɔ́ jɛ́n ná jɛ.

Daniyɛ́li 11:41

É ná byɔ́ to e nyɔ́ ɖɛkpɛ hú to lɛ́ɛ bǐ é mɛ, bó ná hu mɛ gěgé. Amɔ̌, Edɔ́munu lɛ́ɛ, Mɔwabunu lɛ́ɛ, kpó gǎn ɖaxó Amumɔ́ɔ ví lɛ́ɛ tɔn lɛ́ɛ kpó ná gló e.

Daniyɛ́li 11:45

Xu ɔ́ kpó só mímɛ́ e ɖo to e nyɔ́ ɖɛkpɛ hú to lɛ́ɛ bǐ é kpó sín tɛ́ntin wɛ é ná bló axɔ́sú sín goxɔ tɔn lɛ́ɛ nyi. Fínɛ́ wɛ kú ná wá fyán ɛ ɖe, bɔ mɛ ɖěbǔ ná wá dó alɔ ɛ ǎ.”

Daniyɛ́li 5:19

Susu énɛ́ e Mawu ná ɛ ɔ́ zɔ́n bɔ togun lɛ́ɛ bǐ, akɔta lɛ́ɛ bǐ, kpó mɛ e nɔ dó gbe tɛnmɛ tɛnmɛ lɛ́ɛ é kpó bǐ nɔ́ ɖi xɛsi n'i, bó nɔ́ sísɔ́ ɖo nukɔn tɔn. É nɔ́ ɖó kúhwɛ nú mɛ e jló e é, bó nɔ́ jó mɛ e jló e ɔ́ dó nyi gbɛ. Mɛ ɖé jló e ɔ́, é nɔ́ sɔ́ mɛ ɔ́ su, mɛɖé ká jló e ɔ́, é nɔ́ sɔ́ mɛ ɔ́ hwe.

Daniyɛ́li 8:4

Un mɔ agbo ɔ́ ɖo zo nyi dó gbadahwe jí wɛ, bó ɖo nyinyi dó totaligbé wɛ, bó ɖo nyinyi dó tofɔligbé wɛ. Kanlin mɔ̌hun tíin bó ná nɔ te nukɔn tɔn ǎ, è ka sixú yí mɛɖé sín fɛn tɔn mɛ ǎ. Nǔ e jló e ɔ́ wɛ é nɔ́ wa, bɔ hlɔ̌nhlɔ́n tɔn fɔ́n ɔ́, é nɔ́ ɖo jijɛ jí wɛ.

Daniyɛ́li 8:7

É zɔn agbo ɔ́ jí, bó xo e káká bó lɔ́ zo tɔn we lɛ́ɛ. Gǎn ɖé sɔ́ kpo ɖo agbo ɔ́ wu ǎ, bɔ é zin i dɛ, bó sɔ́ afɔ dó xwe e ná. Mɛ ɖé sixú yí agbo ɔ́ sín así tɔn ǎ.

Daniyɛ́li 8:9

Zo yɔ̌yɔ́ ɖokpó wú ɖo zo kpɛví e ɖo zo ɛnɛ lɛ́ɛ mɛ ɔ́ wú. Zo ɔ́ ɖo ga ɖi wɛ tunta tofɔligbé zǎnzǎnhwe jí, kpó to e nyɔ́ ɖɛkpɛ hú to lɛ́ɛ bǐ ɔ́ kpó.

Jozuwée 1:5

Đo gbɛzán towe bǐ mɛ ɔ́, mɛ ɖěbǔ ná sixú nɔ te nukɔn towe ǎ, ɖó un ɖo kpɔ́ xá we lě e un nɔ kpɔ́ xá Mɔyízi gbɔn é. Un ná ɖe kɔ sín wǔtu towe gbeɖé ǎ, un ka ná jó we dó gbeɖé ǎ.