Daniyɛ́li 11:15 - MAWUXÓWÉMA

¹⁵ Axɔ́sú Totaligbé tɔn ɔ́ ná wá, bó ná mɛ kpe ɖokpó, bó ná klá jɛ toxo e è mɛ ahohó lɛ́ lɛ̌ dó é nú. Axɔ́sú Tofɔligbé tɔn ɔ́, lě do e ahwangɔnu tɔn lɛ́ɛ syɛ́n sɔ ɔ́ nɛ́, có é ka sixú nɔ te ɖo axɔ́sú Totaligbé tɔn ɔ́ nukɔn ǎ, ɖó yě ɖó gǎn mɔ̌hun ǎ.

Daniyɛ́li 11:15 Iomraidhean Croise

Jelemíi 33:4

Xó e Nyɛ Mawu Mavɔmavɔ, Mawu Izlayɛ́li tɔn ɖɔ dó xwé e ɖo toxo élɔ́ mɛ lɛ́ɛ kpódó Judáa xɔ́sú lɛ́ɛ sín xwé lɛ́ɛ kpó wú é ɖíe: è nǎ xá toxo ɔ́ bó tɔ́n ahwan toxo ɔ́, bó gba xwé lɛ́ɛ.

Jelemíi 5:10

Mi byɔ́ vǐwungbo yětɔn lɛ́ɛ mɛ, bó sú kún yětɔn dó. Amɔ̌, mi ma sú bǐ sín kún dó ó. Mi jlá ala lɛ́ɛ síin, ɖó ala lɛ́ɛ nyí nyɛ Mawu Mavɔmavɔ tɔn ǎ;

Jelemíi 52:4

Hwenu e Sedesíyasi ɖo xwe tɛ́nnɛ bló wɛ ɖo zinkpo jí ɔ́, sun tɔn wǒgɔ́ ɔ́ mɛ, ɖo azǎn tɔn wǒgɔ́ ɔ́ gbe ɔ́, Nabukodonɔzɔ́ɔ, Babilɔ́nu xɔ́sú ɔ́ wá tɔ́n ahwan Jeluzalɛ́mu, é kpódó ahwangɔnu tɔn bǐ kpó. Yě wǎ ɖó gɔnu ɖó Jeluzalɛ́mu nukɔn bó xá toxo ɔ́, bó kun agbǒdo lɛ́ lɛ̌ dó.

Jelemíi 6:6

Xó e nyɛ Mawu Mavɔmavɔ Nǔbǐwúkpétɔ́ ɖɔ ɔ́ ɖíe: Mi gbo atín bó to ɖó Jeluzalɛ́mu toxo ɔ́ wú; mi to káká yi dǒ ɔ́ ta nu. Mɛtáfútɔ́ kɛ́ɖɛ́ wɛ gɔ́ toxo ɔ́. È mɔ xlɛ̌ tɔn.

Ezekiyɛ́li 17:17

Hwenu e sɔ́ja Babilɔ́nu tɔn lɛ́ɛ ná kplé kɔ́, bó cí gúdo, lobo ná kun do bó cí mɛ, bó ná hu mɛ kɔn nyi kpɔ́ é ɔ́, Ejípu xɔ́sú ɔ́ ɖó ahwangɔnu syɛ́nsyɛ́n kɔn nyi kpɔ́, có yě sixú gló nǔ nú Judáa xɔ́sú ɔ́ ǎ,

Ezekiyɛ́li 4:2

Énɛ́ ɔ́ gúdo ɔ́, a nǎ ɖe xlɛ́ ɖɔ kɛntɔ́ lɛ́ lɛ̌ dó toxo ɔ́ bǐ: a nǎ ɖe do e mɛ kɛntɔ́ ná nɔ bó tɔ́n ahwan toxo ɔ́ é; a nǎ ɖe kɔ́ e kɛntɔ́ kplé bó ná nɔ gúdo bó tɔ́n ahwan togun ɔ́ é; a nǎ ɖe dǒ e jí kɛntɔ́ ná nɔ bó kpé toxo ɔ́ wú é, bó ná ɖe ahwanfunnú lɛ́ lɛ̌ dó toxo ɔ́ bǐ.

Daniyɛ́li 11:14

Hwenɛ́nu ɔ́, mɛ gěgé ná dó kɛn axɔ́sú Tofɔligbé tɔn. Daniyɛ́li, mɛ e ɖo togun towe mɛ lɛ́ɛ lɔmɔ̌ ɖ'é mɛ; yě kpódó mɛ e yí wǎn nú dǎkaxixo lɛ́ɛ kpó ná fɔ́n gǔ dó jǐ tɔn, bɔ nǔ e Mawu ɖe xlɛ́ we ɖo dlɔ̌ mɛ ɔ́ ná jɛ. Amɔ̌, yě mɛ ɖěbǔ ná ɖu ɖ'é jí ǎ.

Daniyɛ́li 11:6

Ée xwe ɖé ná wá yi é ɔ́, yě ná jɛ akɔ. Axɔ́sú Tofɔligbé tɔn ɔ́ sín vǐ nyɔ̌nu ná da axɔ́sú Totaligbé tɔn ɔ́ , bó ná dó hwɛ gbo nú yě. Amɔ̌, asi tɔn ná hɛn acɛkpikpa ɔ́ ɖó te n'i ǎ. Axɔ́sú ɔ́ ɖésú ná nɔ gbɛ ǎ, vǐ yětɔn lɔmɔ̌ ná nɔ gbɛ ǎ, asi ɔ́ lɔ ná nɔ gbɛ ǎ, mɛ e kpó yě kpó ɖo kpɔ́ lɛ́ɛ ɖěbǔ ná nɔ gbɛ ǎ, nyɔ̌nu ɔ́ sín asú kpó tɔ́ tɔn kpó ɖě ná nɔ gbɛ ǎ.

Daniyɛ́li 8:7

É zɔn agbo ɔ́ jí, bó xo e káká bó lɔ́ zo tɔn we lɛ́ɛ. Gǎn ɖé sɔ́ kpo ɖo agbo ɔ́ wu ǎ, bɔ é zin i dɛ, bó sɔ́ afɔ dó xwe e ná. Mɛ ɖé sixú yí agbo ɔ́ sín así tɔn ǎ.

Jozuwée 1:5

Đo gbɛzán towe bǐ mɛ ɔ́, mɛ ɖěbǔ ná sixú nɔ te nukɔn towe ǎ, ɖó un ɖo kpɔ́ xá we lě e un nɔ kpɔ́ xá Mɔyízi gbɔn é. Un ná ɖe kɔ sín wǔtu towe gbeɖé ǎ, un ka ná jó we dó gbeɖé ǎ.