Daniyɛ́li 11:12 - MAWUXÓWÉMA

¹² Axɔ́sú Tofɔligbé tɔn ɔ́ ná yí go ɖó é ná hu mɛ gěgé ɖo ahwan énɛ́ ɔ́ mɛ. Lo ɔ́, é ná bó hu sɔ́ja tobutóbú énɛ́ lɛ́ɛ ɔ́, é ná ɖu ɖ'é jí ǎ.

Daniyɛ́li 11:12 Iomraidhean Croise

2 Axɔ́sú 14:10

Ée a ɖu ɖo Edɔ́munu lɛ́ɛ jí é ɔ́, a jɛ afɔ tɛ ayǐ jí. Susu énɛ́ e a xɔ ɔ́ ní kpé we bónú a nɔ fí e a ɖe ɔ́. Étɛ́wú a jlǒ ná dó ta ahwan e mɛ hwi kpó Judáanu lɛ́ɛ kpó bǐ ná yi dɔn ɖe ɔ́ mɛ?”

2 Tan 25:19

Ée a ɖu ɖo Edɔ́munu lɛ́ɛ jí é ɔ́, a ɖo ajɔ̌ jlá wɛ; a ɖo afɔ tɛ ayǐ wɛ; a ka kpé nǔɖé wú ǎ. A gbɔ bo nɔ xwé towe gbe ɔ́, é nyɔ́ nú we hú. Étɛ́wú a jlǒ ná dó ta ahwan e mɛ hwi kpó Judáanu lɛ́ɛ kpó bǐ ná yi dɔn ɖe é mɛ?”

2 Tan 26:16

Lo ɔ́, ée acɛkpikpa tɔn jínjɔ́n ayǐ mɔ̌ ɔ́, é jɛ go yí jí, bó sɔ́ éɖée nyi gbě. É sɔ́ nɔ́ nɔ gbejí nú Mawu Mavɔmavɔ, Mawu tɔn ǎ. É wá jɛ gbe ɖokpó, bɔ é hun káká yi Mawu Mavɔmavɔ xwé gbe, bó jló ná dó zǎlínkpɔ́n zo ɖo vɔ̌sákpe jí.

2 Tan 32:25

Lo ɔ́, ɖagbe e Mawu Mavɔmavɔ wa nú Ezekiyási ɔ́, é tunwun n'i ǎ. É nyɔ́ wa ɔ́, afɔ tɛ ayǐ jí wɛ é lɛ́ jɛ, bɔ Mawu Mavɔmavɔ sin xomɛ dó e, bó sin xomɛ dó Judáa to ɔ́ kpó Jeluzalɛ́mu toxo ɔ́ kpó.

Nǔnywɛ́xó 16:18

Mɛ ɖé ja cu kpé gbé ɔ́, goyíyí wɛ é nɔ́ bɛ́. Mɛ e nɔ mɔ éɖée ɔ́ nɔ́ sɔ́ éɖée nyi gbě.

Ezekiyɛ́li 28:17

Ɖɛkpɛ towe wú wɛ a jɛ go yí jí; lě e nǔ nyɔ́ nú we sɔ ɔ́ zɔ́n bɔ a sɔ́ nɔ́ lin tamɛ kpɔ́n ǎ; énɛ́ ɔ́ wú wɛ un kpíkpé we nyi dó ayǐkúngban jí, bó dó winnyá we ɖo axɔ́sú lɛ́ɛ nukɔn.

Ezekiyɛ́li 28:2

“Hwɛ gbɛtɔ́ e, yi ɖɔ xó nú axɔ́sú Tíi tɔn; ɖɔ n'i ɖɔ xó e nyɛ Aklúnɔ Mavɔmavɔ ɖɔ sɛ́ dó e ɔ́ ɖíe: A yǐ go bo ɖɔ: ‘Nyɛ ɔ́, Mawu wɛ un nyí, bó jínjɔ́n axɔ́súzinkpo ce jí ɖo xu jí.’ Lo ɔ́, gbɛtɔ́ kpowun wɛ a nyǐ; a sixú sɔ́ hwiɖée jlɛ́ dó nyɛ wú ǎ. A nɔ sɔ́ linlin towe ɖó nyɛ Mawu sín linlin há jí.

Ezekiyɛ́li 28:5

Bǐbí e a nɔ dó wa ajɔ̌ ná ɔ́ zɔ́n bɔ a kplé dɔkun dó dɔkun jí; dɔkun towe zɔ́n bɔ a jɛ afɔ tɛ ayǐ jí.

Daniyɛ́li 11:11

Xomɛ ná sin axɔ́sú Tofɔligbé tɔn ɔ́, bɔ é ná tɔ́n ahwan axɔ́sú Totaligbé tɔn ɔ́, bɔ axɔ́sú Totaligbé tɔn ɔ́ ná kplé ahwan tɔn lɛ́ɛ kɔn nyi kpɔ́, bɔ yě ná yi ahwangbénu. Lo ɔ́, ahwangɔnu tɔn lɛ́ɛ bǐ ná cí ahwan.

Daniyɛ́li 11:13

Axɔ́sú Totaligbé tɔn lɛ́ɛ ná kplé ahwangɔnu yɔ̌yɔ́ ɖěvo lɛ́ɛ. Ahwangɔnu énɛ́ lɛ́ɛ ná sukpɔ́ hú nukɔn tɔn lɛ́ɛ. Xwe nabí ɖé wá yi ɔ́, axɔ́sú ɔ́ kpódó ahwangɔnu gěgé kpó ná lɛ́ vɔ́ wá, bó ná hɛn ahwanfunnú gěgé.

Daniyɛ́li 5:23

A zě Aklúnɔ sɛ́xwé tɔn ɔ́ hwe, bó yi bɛ́ kɔ́fu e ɖo sinsɛnxɔ tɔn mɛ lɛ́ɛ, bɔ hwi kpó gbɛ̌ towe lɛ́ɛ kpó asi towe lɛ́ɛ kpó, kpó agalɛtɔ́ towe lɛ́ɛ kpó dó nu ahan ná, bɔ a nɔ ji han dó kpa susu nú vodún e è zě kpatágan dó bló ná lɛ́ɛ, ée è zě siká dó bló ná lɛ́ɛ, ée è zě ganvɔ dó bló ná lɛ́ɛ, ée è zě gan dó bló ná lɛ́ɛ, ée è zě atín dó bló ná lɛ́ɛ, kpó ée è zě awǐnnya dó bló ná lɛ́ɛ kpó. Vodún énɛ́ lɛ́ɛ ká nɔ mɔ nǔ ǎ, yě ká nɔ́ se xó ǎ, yě ká lɛ́ tunwun nǔ ɖěbǔ ǎ. A nɔ ɖo vodún énɛ́ lɛ́ɛ sɛn wɛ, bó nɔ́ gɔn susu kpa nú Mawu e sín alɔ mɛ funfún towe kpó nǔ e gbɛ towe ná nyí ɔ́ kpó ɖe é.

Daniyɛ́li 8:25

É ná zé bǐbí tɔn dó táfú mɛ ɖé lɛ́ɛ, bó ná zé goyíyí tɔn dó sú mɛ e vɛdó ɖɔ émí ko mɔ agbɔ̌n lɛ́ɛ sín kún dó, bó ná lɛ́ sí te dó axɔ́sú axɔ́sú lɛ́ɛ tɔn ɔ́ jí. Hwenɛ́nu ɔ́, mɛ ɖěbǔ ná ɖó alɔ wǔ tɔn ǎ, bɔ é ná nɔ mɔ̌ bó gba hánnyá.

Sɛ́nflínmɛ 8:14

Ée nǔ ná cí mɔ̌ é ɔ́, mi ma ɖo afɔ tɛ ayǐ wɛ káká bó wɔn Mawu Mavɔmavɔ, Mawu mitɔn e ɖe mi tɔ́n sín kannumɔgbénu ɖo Ejípu é ó.

1 Timɔtée 3:6

É ɖó ná nyí mɛ e ɖi nǔ nú Klísu yɔ̌yɔ́ ɔ́ ǎ; é ma nyí mɔ̌ ǎ ɔ́, goyíyí táá wá byɔ́ lanmɛ n'i, bɔ Mawu ná ɖó hwɛ n'i lě e é ɖó hwɛ nú awǒvi gbɔn é.

1 Piyɛ́ɛ 5:5

Mɔ̌ ɖokpó ɔ́, mi mɛwínnyáwínnyá lɛ́ɛ mi, mi ɖó ná nɔ́ hwíhwɛ́ miɖée dó mɛ e nyí mɛxó nú mi lɛ́ɛ glɔ́; mi bǐ ní nɔ sɔ́ miɖée hwe, bó ná nɔ wa azɔ̌ nú miɖée, ɖó Mawuxówéma ɔ́ ɖɔ: “Mawu nɔ ɖe kɔ dó goyítɔ́ lɛ́ɛ; lo ɔ́, é nɔ nyɔ́ xomɛ dó mɛ e nɔ sɔ́ yěɖée hwe lɛ́ɛ wú.”