Daniyɛ́li 11:10 - MAWUXÓWÉMA

¹⁰ “Axɔ́sú Totaligbé tɔn sín vǐ lɛ́ɛ ná kplé ahwan tɔn lɛ́ɛ kɔn nyi kpɔ́ gégé, bó ná sɔ́ ahwannú. Mɛ ɖokpó ka ná ɖo yě mɛ, bó ná yi ahwangbénu, bɔ é kpó sɔ́ja tɔn lɛ́ɛ kpó ná gba wu, bó dó asá to ɔ́ sín dogbó tɔ ɖi sin ɖɔhun. Ée é ná lɛ́ kɔ jǎwe to tɔn mɛ ɔ́, é ná tɔ́n ahwan toxo e è mɛ ahohó lɛ́ lɛ̌ dó é.

Daniyɛ́li 11:10 Iomraidhean Croise

Ezayíi 25:12

Mɔwabu e, ahohó towe lɛ́ɛ ɔ́, dǒ e a mɛ lɛ́ lɛ̌ dó toxo towe bɔ kɛntɔ́ má nɔ́ sixú fán ǎ lɛ́ɛ ɔ́, Mawu mu bǐ; é zin bǐ dɛ́, bǐ ɖo kɔ́ mɛ ɖo afúntúntún tɛ́ntin.

Jelemíi 51:42

Xu ɖi sin bó gba Babilɔ́nu to, tɔ bú i bǐ.

Daniyɛ́li 11:22

Ahwangɔnu ɖěbǔ sixú kpé wǔ tɔn ǎ; é ná gbídí yě bǐ. É ná hu togun e yě jɛ akɔ xá ɔ́ sín gǎn ɖokpó.

Daniyɛ́li 11:26

Nǔ ɖo mɔ̌ có mɛ e ɖo kpɔ́ xá ɛ lɛ́ɛ ɖésú wɛ ná flú i. Kɛntɔ́ tɔn ná ɖu ɖo ahwangɔnu tɔn jí, bɔ sɔ́ja tɔn lɛ́ɛ gěgé ná kú.

Daniyɛ́li 11:7

Hɛ̌nnumɔ tɔn lɛ́ɛ ɖokpó ná wá jɛ tɔ́ tɔn tɛnmɛ, bó ná yi axɔ́sú Totaligbé tɔn ɔ́ sín hɔnmɛ, bó ná dó ya nú ahwangɔnu tɔn. É ná tɔ́n ahwan ahwangɔnu énɛ́ ɔ́, bó ná ɖu ɖo jǐ tɔn.

Daniyɛ́li 11:9

Énɛ́ ɔ́ gúdo ɔ́, axɔ́sú Totaligbé tɔn ɔ́ ná yi tɔ́n ahwan axɔ́súɖuto Tofɔligbé tɔn ɔ́, bó ná lɛ́ lɛ́ kɔ wá yi to tɔn mɛ.

Daniyɛ́li 9:26

Ée xwe tɛ́nwe tɛ́nwe donu kanɖé ko-nukún-we (62) lɛ́ɛ ná fó ɔ́, è nǎ hu mɛ e jí è ylɔ̌ Mawu nyíkɔ dó é, bɔ mɛ ɖěbǔ ná jɛ hun jǐ tɔn ǎ. Énɛ́ ɔ́ gúdo ɔ́, gǎn ɖokpó ná wá kpó ahwangɔnu tɔn kpó, bó ná gba toxo ɔ́ kpó goxɔ tɔn kpó hánnyá. Amɔ̌, xomɛsin Mawu tɔn sín bǎ ná vɔ gǎn énɛ́ ɔ́ sín gbɛ. Gǎn énɛ́ ɔ́ ná ɖo ahwan fun wɛ, bó ná ɖo nǔ hɛn gblé wɛ káká jɛ kú tɔn hwenu lě e è ko ɖɔ gbɔn ɖ'ayǐ é.