Daniyɛ́li 10:9 - MAWUXÓWÉMA

⁹ Nya ɔ́ ɖɔ xó bɔ gbe tɔn sín zǐngídi zɔ́n bɔ un ba nyɛɖée kpó, lobo j'ayǐ, bo xwe agbɔ̌nnusú do.

Daniyɛ́li 10:9 Iomraidhean Croise

Bǐbɛ́mɛ 15:12

Ée hwe ɖo xɔ yi wɛ ɔ́, Ablámu byɔ́ sɛnmlɔ ɖé mɛ, zǐnflú gɔngɔn ɖé dó dó e, bó dó xɛsi.

Bǐbɛ́mɛ 2:21

Hwe énɛ́ ɔ́ nu ɔ́, Mawu Mavɔmavɔ ɖó sɛnmlɔ nú gbɛtɔ́ ɔ́, bó ɖe ajajaxú tɔn ɖokpó, bó lɛ́ sú lanti ɔ́ ɖó tɛn tɔn mɛ.

Jɔ̌bu 33:15

Hwenu e gbɛtɔ́ lɛ́ɛ nɔ́ ɖo sɛnmlɔ mɛ ɔ́, hwenu e yě nɔ́ ɖo amlɔ mɛ, ɖo adɔ̌zan yětɔn jí ɔ́, Mawu nɔ́ xo dlɔ̌ yě, é nɔ́ ɖe nǔ xlɛ́ yě zǎn mɛ dó ɖɔ xó nú yě.

Jɔ̌bu 4:13

Zǎn xóxó mɛ wɛ nǔ énɛ́ jɛ ɖo dlɔ̌ nyanya ɖé mɛ, hwenu e gbɛtɔ́ lɛ́ɛ ɖo sɛnmlɔ dɔ́ wɛ é.

Hanvíví 5:2

Un ɖo amlɔ dɔ́ wɛ zǎn mɛ có ayi ce ɖo wunzɛn; un se mɛɖé ɖo hɔn xúxú wɛ, wǎnyínámɔ ce wɛ ɖo hɔn xúxú wɛ; é nɔ́ ɖɔ: “Nɔví ce, kóɖó ce, ahwannɛ́ ce, a nyɔ̌ bɔ nǔ vɔ ɖ'é wú; hun hɔn nú mì! Ahǔn ɖo jija kɔn nyi ta nú mì wɛ, amǔ ɖo kunkun kɔn nyi ta nú mì wɛ, ɖa e ɖo ta ce é bǐ kó fá.”

Daniyɛ́li 10:16

Mɛ ɖěvo wá ɖó alɔ nu ce wú, bɔ nu ce hun, bɔ un lɛ́ jɛ xó ɖɔ jí. Un ɖɔ nú mɛ ɖěvo énɛ́ e ɖo nukɔn ce ɔ́ ɖɔ: ‘Sɛ́mɛɖó ce, nǔ e un mɔ ɔ́ dó adohu nú mì, bo tlú kanmɛ nú mì.

Daniyɛ́li 8:18

Hwenu e é ɖo xó énɛ́ ɖɔ wɛ ɔ́, un kpo ɖo agbɔ̌nnusú xwe do, bó sɔ́ tunwun gbɛ e mɛ un ɖe ɔ́ ǎ. Énɛ́ ɔ́, é hɛn mì bó fɔ́n mì sí te,

Xabakúku 3:16

Un se zǐngídi ɔ́, bɔ wǔ kú mì; ée un se zǐngídi énɛ́ ɔ́, nu ce nɔ sísɔ́, kanmɛ ce gbɔ́jɔ́, bɔ afɔ ce lɛ́ɛ xo dɔjɔ. Un nɔ xwíí, bó ɖo nǔwamɛ sín azǎn ɔ́ nɔ te kpɔ́n wɛ, bó ná yi tɔ́n ahwan togun e wá tɔ́n ahwan mǐ é.

Luki 22:45

Ée é xo ɖɛ gúdo ɔ́, é sí te, bó yi ahwanvú tɔn lɛ́ɛ gɔ́n, bó mɔ yě ɖo amlɔ mɛ wǔbláwúblá,

Luki 9:32

Piyɛ́ɛ kpódó hǎgbɛ́ tɔn lɛ́ɛ kpán ɖo sɛnmlɔ mɛ; ée yě wá fɔ́n ɔ́, yě mɔ Jezu ɖo susu tɔn mɛ, kpódó mɛ we e ɖo akpá tɔn lɛ́ɛ kpán.

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.