Daniyɛ́li 10:8 - MAWUXÓWÉMA

⁸ Nyɛ ɖokpó géé wɛ kpo ɖo nǔdábaɖa énɛ́ ɔ́ mɔ wɛ. Un ba hlɔ̌nhlɔ́n kpo. Nukún ce mɛ húzú bó tá myɔ, bɔ kanmɛ ce bǐ túntún.

Daniyɛ́li 10:8 Iomraidhean Croise

Bǐbɛ́mɛ 32:31

Jakɔ́bu sun nyǐ tɛn énɛ́ ɔ́ ɖɔ “Pɛnuwɛ́li”. Pɛnuwɛ́li sín tínmɛ wɛ nyí “Mawu sín nukún mɛ”. Đó é ɖo ɖiɖɔ wɛ ɖɔ: “Un mɔ Mawu nukún mɛ, bó lɛ́ kpo ɖo gbɛ.”

Tíntɔ́n 3:3

Bɔ Mɔyízi ɖɔ: “Un ná lɛ́ kɔ yi kpɔ́n nǔ baɖabaɖa élɔ́ e mɔ wɛ un ɖe é. Un ná kpɔ́n nǔ e wú zungodwe ɔ́ má ɖo jiji wɛ ǎ é.”

Daniyɛ́li 10:16

Mɛ ɖěvo wá ɖó alɔ nu ce wú, bɔ nu ce hun, bɔ un lɛ́ jɛ xó ɖɔ jí. Un ɖɔ nú mɛ ɖěvo énɛ́ e ɖo nukɔn ce ɔ́ ɖɔ: ‘Sɛ́mɛɖó ce, nǔ e un mɔ ɔ́ dó adohu nú mì, bo tlú kanmɛ nú mì.

Daniyɛ́li 10:17

Nyɛ mɛ e ma nyí nǔɖéwanú ǎ, bɔ funfún ma ɖo wǔ ce ǎ, bɔ un ma ɖó gǎn ǎ ɔ́, nɛ̌ un ná sixú ɖɔ xó xá Aklúnɔ ce gbɔn?’

Daniyɛ́li 7:28

“Dlɔ̌ ɔ́ fó dó fí. Amɔ̌, nyɛ Daniyɛ́li ɔ́, ayi ce nɔ ɖo hun xo xá mì wɛ, bɔ un blá wǔ bǐ, bó nɔ́ ɖo nǔ lin dó xó énɛ́ lɛ́ɛ wú wɛ ɖo gbɛmɛ.”

Daniyɛ́li 8:27

Énɛ́ ɔ́ gúdo ɔ́, nyɛ Daniyɛ́li ɔ́, un ba hlɔ̌nhlɔ́n kpo, lobo jɛ azɔn nú azǎn. Ée azɔn gbɔ nú mì ɔ́, un jɛ azɔ̌ e un nɔ wa nú axɔ́sú ɔ́ lɛ́ɛ wa jí. Nǔ e un mɔ ɔ́ kpó ɖo kpíkpácá mì wɛ, ɖó un ko mɔ nukúnnú jɛ mɛ ǎ.”

Daniyɛ́li 8:7

É zɔn agbo ɔ́ jí, bó xo e káká bó lɔ́ zo tɔn we lɛ́ɛ. Gǎn ɖé sɔ́ kpo ɖo agbo ɔ́ wu ǎ, bɔ é zin i dɛ, bó sɔ́ afɔ dó xwe e ná. Mɛ ɖé sixú yí agbo ɔ́ sín así tɔn ǎ.

Xabakúku 3:16

Un se zǐngídi ɔ́, bɔ wǔ kú mì; ée un se zǐngídi énɛ́ ɔ́, nu ce nɔ sísɔ́, kanmɛ ce gbɔ́jɔ́, bɔ afɔ ce lɛ́ɛ xo dɔjɔ. Un nɔ xwíí, bó ɖo nǔwamɛ sín azǎn ɔ́ nɔ te kpɔ́n wɛ, bó ná yi tɔ́n ahwan togun e wá tɔ́n ahwan mǐ é.

Matíe 17:6

Ée ahwanvú tɔn lɛ́ɛ se gbe énɛ́ ɔ́, xɛsi ɖaxó ɖé jɛ yě jí, bɔ yě bǐ xwe agbɔ̌nnusú do.

Maki 9:6

É ɖɔ mɔ̌, ɖó é sɔ́ tunwun xó e é ná ɖɔ ɔ́ ǎ, ɖó xɛsi ɖaxó ɖé jɛ yě jí.

Jǎan 16:32

Hwenu ɖo nǎ su wɛ; hwe ɔ́ nu jɛ́n ka ko ɖíe, bɔ è nǎ gba mi dó, bɔ mɛ ɖokpó ɖokpó ná yi xwé tɔn gbe, bó ná jó nyɛ ɖokpónɔ dó; amɔ̌, un ɖo nyɛ ɖokpónɔ ǎ, ɖó Tɔ́ ɔ́ ɖo kpɔ́ xá mì.

2 Kɔlɛ́ntinu 12:7

É ka ɖo mɔ̌ có, bónú goyíyí ma gɔ́ gbɛzán ce mɛ, ɖó nǔ ɖaxó ɖaxó énɛ́ lɛ́ɛ e Mawu nɔ ɖe xlɛ́ mì lɛ́ɛ wútu ó ɔ́, è sɛ́ azɔn baɖabaɖa ɖé dó mì, bɔ é cí wɛnsagun Satáan tɔn ɖé ɖɔhun, bó xo mì, bó glɔ́n ali nú mì, bónú goyíyí ma gɔ́ gbɛzán ce mɛ ó.

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.