Daniyɛ́li 10:6 - MAWUXÓWÉMA

⁶ Wǔtu tɔn cí awǐnnya xɔ akwɛ́ e è nɔ ylɔ́ ɖɔ klizolíti é ɖɔhun, nukún mɛ tɔn nɔ́ kɛn jǐkɛwun ɖɔhun, nukún tɔn cí zohwín ɖɔhun. Awa tɔn kpó asá tɔn kpó nɔ́ kɔ́n ganvɔ e è ɖǐɖí wǔ ná é ɖɔhun. É ɖo xó ɖɔ wɛ ɔ́, é nɔ cí gbɛtɔ́ gěgé wɛ ɖo xó ɖɔ wɛ ɖɔhun.

Daniyɛ́li 10:6 Iomraidhean Croise

Tíntɔ́n 28:20

Bó ná to awǐnnya klizolíti ɖokpó, onísi ɖokpó kpó jasipée ɖokpó kpó ɖó hǎ ɛnɛgɔ́ ɔ́ jí. Siká wɛ è nǎ kɔn lɛ́ lɛ̌ dó awǐnnya énɛ́ lɛ́ɛ.

Hanvíví 5:14

Awa tɔn lɛ́ɛ cí sikálɔgan ɖɔhun, sikálɔgan e è blǒ awǐnnya xɔ akwɛ́ klizolíti gbɔn mɛ é ɖɔhun. Wǔtu tɔn cí ajinakúɖú ɖɔhun, ajinakúɖú e awǐnnya xɔ akwɛ́ safíi gbɔn wú bǐ ɔ́ ɖɔhun.

Ezekiyɛ́li 1:14

Nǔɖogbɛ lɛ́ɛ nɔ́ yi dě léwún bó nɔ́ wá léwún jǐkɛwun ɖɔhun.

Ezekiyɛ́li 1:16

Kɛkɛ́fɔ lɛ́ɛ nɔ́ kɔ́n awǐnnya xɔ akwɛ́ klizolíti ɖɔhun. Kɛkɛ́fɔ lɛ́ɛ bǐ wɛ ɖó ninɔmɛ ɖokpó ɔ́; é cí ɖě byɔ́ ɖě mɛ ɖɔhun.

Ezekiyɛ́li 1:24

Yě ɖo yiyi wɛ ɔ́, awa yětɔn lɛ́ɛ nɔ́ ɖo nǔ ɖɔ wɛ bɔ un nɔ se. É nɔ́ cí xu wɛ ɖo adǎn jí abǐ jǐ wɛ ɖo gbe dó wɛ ɖɔhun; é cí ahwangɔnu ɖaxó ɖé sín zǐngídi ɖɔhun. Nú yě nɔ te ɔ́, yě nɔ́ bɔ awa yětɔn lɛ́ɛ dó.

Ezekiyɛ́li 1:7

Afɔ yětɔn lɛ́ɛ jlɔ́ ganjí, bɔ afɔkpákpá yětɔn lɛ́ɛ cí nyibúví fɔ ɖɔhun, bó nɔ́ kɔ́n ganvɔ e è ɖǐɖí wǔ ná ɔ́ ɖɔhun.

Ezekiyɛ́li 10:9

Un lɛ́ mɔ kɛkɛ́fɔ ɛnɛ, bɔ ɖokpó ɖokpó ɖo wɛnsagun susunɔ lɛ́ɛ ɖokpó ɖokpó kpá; kɛkɛ́fɔ énɛ́ lɛ́ɛ nɔ́ kɔ́n awǐnnya xɔ akwɛ́ klizolíti ɖɔhun.

Ezekiyɛ́li 40:3

Mawu kplá mì yi fínɛ́, bɔ un mɔ nya ɖé; nya ɔ́ cí ganvɔ ɖɔhun. É hɛn lɛ̌ɛnkan kpó kpo ɖé kpó alɔ mɛ bó ná dó jlɛ́ nǔ. Nya ɔ́ ɖo te ɖo toxo ɔ́ sín hɔnnúwa kpá.

Ezekiyɛ́li 8:2

Kpowun ɔ́, un mɔ nǔ gbɛtɔ́ ɖɔhun ɖé. Nǔ ɔ́ cí myɔ ɖɔhun sín alin káká yi afɔ, bó ká cí gansinnɔ ɖɔhun sín alin káká yi ta.

Matíe 17:2

Jezu húzú agbaza ɖo nukɔn yětɔn, bɔ nukún tɔn mɛ nɔ́ kɔ́n ɖi hwesivɔ́ ɖɔhun; bɔ awu tɔn lɛ́ɛ wé pépé.

Matíe 28:3

Wɛnsagun ɔ́ nɔ́ kɔ́n jǐkɛwun ɖɔhun; bɔ awu tɔn wé tété.

Luki 9:29

Hwenu e é ɖo ɖɛ xo wɛ ɔ́, nukún tɔn mɛ sín ninɔmɛ húzú, bɔ awu e é dó ɔ́ húzú wěwé tété, bó nɔ kɔ́n,

Nǔɖexlɛ́mɛ 10:1

Énɛ́ ɔ́ gúdo ɔ́, un mɔ wɛnsagun Mawu tɔn hlɔ̌nhlɔ́nnɔ ɖěvo, bɔ é ɖo te jɛ sín jǐxwé wɛ; akpɔ́kpɔ́ bú i; nyǐ ɖi lɛ́ lɛ̌ dó ta tɔn; nukún tɔn mɛ nɔ kɔ́n hwe ɖɔhun; zǎkɛ́tɛ́ tɔn lɛ́ɛ cí myɔdotín ɖɔhun.

Nǔɖexlɛ́mɛ 19:12

Nukún tɔn lɛ́ɛ nɔ kán zo myɔ ɖɔhun, bɔ axɔ́súgbákún gěgé ɖo ta tɔn. È wlǎn nyǐkɔ ɖé ɖó wǔ tɔn, bɔ mɛ ɖěbǔ tunwun nyǐkɔ ɔ́ zɛ é ɖésúnɔ wú ǎ.

Nǔɖexlɛ́mɛ 2:18

Wlǎn wěma sɛ́ dó agun Klísu tɔn e ɖo Tiatíi ɔ́ sín wɛnsagun, bó ɖɔ n'i ɖɔ: “Mawu ví e nukún tɔn lɛ́ɛ nɔ kán zo myɔ ɖɔhun, bɔ afɔ tɔn lɛ́ɛ nɔ kɔ́n ganvɔ e è ɖiɖi wǔ ná ɔ́ ɖɔhun ɔ́, xó e é ɖɔ ɔ́ ɖíe:

Nǔɖexlɛ́mɛ 21:20

É sɔ́ onísi dó ba acɔ́ nú awǐnnya dodó atɔ́ɔ́ngɔ́ ɔ́, bó sɔ́ sadwáni dó ba acɔ́ nú awǐnnya dodó ayizɛ́ngɔ́ ɔ́, bó sɔ́ klizolíti dó ba acɔ́ nú awǐnnya dodó tɛ́nwegɔ́ ɔ́, bó sɔ́ belilu dó ba acɔ́ nú awǐnnya dodó tántɔngɔ́ ɔ́, bó sɔ́ tokpázi dó ba acɔ́ nú awǐnnya dodó tɛ́nnɛgɔ́ ɔ́, bó sɔ́ klizoplazi dó ba acɔ́ nú awǐnnya dodó wǒgɔ́ ɔ́, bó sɔ́ yasɛnti dó ba acɔ́ nú awǐnnya dodó wǒ-ɖokpógɔ́ ɔ́, bó sɔ́ amɛtisi dó ba acɔ́ nú awǐnnya dodó wěwegɔ́ ɔ́.