Daniyɛ́li 10:5 - MAWUXÓWÉMA

⁵ Ée un ɖo fínɛ́, bó ɖo nǔ kpɔ́n wɛ ɔ́, un mɔ mɛɖé dó lɛ̌ɛnkanvɔ ɖé, lobo sin siká akú sín gǒjíblánú ɖokpó.

Daniyɛ́li 10:5 Iomraidhean Croise

Ezayíi 11:5

Hwɛjijɔ kpó gbejíninɔ kpó ná cí gǒjíblánú ɖɔhun n'i, gǒjíblánú e nɔ́ ɖo alinkan nú mɛ hwebǐnu ɔ́ ɖɔhun n'i.

Jelemíi 10:9

Nǔmɛsɛn énɛ́ lɛ́ɛ ɔ́, kpatágan gbajagbaja e è hɛn sín Taasísi, abǐ siká e è hɛn sín Wufázi ɔ́ wɛ è nɔ dó ba acɔ́ ná. Alɔnuzɔ́watɔ́ ɖé wɛ nɔ́ tun yě, nǔtuntɔ́ ɖé wɛ nɔ wa azɔ̌ yětɔn. È nɔ zé avɔ vɔvɔ abǐ fɛ́sinnɔ dó ba acɔ́ nú yě. Nǔmɛsɛn énɛ́ lɛ́ɛ ɔ́, gbɛtɔ́ sín alɔ wɛ bló bǐ.

Ezekiyɛ́li 9:2

Ée Mawu ɖɔ mɔ̌ é ɔ́, un mɔ súnnu ayizɛ́n gosín hɔntogbó aga tɔn e ɖo xɔ ɔ́ sín taligbé ɔ́ kɔn ja, bɔ mɛ ɖokpó ɖokpó hɛn alǐnnyánú tɔn. Nya ɖěvo ɖo tɛ́ntin yětɔn, bó dó kanvɔ wěwé ɖé, lobo sɔ́ nǔwlánnú ɖokpó slɔ́ gǒ mɛ. Yě bǐ zɔn bó wá nɔ te vɔ̌sákpe e è zě ganvɔ dó bló ɔ́ nukɔn.

Zakalíi 1:8

“Zǎn élɔ́ mɛ ɔ́, un mɔ nǔɖé. Un mɔ sɔ́xátɔ́ ɖé, bɔ é ɖo sɔ́ vɔvɔ ɖé jí, bó ɖo atín kpɛví kpɛví ɖé lɛ́ɛ tɛ́ntin, ɖo tɔdo ɖé mɛ. Atín lɛ́ɛ dó ama ɖésú. Sɔ́ ɖěvo lɛ́ɛ ɖo gǔdo tɔn: sɔ́ vɔvɔ, sɔ́ ajavɛ, sɔ́ wěwé.

Efɛ́zinu 6:14

Hǔn mi bó ɖo acéjí. Nǔgbó ní nyí gǒjíblánú ɖo alin mitɔn; hwɛjijɔ ní nyí ganwu nú mi dó.

Jozuwée 5:13

Jozuwée ɖo Jeliko toxo ɔ́ kpá gbe ɖokpó, bó zé ta. É ná mɔ nǔɖé kpowun ɔ́, nya ɖé jɛ́n wá nɔ te nukɔn tɔn, bɔ nya ɔ́ kó sún hwǐ tɔn sín akún mɛ, bó hɛn alɔ mɛ. É ká sɛkpɔ́ nya ɔ́, bó kanbyɔ́ ɛ ɖɔ: “Mǐdɛɛ lɛ́ɛ jí wɛ a ɖe a, abǐ kɛntɔ́ mǐtɔn lɛ́ɛ jí wɛ a ɖe?”