Daniyɛ́li 10:19 - MAWUXÓWÉMA

¹⁹ bɔ é ɖɔ nú mì ɖɔ: ‘Wǎnyínámɔ Mawu tɔn, ma ɖi xɛsi ó. Nǔ wɛ nyɔ́ nú we! Lɛ̌ kpan akɔ́n! Dǒ gǎn!’ Hwenu e é ɖo xó ɖɔ nú mì wɛ ɔ́, hlɔ̌nhlɔ́n ɖo wǔ ce wá wɛ, bɔ un ɖɔ n'i lo ɖɔ: ‘Sɛ́mɛɖó ce, a hɛn ɔ́, a nǎ ɖɔ xó nú mì din, ɖó a nǎ hlɔ̌nhlɔ́n mì.’

Daniyɛ́li 10:19 Iomraidhean Croise

Ɖɛhan 138:3

Gbe e gbe un sú xó ylɔ́ we ɔ́, a sɔ nú mì. A nǎ akɔ́nkpinkpan mì, bó ná hlɔ̌nhlɔ́n mì.

Ezayíi 35:4

Mi ɖɔ nú mɛ e awakanmɛ ɖo kúkú wɛ lɛ́ɛ ɖɔ: “Mi dó wǔsyɛ́n lanmɛ nú miɖée; mi má sɔ́ ɖi xɛsi ɖě ó. Mi kpɔ́n, Mawu mitɔn ɖíe! É ja, bó ná wá ba hlɔn nú mi, bó ná sú nǔ e kɛntɔ́ mitɔn lɛ́ɛ wa xá mi ɔ́ sín axɔ́ yě. É ɖésúnɔ wɛ ja bó ná hwlɛ́n mi gán.”

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Daniyɛ́li 10:18

Mɛ ɖěvo énɛ́ e ɖo nukɔn ce ɔ́ lɛ́ ɖó alɔ wu ce, bɔ un lɛ́ mɔ hlɔ̌nhlɔ́n,

Daniyɛ́li 9:23

Ée a jɛ vo sa nú Mawu jí tlóló ɔ́, Mawu dó wɛn ɖokpó sɛ́ dó we bɔ un wá dó we, ɖó Mawu yí wǎn nú we ɖésú. Dǒ gǎn, bó mɔ nǔ jɛ wɛn énɛ́ ɔ́ mɛ, bó ná tunwun nǔ e ɖɔ wɛ dlɔ̌ towe ɖe é.

Ajée 2:4

Énɛ́ ɔ́ wú wɛ nyɛ Mawu Mavɔmavɔ ɔ́, un ɖo ɖiɖɔ nú mi wɛ ɖɔ: Zolobabɛ́li, kpan akɔ́n. Vɔ̌sánú-xwlémawutɔ́ ɖaxó Jozuwée, hwi lɔ ní kpan akɔ́n. Mi mɛ e lɛ́ kɔ sín kannumɔgbénu wá xwé lɛ́ɛ, mi lɔmɔ̌ mi kpan akɔ́n. Mi jɛ azɔ̌ wú; un ná nɔ kpɔ́ xá mi. Nyɛ Mawu Mavɔmavɔ Nǔbǐwúkpétɔ́ ɔ́ wɛ dó akpá tɔn nú mi.

Zakalíi 8:13

Axɔ́súɖuto Judáa tɔn kpódó Izlayɛ́li tɔn kpó e mi! Togun e è dǒ nu ɔ́ sín xlɛ́ wɛ mi ko nyí ɖ'ayǐ ɖo akɔta lɛ́ɛ tɛ́ntin. Amɔ̌, din ɔ́, un hwlɛ́n mi gán. Mi ná nyí togun nyɔ̌nánɔ ɖé sín xlɛ́. Mi ma sɔ́ ɖi xɛsi ó, mi kpan akɔ́n.”

Zakalíi 8:9

Nǔ e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: “Mi kpan akɔ́n! Akpá e un ko dó nú mi ɖ'ayǐ gbɔn gbeyíɖɔ lɛ́ɛ jí, hwenu e è dǒ sinsɛnxɔ ce do, bó ná vɔ́ gbá lɛ́ɛ se wɛ mi ɖe din.

Jǎan 11:3

Lazáa sín nɔví nyɔ̌nu we lɛ́ɛ ka sɛ́ wɛn dó Jezu bó ɖɔ: “Aklúnɔ, xɔ́ntɔn towe vívɛ́ná ɔ́ ɖo azɔn jɛ wɛ.”

Jǎan 11:36

Ée Judéenu lɛ́ɛ mɔ mɔ̌ ɔ́, yě ɖɔ: “Mi kpɔ́n lě e é yí wǎn n'i sɔ é.”

Jǎan 11:5

Jezu ka yí wǎn nú Maati kpódó nɔví tɔn nyɔ̌nu ɔ́ kpó, kpódó Lazáa kpán.

Jǎan 14:27

“Fífá wɛ un jó dó nú mi; fífá ce wɛ un ná mi. Un ná mi lě e gbɛ ɔ́ nɔ ná mɛ gbɔn ɔ́ ǎ; ado ma hu mi ó; xɛsi ma ɖi mi ó.

Jǎan 16:33

Un ɖɔ nǔ énɛ́ lɛ́ɛ nú mi, bónú mi ná ɖó vivo ɖo nyɛ mɛ. Mi ná mɔ wǔvɛ́ ɖo gbɛ ɔ́ mɛ; lo ɔ́, mi kpan akɔ́n, ɖó un ko ɖu ɖo gbɛ ɔ́ jí.”

Jǎan 19:26

Ée Jezu mɔ nɔ tɔn, bó ka mɔ ahwanvú tɔn e é yí wǎn ná ɔ́ ɖo te ɖo akpá tɔn ɔ́, é ɖɔ nú nɔ tɔn ɖɔ: “Nǎna, vǐ towe nɛ́!”

Jǎan 21:20

Piyɛ́ɛ ka lɛ́ kɔ kpɔ́n gúdo, bó mɔ ahwanvú e Jezu yí wǎn ná ɔ́ jǎwe ɖo gǔdo yětɔn; ahwanvú énɛ́ wɛ sɛkpɔ́ Jezu hwenu e yě ɖo nǔ ɖu wɛ é, bó kanbyɔ́ ɛ ɖɔ: “Aklúnɔ, mɛ̌ ka ɖo nǎ sa we ɖu wɛ.”

1 Kɔlɛ́ntinu 16:13

Mi nɔ acéjí; mi syɛ́nlǐn ɖo nǔɖiɖi mɛ; mi ɖó akɔ́nkpinkpan; mi ɖó hlɔ̌nhlɔ́n.

2 Kɔlɛ́ntinu 12:9

Bɔ Mawu yí gbe nú mì ɖɔ: “Wǔjɔmɛ ce wɛ nyí nǔ e hudó we ɔ́ bǐ, ɖó hwenu e a ma kpé nǔ wú ǎ ɔ́ wɛ hlɔ̌nhlɔ́n ce nɔ́ ɖe nǔwiwa tɔn lɛ́ɛ bǐ xlɛ́ dégbédégbé.” Hǔn, un ɖo gbesisɔ mɛ bó ná sɔ́ gǎnmaɖó ce dó jlá ajɔ̌ nú nyɛɖée kpó ayixa ce bǐ kpó, bónú hlɔ̌nhlɔ́n Klísu tɔn ná cyɔ́n alɔ jǐ ce.

Efɛ́zinu 6:10

Nǔ e kpo bɔ un ná ɖɔ nú mi é ɖíe: mi ba hlɔ̌nhlɔ́n mitɔn ɖo bǔ e mi ɖe ɖo Aklúnɔ mɛ ɔ́ mɛ, bó ba ɖo hlɔ̌nhlɔ́n tɔn e kpé nǔ bǐ wú é mɛ.

2 Timɔtée 2:1

Hǔn, hwi vǐ ce ɔ́, mɔ hlɔ̌nhlɔ́n ɖo fɛ́nú e mǐ ɖó, ɖo bǔ e mǐ ɖe xá Klísu Jezu ɔ́ mɛ.

Jozuwée 1:9

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.

Hwɛɖɔtɔ́ 6:23

Lo ɔ́, Mawu Mavɔmavɔ ɖɔ n'i ɖɔ: “Fífá ní nɔ kpɔ́ xá we; ma ɖi xɛsi ó; a nǎ kú ǎ.”