Daniyɛ́li 10:18 - MAWUXÓWÉMA

¹⁸ Mɛ ɖěvo énɛ́ e ɖo nukɔn ce ɔ́ lɛ́ ɖó alɔ wu ce, bɔ un lɛ́ mɔ hlɔ̌nhlɔ́n,

Daniyɛ́li 10:18 Iomraidhean Croise

Jɔ̌bu 16:5

Un ná kó ɖɔ xó dó dó wǔsyɛ́n lanmɛ nú mi, un ná ɖo xó ɖɔ nú mi wɛ káká, bɔ wǔvɛ́ e mɔ wɛ mi ɖe ɔ́ ná ɖe kpo.

Jɔ̌bu 23:6

É ná zán hlɔ̌nhlɔ́n tɔn bǐ dó wa nǔ xá mì wɛ a? Éeǒ, éyɛ́ ná kú hǔn bó ɖótó mì vɔ́vɔ́.

Ɖɛhan 138:3

Gbe e gbe un sú xó ylɔ́ we ɔ́, a sɔ nú mì. A nǎ akɔ́nkpinkpan mì, bó ná hlɔ̌nhlɔ́n mì.

Daniyɛ́li 10:10

Lo ɔ́, mɛɖé ɖ'alɔ wǔ ce, bó fɔ́n mì sí te, bɔ koli ce kpó alɔ ce kpó bǐ nɔ́ sísɔ́.

Daniyɛ́li 10:16

Mɛ ɖěvo wá ɖó alɔ nu ce wú, bɔ nu ce hun, bɔ un lɛ́ jɛ xó ɖɔ jí. Un ɖɔ nú mɛ ɖěvo énɛ́ e ɖo nukɔn ce ɔ́ ɖɔ: ‘Sɛ́mɛɖó ce, nǔ e un mɔ ɔ́ dó adohu nú mì, bo tlú kanmɛ nú mì.

Daniyɛ́li 8:15

“Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ, bó ɖo nǔ e ɖɔ wɛ é ɖe ɔ́ ba ná tunwun wɛ ɔ́, un mɔ nǔ gbɛtɔ́ ɖɔhun ɖé wá nɔ te ɖo nukɔn ce,

Daniyɛ́li 8:18

Hwenu e é ɖo xó énɛ́ ɖɔ wɛ ɔ́, un kpo ɖo agbɔ̌nnusú xwe do, bó sɔ́ tunwun gbɛ e mɛ un ɖe ɔ́ ǎ. Énɛ́ ɔ́, é hɛn mì bó fɔ́n mì sí te,

Luki 22:32

Lo ɔ́, un sa vo nú Mawu ɖó ta towe mɛ, bónú nǔɖiɖi má wá hwe dó we ó. Hwenu e a ka ná lɛ́ kɔ wá gɔ̌n ce ɔ́, dǒ wǔsyɛ́n lanmɛ nú nɔví towe lɛ́ɛ.”

Luki 22:43

Hwenɛ́nu ɔ́, wɛnsagun Mawu tɔn ɖokpó gosín jǐxwé wá tɔ́n dó jǐ tɔn, bó ná ɛ akɔ́nkpinkpan.

Mɛsɛ́dó 18:23

É xɔ azǎn yɔywɛ ɖé ɖo fínɛ́, bó ɖidó. É gbɔn Galati gbé jí, bó gbɔn Flijíi gbé jí ɖě jɛ ɖě gúdo, lobo dó wǔsyɛ́n lanmɛ nú ahwanvú Jezu tɔn e ɖo gbě énɛ́ lɛ́ɛ jí lɛ́ɛ bǐ.

Efɛ́zinu 3:16

Un nɔ byɔ́ ɛ ɖɔ, lě e susu tɔn d'agba sɔ ɔ́, ní dó wǔsyɛ́n lanmɛ nú mi kpó hlɔ̌nhlɔ́n kpó gbɔn Yɛsinsɛn jí.

Filípunu 4:13

Mɛ e nɔ ná hlɔ̌nhlɔ́n mì ɔ́ wɛ nɔ zɔ́n, bɔ un nɔ sixú kpé nǔ énɛ́ lɛ́ɛ bǐ wú.

Kolósinu 1:11

Mǐ nɔ byɔ́ Mawu ɖɔ ní zé hlɔ̌nhlɔ́n tɔn susunɔ ɔ́ dó ná hlɔ̌nhlɔ́n kpíkpé mi, bónú mi ná sixú kú hǔn bó ɖó akɔ́n nǔ lɛ́ɛ bǐ nu kpó xomɛhunhun kpó.

1 Samuwɛ́li 23:15

Ée Davídi mɔ ɖɔ Sawúlu dó ahwan gbě, bó ɖo émí ná hu wɛ ɔ́, é cí gbětótló Zifu tɔn mɛ ɖo Holɛ́ca.