Daniyɛ́li 10:16 - MAWUXÓWÉMA

¹⁶ Mɛ ɖěvo wá ɖó alɔ nu ce wú, bɔ nu ce hun, bɔ un lɛ́ jɛ xó ɖɔ jí. Un ɖɔ nú mɛ ɖěvo énɛ́ e ɖo nukɔn ce ɔ́ ɖɔ: ‘Sɛ́mɛɖó ce, nǔ e un mɔ ɔ́ dó adohu nú mì, bo tlú kanmɛ nú mì.

Daniyɛ́li 10:16 Iomraidhean Croise

Tíntɔ́n 4:10

Mɔyízi ɖɔ nú Mawu Mavɔmavɔ ɖɔ: “Nǔ sixú nyí mɔ̌ ǎ Aklúnɔ, un ɖi ɖɛ̌ ǎ; un nyɔ́ xó ɖɔ sín do ǎ. Sín hwenu e a ɖo xó ɖɔ nú mì wɛ káká jɛ din ɔ́, lě e un ɖe ɔ́ jɛ́n un ɖe. Xóɖiɖɔ kó nɔ nyí tagba nú mì ɖ'ayǐ.”

Tíntɔ́n 4:13

Mɔyízi ka ɖɔ: “Óo! Aklúnɔ, kɛnklɛ́n bó sɛ́ mɛ ɖěvo dó!”

Nǔnywɛ́tɔ́xó 1:18

È ɖo nǔnywɛ́ yí dó nǔnywɛ́ jí wɛ ɔ́, tagba dó tagba jí nú mɛɖée wɛ; è ɖo nǔ tunwun dó nǔ e è ko tunwun ɔ́ jí wɛ ɔ́, wǔvɛ́ dó wǔvɛ́ jí nú mɛɖée wɛ.

Ezayíi 6:7

É sɔ́ myɔkán ɔ́ sɔ́ nu ce bó ɖɔ: “Ée myɔkán élɔ́ jɛ nu towe wú din ɔ́, Mawu ɖe nǔ nyanya e a wa lɛ́ɛ sín kɔ nú we, bó súnsún hwɛ towe lɛ́ɛ sín kɔ nú we.”

Jelemíi 1:9

Énɛ́ ɔ́, Mawu Mavɔmavɔ dlɛ́n alɔ, bó ɖó nu ce wú, bó ɖɔ nú mì ɖɔ: “Énɛ́! Un sɔ́ xó ce lɛ́ɛ dó nu towe mɛ.

Ezekiyɛ́li 1:26

È nɔ mɔ nǔɖé ɖo fínɛ́ axɔ́súzinkpo ɖɔhun, bɔ é cí awǐnnya xɔ akwɛ́ safíi wɛ è dǒ bló ɖɔhun. Nǔ gbɛtɔ́ ɖɔhun ɖé ɖo axɔ́súzinkpo ɔ́ jí ɖo aga dɔ̌n.

Ezekiyɛ́li 3:27

Amɔ̌, hwenu e un ná ɖó xó ɖé bó ná ɖɔ gbɔn jǐ towe ɔ́, un ná tún kan nú ɖɛ̌ towe; énɛ́ ɔ́, a nǎ ɖɔ xó nú yě; a nǎ ɖɔ: ‘Xó e Aklúnɔ Mavɔmavɔ ɖɔ é ɖíe.’ Mɛ ɖé lɛ́ɛ ná ɖótó we, mɛ ɖé lɛ́ɛ ká ná gbɛ́ tó ɖó we, ɖó yě nɔ́ se tónú ǎ.”

Ezekiyɛ́li 33:22

É kpo sɔ bɔ mɛ ɔ́ ná wá ɖɔ xó nú mì ɔ́, gbadanu tɔn ɔ́, Mawu Mavɔmavɔ sín hlɔ̌nhlɔ́n kó wá jǐ ce, bó tún kan nú ɖɛ̌ ce bɔ un ko jɛ xó ɖɔ jí cóbɔ mɛ ɔ́ wá ayǐhɔ́ngbe tɔn zǎnzǎn; Mawu ko tún kan nú ɖɛ̌ ce bɔ un sɔ́ nyí mɛ e ma nɔ ɖɔ xó ǎ é ǎ; hǔn un hɛn ɔ́, un ná ɖɔ xó.

Daniyɛ́li 12:8

Nyɛ Daniyɛ́li lɛ́ se xó énɛ́ lɛ́ɛ, un ka mɔ nukúnnú jɛ mɛ ǎ. Énɛ́ wú wɛ un kanbyɔ́ ɖɔ: “Sɛ́mɛɖó ce! Nɛ̌ nǔ énɛ́ lɛ́ɛ bǐ ka ná fó gbɔn?”

Daniyɛ́li 4:19

Sɛ́mɛɖó, mɛ wɛ ɖo atín énɛ́ ɔ́ nyí wɛ. Đó mɛ ɖésú wá d'agba bó syɛ́n ɖésú, bɔ susu mɛtɔn hun káká yi jǐxwé, bɔ acɛkpikpa mɛtɔn gba kpé gbɛ ɔ́ bǐ mɛ.

Daniyɛ́li 7:15

“Nyɛ Daniyɛ́li ɔ́, ayi ce bǐ gbadó, bɔ nǔ e mɔ wɛ un ɖe lɛ́ɛ dó xɛsi nú mì.

Daniyɛ́li 7:28

“Dlɔ̌ ɔ́ fó dó fí. Amɔ̌, nyɛ Daniyɛ́li ɔ́, ayi ce nɔ ɖo hun xo xá mì wɛ, bɔ un blá wǔ bǐ, bó nɔ́ ɖo nǔ lin dó xó énɛ́ lɛ́ɛ wú wɛ ɖo gbɛmɛ.”

Daniyɛ́li 8:15

“Hwenu e nyɛ Daniyɛ́li ɖo nǔ e mɔ wɛ un ɖe ɔ́ kpɔ́n wɛ, bó ɖo nǔ e ɖɔ wɛ é ɖe ɔ́ ba ná tunwun wɛ ɔ́, un mɔ nǔ gbɛtɔ́ ɖɔhun ɖé wá nɔ te ɖo nukɔn ce,

Daniyɛ́li 8:17

Gabliyɛ́li jǎwe fí e un ɖe ɔ́, bɔ xɛsi jɛ jǐ ce, bɔ un xwe agbɔ̌nnusú do. Lo ɔ́, é ɖɔ nú mì ɖɔ: ‘Daniyɛ́li, ɖǒ tó; hwɛ ɔ́ gbɛtɔ́ wɛ a nyǐ, nǔ e mɔ wɛ a ka ɖe ɔ́, gbɛvivɔ wú ɖɔ xó dó wɛ é ɖe.’

Daniyɛ́li 8:18

Hwenu e é ɖo xó énɛ́ ɖɔ wɛ ɔ́, un kpo ɖo agbɔ̌nnusú xwe do, bó sɔ́ tunwun gbɛ e mɛ un ɖe ɔ́ ǎ. Énɛ́ ɔ́, é hɛn mì bó fɔ́n mì sí te,

Daniyɛ́li 8:27

Énɛ́ ɔ́ gúdo ɔ́, nyɛ Daniyɛ́li ɔ́, un ba hlɔ̌nhlɔ́n kpo, lobo jɛ azɔn nú azǎn. Ée azɔn gbɔ nú mì ɔ́, un jɛ azɔ̌ e un nɔ wa nú axɔ́sú ɔ́ lɛ́ɛ wa jí. Nǔ e un mɔ ɔ́ kpó ɖo kpíkpácá mì wɛ, ɖó un ko mɔ nukúnnú jɛ mɛ ǎ.”

Daniyɛ́li 9:21

Hwenu e un ɖo xó lɛ́ɛ ɖɔ nú Mawu wɛ ɔ́, wɛnsagun Gabliyɛ́li é un mɔ ɖo dlɔ̌ mɛ ɖ'ayǐ ɔ́ zɔn hawun bó wá gɔ̌n ce, hwenu e è ɖo vɔ̌sánú gbadanu tɔn ɔ́ xwlé Mawu wɛ é.

Luki 1:64

Azɔn ɖokpó ɔ́, ɖɛ̌ tɔn tún kan, bɔ é hun nu, bó jɛ xó ɖɔ jí, bó jɛ susu kpa nú Mawu jí.

Luki 21:15

Đó un ná sɔ́ xó e mi ná ɖɔ é kpódó nǔnywɛ́ e mi ná zán é kpán bǐ dó ayi mɛ nú mi, bɔ kɛntɔ́ mitɔn lɛ́ɛ ɖěbǔ ná sixú mɔ xó ɖé, bó dó gba mitɔn ɔ́ ná ǎ.

Jǎan 20:28

Tɔmáa yí gbe n'i ɖɔ: “Aklúnɔ ce, Mawu ce!”

Jozuwée 5:14

Bɔ nya ɔ́ yí gbe n'i ɖɔ: “Un ɖo mɛ ɖěbǔ jí ǎ, ahwangán Mawu Mavɔmavɔ tɔn wɛ un nyí. Wǐwá wɛ un ɖe din.” Ée Jozuwée se mɔ̌ ɔ́, é xwe agbɔ̌nnusú do, bó ɖe kɔ́, lobo ɖɔ nú nya ɔ́ ɖɔ: “Mɛsɛntɔ́ towe wɛ un nyí, étɛ́ a jlǒ ná zɔ́n mì?”

Nǔɖexlɛ́mɛ 1:13

Nǔ gbɛtɔ́ ɖɔhun ɖé ɖo tɛ́ntin yětɔn; é dó awu gaga ɖé, bɔ awu ɔ́ ɖi ga káká wá afɔ tɔn lɛ́ɛ jí; é zé akɔ́ntablánú e è zé siká dó bló ná ɔ́ sin dó akɔ́ngónu.

Hwɛɖɔtɔ́ 13:8

Énɛ́ ɔ́, Manɔwáxi asú tɔn ɔ́ sa vo nú Mawu Mavɔmavɔ ɖɔ: “Aklúnɔ, ɖɛ̌mɛnu towe e a sɛ́ dó mǐ ɖ'ayǐ ɔ́, kɛnklɛ́n bó lɛ́ sɛ́ ɛ dó mǐ bónú é ná kplɔ́n mǐ lě e mǐ nǎ nɔ gbɔn kpó vǐ súnnuví e è nǎ ji ɔ́ kpó é.”

Hwɛɖɔtɔ́ 6:13

Jedenyɔ́ɔ ɖɔ n'i ɖɔ: “Aklúnɔ ce! Ényí Mawu Mavɔmavɔ ɖo kpɔ́ xá mǐ ɔ́, nɛ̌ ká gbɔn bɔ nǔ énɛ́ lɛ́ɛ bǐ jɛ dó mǐ jí? Azɔ̌jíwǔ e sín xó tɔ́ mǐtɔn lɛ́ɛ nɔ́ ɖɔ nú mǐ, bó nɔ́ ɖɔ Mawu Mavɔmavɔ ɖe émí tɔ́n sín Ejípu ɔ́, fítɛ́ nǔ énɛ́ lɛ́ɛ bǐ ká ɖe? È nǎ ɖɔ nǔgbó ɔ́, Mawu Mavɔmavɔ jó mǐ dó; é jó mǐ nú Madiáani ví lɛ́ɛ.”

Hwɛɖɔtɔ́ 6:15

Jedenyɔ́ɔ ka ɖɔ n'i ɖɔ: “Aklúnɔ ce, kɛnklɛ́n! Nɛ̌ un ná sixú hwlɛ́n Izlayɛ́li ví lɛ́ɛ gbɔn? Hɛ̌nnu ce wɛ nyí hɛ̌nnu e ɖo gǔdo bǐ ɖo akɔta Manasée tɔn ɔ́ mɛ é; nyɛ wɛ ka nyí yɔkpɔ́vú bǐ ɖo xwédo ce mɛ.”