Daniyɛ́li 10:13 - MAWUXÓWÉMA

¹³ Lo ɔ́, Pɛ́sigán ɔ́ fɔ́n gǔ dó jǐ ce káká nú azǎn ko-nukún-ɖokpó hwɛ̌ có Micɛ́li wɛnsagun Mawu tɔn ɖaxó lɛ́ɛ ɖokpó wá, bó wá dó alɔ mì, bɔ un nɔ axɔ́sú Pɛ́si tɔn lɛ́ɛ gɔ́n.

Daniyɛ́li 10:13 Iomraidhean Croise

Ɛsidlási 4:24

È to ɖó Mawu xwé gbígbá ɔ́ sín azɔ̌ te hwɛ̌ ɖo Jeluzalɛ́mu, káká wá jɛ hwenu e Dadá Pɛ́si tɔn Daliwúsi ɖo xwe we bló wɛ ɖo zinkpo jí é.

Daniyɛ́li 12:1

Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma ɔ́ mɛ lɛ́ɛ gán.

Efɛ́zinu 6:12

Đó gbɛtɔ́ lɛ́ɛ ná fun ahwan xá wɛ mi ɖe ǎ; lo ɔ́, nǔɖoyɛswímɛ nyanya e ɖo jǐnukúnsin kpó ayǐkúngban kpó tɛ́ntin, acɛkpikpa lɛ́ɛ, hlɔ̌nhlɔ́n lɛ́ɛ kpódó gǎn gbɛ élɔ́ mɛ tɔn e mǐ ma nɔ́ mɔ ǎ lɛ́ɛ kpó wɛ mi ɖó ná fun ahwan xá.

Kolósinu 2:10

bɔ mi yí nǔ bǐ sésé ɖo bǔ e mi ɖe xá Klísu ɔ́ mɛ. Éyɛ́ wɛ ɖo ta nú gǎn lɛ́ɛ bǐ, kpódó acɛkpikpa lɛ́ɛ bǐ kpán.

1 Tɛsalonikinu 2:18

Mǐ ko jló ná lɛ́ wá mi gɔ́n; ɖo tají ɔ́, nyɛ Pɔ́lu ɔ́, azɔn mɔ̌kpán wɛ un tɛ́nkpɔ́n bó ná lɛ́ wá mi gɔ́n; lo ɔ́, Satáan ka sú ali tɔn dó mǐ.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

Judi 1:9

Lo ɔ́, hwenu e wɛnsagun ɖaxó Micɛ́li ɖo nǔ dɔn xá awǒvi wɛ, bó ɖo Mɔyízi cyɔ hwlɛ́n xá ɛ wɛ ɔ́, é glá sɔ́ zun dó ɖó hwɛ n'i ǎ; lo ɔ́, é ɖɔ n'i kpowun ɖɔ: “Aklúnɔ ní dɔn tó nú we.”

Nǔɖexlɛ́mɛ 12:7

Bɔ ahwan tɔ́n ɖo jǐxwé: wɛnsagun ɖaxó Micɛ́li kpódó wɛnsagun e ɖo glɔ́ tɔn lɛ́ɛ kpó fun ahwan xá Dlagɔ́ɔn ɔ́, bɔ Dlagɔ́ɔn ɔ́ kpódó wɛnsagun tɔn lɛ́ɛ kpó fun ahwan xá yě.