Daniyɛ́li 10:12 - MAWUXÓWÉMA

¹² É ɖɔ nú mì ɖɔ: ‘Daniyɛ́li, ma ɖi xɛsi ó. Sín gbe e gbe ayi towe jɛ nǔ mɔ jí, bɔ a zě hwiɖée hwe ɖo Mawu nukɔn ɔ́, Mawu ɖo ɖɛ towe lɛ́ɛ se wɛ, bɔ un hɛn sin tɔn ja nú we.

Daniyɛ́li 10:12 Iomraidhean Croise

Ɖɛhan 69:10

ɖó wǎn yíyí e un ɖó nú xwé towe ɔ́, wǎn yíyí ma ɖó jlɛ̌ ɖé wɛ, bó nɔ́ sɔ́ akpakpa mì, bɔ zun e nyí zun towe ɔ́, nyɛ wɛ yí bǐ.

Ezayíi 35:4

Mi ɖɔ nú mɛ e awakanmɛ ɖo kúkú wɛ lɛ́ɛ ɖɔ: “Mi dó wǔsyɛ́n lanmɛ nú miɖée; mi má sɔ́ ɖi xɛsi ɖě ó. Mi kpɔ́n, Mawu mitɔn ɖíe! É ja, bó ná wá ba hlɔn nú mi, bó ná sú nǔ e kɛntɔ́ mitɔn lɛ́ɛ wa xá mi ɔ́ sín axɔ́ yě. É ɖésúnɔ wɛ ja bó ná hwlɛ́n mi gán.”

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Ezayíi 58:9

Énɛ́ ɔ́, a ylɔ́ Mawu Mavɔmavɔ ɔ́, é ná sɔ nú we. A sú xó bó byɔ́ alɔgɔ́ ɔ́, é ná ɖɔ nú we ɖɔ: ‘Un ɖo fí.’ Ényí a sú acɛ gannaganna kpikpa dó sín to towe mɛ, nú a jǒ adǎn gblɔ́n nú mɛ dó, nú a jǒ dǎka ɖiɖɔ dó,

Ezayíi 65:24

Cóbónú yě ná ylɔ́ mì ɔ́, un ná kó sɔ nú yě, yě ná kpo ɖo xó ɖɔ wɛ cóbɔ un ná kó se xó yětɔn.

Daniyɛ́li 10:11

Nya e mɔ wɛ un ɖe ɔ́ ɖɔ nú mì ɖɔ: ‘Daniyɛ́li, hwi mɛ e Mawu yí wǎn ná ɔ́, tɛ́nkpɔ́n bó mɔ nǔ jɛ xó e ɖɔ nú we gbé un ja é mɛ. Nɔ te ɖo fí e a ɖe ɔ́, ɖó hwi gɔ́n wɛ è sɛ́ mì dó din.’ Ée un se mɔ̌ ɔ́, un ɖo te bó ɖo sísɔ́sísɔ́ wɛ.

Daniyɛ́li 10:19

bɔ é ɖɔ nú mì ɖɔ: ‘Wǎnyínámɔ Mawu tɔn, ma ɖi xɛsi ó. Nǔ wɛ nyɔ́ nú we! Lɛ̌ kpan akɔ́n! Dǒ gǎn!’ Hwenu e é ɖo xó ɖɔ nú mì wɛ ɔ́, hlɔ̌nhlɔ́n ɖo wǔ ce wá wɛ, bɔ un ɖɔ n'i lo ɖɔ: ‘Sɛ́mɛɖó ce, a hɛn ɔ́, a nǎ ɖɔ xó nú mì din, ɖó a nǎ hlɔ̌nhlɔ́n mì.’

Levíi ví 16:29

“Sɛ́n ɖokpó wɛ nyí sɛ́n énɛ́ ɔ́, bɔ mi ná nɔ́ nyi; hǔn azǎn wǒgɔ́ ɔ́ e ɖo sun tɛ́nwegɔ́ ɔ́ mɛ ɔ́ gbe ɔ́, mi kpódó Izlayɛ́li ví lɛ́ɛ kpó, kpódó jǒnɔ e ɖo to mitɔn mɛ lɛ́ɛ kpó ná blá nu. Mi ná wa azɔ̌ ɖěbǔ ǎ. Mi ná nyi sɛ́n énɛ́ ɔ́ káká sɔ́yi.

Levíi ví 16:31

Mi ɖó ná zé azǎn énɛ́ ɔ́ dó ɖó gbɔjɛzán ná; mi ná wa nǔ ɖěbǔ ǎ; mi ná blá nu. Mi ná nyi sɛ́n énɛ́ ɔ́ káká sɔ́yi.

Kɛ́nsísɔ́ 29:7

Mawu Mavɔmavɔ ɖɔ nú Mɔyízi ɖɔ: “Sun tɛ́nwegɔ́ énɛ́ ɔ́ sín azǎn wǒgɔ́ ɔ́ gbe ɔ́, mi ná kplé, bó ná sɛn nyɛ Mawu Mavɔmavɔ; mi ná blá nu; mi ɖó ná wa azɔ̌ ɖěbǔ ǎ.

Matíe 28:10

Hwenɛ́nu ɔ́, Jezu ɖɔ nú yě ɖɔ: “Mi ma ɖi xɛsi ó. Mi yi, bó ɖɔ nú nɔví ce lɛ́ɛ ɖɔ yě ní yi Galilée; fínɛ́ wɛ yě ná mɔ mì ɖe.”

Matíe 28:5

Wɛnsagun ɔ́ ká ɖɔ nú nyɔ̌nu lɛ́ɛ ɖɔ: “Midɛɛ lɛ́ɛ ɔ́, mi ma ɖi xɛsi ó, ɖó un tunwun ɖɔ Jezu e è ká nyi aklúzu jí ɔ́ ba wɛ mi ɖe.

Maki 16:6

Dɔ̌nkpɛvú ɔ́ ka ɖɔ nú yě ɖɔ: “Mi ma ɖi xɛsi ó; Jezu Nazalɛ́ti tɔn e è ká nyi aklúzu jí ɔ́ ba wɛ mi ɖe. È ko fɔ́n ɛ sín kú, é sɔ́ ɖo fí ǎ; fí e è ɖi i dó ɔ́ ɖíe.

Luki 1:13

Wɛnsagun ɔ́ ka ɖɔ n'i ɖɔ: “Zakalíi, ma ɖi xɛsi ó; ɖó Mawu yí gbe nú nǔ e a byɔ́ ɛ é. Asi towe Elizabɛ́ti ná ji vǐ súnnu ɖokpó nú we, bɔ a nǎ sun nyǐ i ɖɔ Jǎan.

Luki 1:30

Wɛnsagun ɔ́ ká ɖɔ n'i ɖɔ: “Mali, ma ɖi xɛsi ó; ɖó Mawu jɔwǔ we;

Luki 2:10

Wɛnsagun ɔ́ ka ɖɔ nú yě ɖɔ: “Mi ma ɖi xɛsi ó, Wɛn Ɖagbe ɖé dó mi gbé wɛ un ja, bɔ é ná nyí awǎjijɛnú ɖaxó nú togun ɔ́ bǐ.

Luki 24:38

Lo ɔ́, Jezu ɖɔ: “Ani ka ɖo ayi gbadó nú mi wɛ mɔ̌? Étɛ́ sín nǔ xo kpɔ́n wɛ mi ka ɖe?

Mɛsɛ́dó 27:24

bó ɖɔ nú mì ɖɔ: ‘Pɔ́lu, ma ɖi xɛsi ó, ɖó a nǎ yi Dadá Hlɔ̌ma tɔn nukɔn dandan, bɔ hwi wútu ɔ́, Mawu ná ná gbɛ mɛ e ɖo tɔ jí xá we lɛ́ɛ bǐ.’

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.