Daniyɛ́li 10:1 - MAWUXÓWÉMA

¹ Hwenu e axɔ́sú Pɛ́si tɔn Silúsi ɖo xwe atɔn bló wɛ ɖo zinkpo jí ɔ́, Mawu dó wɛn ɖé Daniyɛ́li e è nɔ ylɔ́ ɖɔ Bɛluticasáa é. Xó énɛ́ ɔ́, xójɔxó wɛ, bó ɖɔ wǔvɛ́ ɖaxó ɖaxó e jǎwe lɛ́ɛ. Daniyɛ́li ɖo tamɛ lin dó xó énɛ́ wú wɛ, bɔ Mawu wá ná ɛ tínmɛ tɔn ɖo dlɔ̌ mɛ.

Daniyɛ́li 10:1 Iomraidhean Croise

Bǐbɛ́mɛ 41:32

Ée è blǒ bɔ mɛ kú nǔ ɖokpó ɔ́ sín dlɔ̌ dó azɔn we jí mɔ̌ ɔ́, é ɖe xlɛ́ ɖɔ nǔ e Mawu lin ɖɔ émí ná wa ɔ́, wa jɛ́n é ná wa dandan; é ká ná lín cóbó wa nǔ ɔ́ ǎ.

2 Tan 36:22

Hwenu e Dadá Pɛ́si tɔn Silúsi ɖo xwe ɖokpó bló wɛ ɖo zinkpo jí ɔ́, Mawu Mavɔmavɔ ɖɔ émí ná bló nǔ e émí ɖɔ gbɔn Jelemíi jí é; énɛ́ ɔ́, é sɔ́ dó ayi mɛ nú Dadá Silúsi, bɔ ayi tɔn mɔ ɖɔ émí ná zé nu émítɔn dó jlá xó élɔ́ gbɔn axɔ́súɖuto émítɔn bǐ mɛ, bó ná wlán ɖɔ:

Ɛsidlási 3:7

Énɛ́ ɔ́ gúdo ɔ́, yě sú axɔ́ azɔ̌watɔ́ lɛ́ɛ, bɔ yě ná kpa awǐnnya lɛ́ɛ kpódó atín lɛ́ɛ kpó. Yě lɛ́ ná nǔɖuɖu kpódó ahan kpó, kpódó ami kpó Sidɔ́ɔnnu lɛ́ɛ kpódó Tíinu lɛ́ɛ kpó, bónú yědɛɛ lɛ́ɛ ná hɛn atín syɛ́nsyɛ́n Libáan tɔn lɛ́ɛ wá nú yě. Yě ná bɛ́ gbɔn xu jí káká wá ɖó Jafa xu ɔ́ tó. Dadá Pɛ́si tɔn Silúsi wɛ ná gbe tɔn yě.

Ɛsidlási 4:3

Ée yě ɖɔ mɔ̌ ɔ́, Zolobabɛ́li kpódó Jozuwée kpó, kpódó hɛ̌nnugán Izlayɛ́li ví lɛ́ɛ tɔn ɖé lɛ́ɛ kpó yí gbe nú yě ɖɔ: “É nyɔ́ bónú mi ná gbá xwé ɔ́ xá mǐ nú Mawu mǐtɔn ǎ; mǐdɛɛ lɛ́ɛ kɛ́ɖɛ́ wɛ ɖó ná gbá, lě e Dadá Pɛ́si tɔn Silúsi ɖɔ gbɔn nú mǐ é. Đó Mawu Mavɔmavɔ, Mawu Izlayɛ́li tɔn ɔ́ sín xwé wɛ é ɖó ná nyí.”

Ɛsidlási 4:5

Hwenu e Dadá Pɛ́si tɔn Silúsi ɖo axɔ́sú ɖu wɛ káká wá jɛ Daliwúsi sín hwenu ɔ́, mɛ e ɖo to ɔ́ mɛ lɛ́ɛ nɔ ná akwɛ́ mɛ e nɔ ɖe wě xá Dadá ɔ́ lɛ́ɛ, bónú yě ná hɛn tito Jwifu lɛ́ɛ tɔn gblé.

Ɛsidlási 6:14

Wɛn e gbeyíɖɔ Mawu tɔn Ajée kpódó Zakalíi Idóo ví ɔ́ kpó wá dó tomɛxó Jwifu lɛ́ɛ tɔn ɔ́ ná akɔ́nkpinkpan yě, bɔ Mawu xwé sín azɔ̌ ɔ́ yi nukɔn ganjí. Yě gbá xwé bɔ é sɔgbe xá lě e Mawu Izlayɛ́li tɔn ɔ́ ɖɔ gbɔn é, bó sɔgbe xá gbeta e Dadá Pɛ́si tɔn Silúsi, Aatazɛɛzɛsi, kpódó Daliwúsi kpó ɖe tɔ́n é.

Ɛsidlási 6:3

“Hwenu e Dadá Silúsi ɖo xwe nukɔn nukɔntɔn ɔ́ bló wɛ ɖo zinkpo jí ɔ́, é ɖe gbeta élɔ́ tɔ́n: È ɖǒ ná vɔ́ Mawu xwé e ɖo Jeluzalɛ́mu ɔ́ blóɖó, bɔ é ná nyí tɛn e mɛ è nǎ nɔ xwlé vɔ̌sánú lɛ́ɛ Mawu ɖe é. Dodó xóxó ɔ́ jí wɛ è nǎ vɔ́ xwé ɔ́ gbá ɖó. Jǐyiyi tɔn ná nyí mɛ̌tlu gban, bɔ gblǒ tɔn ná nyí mɛ̌tlu gban.

Ezayíi 44:28

Un ɖɔ dó Silúsi wú ɖɔ: ‘É wɛ nyí lɛ̌ngbɔ́nyitɔ́ e un sɔ́ é; é ná bló bɔ nǔ e jló mì lɛ́ɛ bǐ ná nyí wiwa. É ná ná gbe bɔ è nǎ vɔ́ Jeluzalɛ́mu gbá, bó ná vɔ́ xwé ce sá.’ ”

Daniyɛ́li 1:17

Dɔ̌nkpɛvú ɛnɛ lɛ́ɛ ɔ́, Mawu ná yě nukúnnú-mɔjɛnǔmɛ, bó ná yě nǔtunwuntunwun, bɔ yě se gbe lɛ́ɛ, bó lɛ́ ɖó nǔnywɛ́. Daniyɛ́li ɔ́, éyɛ́ nɔ́ tín nǔmimɔ kpó dlɔ̌ lɛ́ɛ kpó mɛ.

Daniyɛ́li 1:21

Daniyɛ́li nɔ axɔ́sú ɔ́ sín acɛ mɛ káká jɛ hwenu e Silúsi wá yi gǎnzinkpo jí é.

Daniyɛ́li 1:7

Mɛ e kpa acɛ nú mɛ e nɔ wa azɔ̌ ɖo hɔnmɛ lɛ́ɛ ɔ́ ná nyǐkɔ ɖěvo yě. É sun nyǐ Daniyɛ́li ɖɔ Bɛluticasáa, bó sun nyǐ Hananiya ɖɔ Cadlaki, bó sun nyǐ Micaɛ́li ɖɔ Mɛcáki, bó sun nyǐ Azalya ɖɔ Abɛ́di-Nɛgó.

Daniyɛ́li 10:14

Din ɔ́, un wá bó ná ɖɔ nǔ e ná wá jɛ dó togun towe jí sɔ gúdo ɔ́ nú we. Nǔ ɔ́ wɛ Mawu ɖe xlɛ́ we bɔ a mɔ.’

Daniyɛ́li 11:2

Amɔ̌, din ɔ́, wɛn jɔ wɛn e ná dó we wɛ un ɖe ɔ́ ɖíe: “Axɔ́sú atɔn ná ɖu axɔ́sú ɖo Pɛ́si. Axɔ́sú ɛnɛgɔ́ e ná bɔ dó yě wu ɔ́ ná jɛ dɔkun hú axɔ́sú ɖě lɛ́ɛ. Hwenu e dɔkun tɔn lɛ́ɛ ná ná ɛ hlɔ̌nhlɔ́n, bɔ é ná kpa acɛ ganjí ɔ́, é ná wa nǔ bǐ bó ná tɔ́n ahwan axɔ́súɖuto Glɛ̌si tɔn.

Daniyɛ́li 12:4

“Daniyɛ́li! Hɛn xó élɔ́ ayi mɛ. Ma ɖɔ nǔ e ɖo wěma élɔ́ mɛ ɔ́ nú mɛɖé cóbónú nǔ lɛ́ɛ bǐ sín fífó hwenu ná su ó. Énɛ́ ɔ́ mɛ gěgé ná wá xa nǔ e ɖ'é mɛ lɛ́ɛ, bɔ nǔnywɛ́ yětɔn ná jɛ jí.”

Daniyɛ́li 12:9

É yí gbe nú mì ɖɔ: “Daniyɛ́li, ado ma hu we ó. Xó énɛ́ ɖó ná nɔ hwlǎhwlá ganjí káká jɛ nǔ lɛ́ɛ sín vivɔ hwenu.

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 4:8

Atín ɔ́ húzú atín ɖaxó, bó syɛ́n. Ala tɔn lɛ́ɛ ɖi ga káká yi sɔ́ jǐnukúnsin. È ɖo fí ɖěbǔ ɖo gbɛ ɔ́ mɛ ɔ́, è nɔ mɔ atín ɔ́ sɛ́ dó.

Daniyɛ́li 5:12

Aziza e ɖo jǐ tɔn ɔ́ ko ɖo mɛɖé jí ǎ. É nɔ́ tunwun nǔ nyanya kpó nǔ ɖagbe kpó. É ɖó nǔnywɛ́, é nɔ́ tín dlɔ̌ mɛ nú mɛ; è so nǔ dó e ɔ́, é nɔ́ flɔ́n. É nɔ́ mɔ nǔbúdo bǐ bó nɔ́ ɖɔ. É nyɔ́ ɖɔ è nǐ yi ylɔ́ nya Daniyɛ́li énɛ́ e tɔ́ mɛtɔn sun nyǐ ɖɔ Bɛluticasáa ɔ́ wá fí din. É ná xa nǔ e è wlǎn ɖó fínɛ́ ɔ́ bó ná tínmɛ nú mɛ.”

Daniyɛ́li 5:17

Daniyɛ́li ka ɖɔ nú axɔ́sú ɔ́ ɖɔ: “Sɛ́mɛɖó, mɛ ní hɛn nǔ e ná ná mì wɛ mɛ ɖe lɛ́ɛ wú, é gló hǔn, mɛ ní ná mɛ ɖěvo. Amɔ̌, un ka ná xa nǔ e è wlǎn ɔ́, bó ná tínmɛ nú mɛ.

Daniyɛ́li 6:28

É wɛ nɔ hwlɛ́n mɛ gán, bó nɔ ɖe mɛ sín mɛ kannu. É wɛ nɔ jlɛ́ nǔ tɛnmɛ tɛnmɛ lɛ́ɛ, bó nɔ́ bló nǔdábaɖa lɛ́ɛ ɖo jǐxwé kpódó dodomɛ kpó. Mawu énɛ́ ɔ́ wɛ yí Daniyɛ́li sín kinnikínní lɛ́ɛ sín fɛn mɛ.”

Daniyɛ́li 8:16

bɔ mɛ ɖokpó sú xó ɖo Wuláyi tɔ ɔ́ tɛ́ntin, bó ɖɔ n'i ɖɔ: ‘Gabliyɛ́li, tín nǔ e mɔ wɛ nya énɛ́ ɔ́ ɖe ɔ́ mɛ n'i.’

Daniyɛ́li 8:26

Tínmɛ e jɛ xá vɔ̌sísá zǎnzǎn gbada tɔn e a mɔ lɛ́ɛ é nɛ́. Amɔ̌, ma ɖɔ nǔ énɛ́ e a mɔ ɔ́ nú mɛɖé ó, ɖó hwenu e é ná jɛ dó ɔ́ kpo ɖaxó.’

Luki 1:20

Xó e un ɖɔ nú we ɔ́ ná jɛ ɖo hwe tɔn nu. Lo ɔ́, ɖěe a ma ɖi nǔ nú mì ǎ ɔ́, ɖɛ̌ towe ná kú, bɔ xó ɖiɖɔ ná gló we, káká jɛ hwenu e nǔ lɛ́ɛ bǐ ná jɛ dó é.”

Nǔɖexlɛ́mɛ 19:9

Wɛnsagun ɔ́ ɖɔ nú mì ɖɔ: “Wlǎn: nǔ nyɔ́ nú mɛ e è ylɔ̌ wá alɔwlíwlínúɖuɖu Lɛ̌ngbɔ́ví ɔ́ tɔn ɖu gbé lɛ́ɛ é.” É lɛ́ ɖɔ nú mì ɖɔ: “Mawu sín xó nǔgbó lɛ́ɛ nɛ́.”