Daniyɛ́li 1:8 - MAWUXÓWÉMA

⁸ Daniyɛ́li ka tunwun dó ayi tɔn mɛ ɖɔ émí kún ná kpɔ́n dó nǔɖuɖu e axɔ́sú ɔ́ nɔ́ ɖu ɔ́, kpó vɛ̌ɛn e é nɔ́ nu ɔ́ kpó wú, bó ná hɛn émíɖée blí ó. Ée é mɔ mɔ̌ ɔ́, é cikpɛ nú gǎn ɔ́ ɖɔ é ní má hɛn émí blí ó.

Daniyɛ́li 1:8 Iomraidhean Croise

1 Axɔ́sú 5:5

Bɛ́ sín Dan ɖo totaligbé káká yi Bɛ̌-Ceva ɖo tofɔligbé ɔ́, Judáa ví lɛ́ɛ kpó Izlayɛ́li ví lɛ́ɛ kpó bǐ sín ayi jɛ ayǐ. Mɛ ɖokpó ɖokpó nɔ́ vo bó nɔ́ kpé nukún dó vǐwungle tɔn kpó fígigle tɔn kpó wú ganjí, ɖo Salomɔ́ɔ sín hwenu.

Ɖɛhan 106:28

Yě jɛ vodún Baalu sɛn jí ɖo Peɔ́ɔ, yě nɔ́ ɖu kanlin e è hu dó vodún lɛ́ɛ é sín lan; vodún énɛ́ lɛ́ɛ ɔ́, nǔ kúkú wɛ yě ká nyí.

Ɖɛhan 119:106

Un xwlé nǔ ɖɔ un ná xwedó gbeta towe lɛ́ɛ; gbeta towe lɛ́ɛ sɔgbe; un ná ɖe akpá e un dó é.

Ɖɛhan 119:115

Mɛdídá lɛ́ɛ e mi, mi sɛ yi zɔ nú mì; mi yi zɔ bónú ma bló nǔ e Mawu ce zɔ́n lɛ́ɛ.

Ɖɛhan 141:4

Ma lɔn nú un ɖɔ xó nyanya ɖé, abǐ un wa nǔ baɖabaɖa ɖé mɛdídá lɛ́ɛ ɖɔhun ó. Ma lɔn nú un ɖu agɔ̌ xá yě ó.

Nǔnywɛ́xó 23:3

Nukún towe ní má nɔ nǔɖuɖu ɖagbe e ɖo gǎn nukɔn lɛ́ɛ wú ó; nǔɖuɖu énɛ́ lɛ́ɛ sixú nyí mɔ bɔ è ɖǒ nú we.

Daniyɛ́li 1:5

Axɔ́sú ɔ́ ná gbe ɖɔ è nǐ nɔ́ ná nǔɖuɖu e émí nɔ́ ɖu ɔ́ kpó vɛ̌ɛn e émí nɔ́ nu ɔ́ kpó yě ayǐhɔ́ngbe ayǐhɔ́ngbe, bó ná hɛn yě káká nú xwe atɔn. Nú yě bló xwe atɔn énɛ́ lɛ́ɛ vɔ ɔ́, yě ná jɛ azɔ̌ wa nú axɔ́sú ɔ́ jí.

Daniyɛ́li 5:4

Ée yě bǐ nu ahan ganjí ɔ́, yě jɛ han e yě nɔ́ dó kpa susu nú vodún yětɔn lɛ́ɛ é ji jí. Vodún yětɔn lɛ́ɛ ɔ́, è zě siká dó bló ɖě, bó zé kpatágan dó bló ɖě, bó zé ganvɔ dó bló ɖě, bó zé gan dó bló ɖě. È zě atín dó bló ɖě, bó zé awǐnnya dó bló ɖě.

Mɛsɛ́dó 11:23

Ée é wá, bó mɔ lě e Mawu wa ɖagbe nú togun ɔ́ gbɔn ɔ́, é hun xomɛ n'i, bɔ é ná akɔ́nkpinkpan yě bǐ, ɖɔ yě ní nɔ gbejí nú Aklúnɔ kpó ayixa ɖokpó kpó.

Mɛsɛ́dó 15:20

Amɔ̌, nǔ e mǐ ná wlán sɛ́ dó yě kpowun ɔ́ wɛ nyí ɖɔ: yě ní má ɖu kanlin e è xwlé vodún lɛ́ɛ ɖě sín lan ó; yě ní ma ɖó xó xá nɔ yětɔn ó, yě ní má ɖó xó xá tɔ́ yětɔn sín asi ó; yě ní má ɖó xó xá vǐ yětɔn abǐ nɔví yětɔn ó; yě má ɖu kanlin e è glɔ̌n agbɔ̌n ná bó hu lɛ́ɛ ɖě sín lan ó, yě ma ka ɖu hun ó.

1 Kɔlɛ́ntinu 7:37

Lo ɔ́, ényí dɔ̌nkpɛvú énɛ́ kpɔ́n ayi éɖée tɔn mɛ, bó ɖɔ émí kún ná da asi ó, bɔ é lí dǒ ɖo ayi tɔn mɛ, bɔ é ma ka nyí mɛɖé wɛ ɖɔ dandan mɔ̌ jɛ́n é ná bló ǎ, bɔ é mɔ ɖɔ émí hɛn ɔ́, émí ná ɖu ɖo jlǒ agbaza tɔn jí, bó kún ná ɖó alɔ asixɔ́ntɔn émítɔn wú ó ɔ́, nǔ ɖagbe wɛ é wa.

2 Kɔlɛ́ntinu 9:7

Hǔn, mɛ ɖokpó ɖokpó ɖó ná ná nǔ mɛ lě e é lin gbɔn ɖo ayi tɔn mɛ é; ní ma ná nǔ mɛ, bónú é lɛ́ vɛ́ n'i, abǐ ní nyí dandan sín nǔ n'i ó. Đó Mawu yí wǎn nú mɛ e nɔ ná nǔ mɛ kpódó xomɛhunhun kpó é.

Sɛ́nflínmɛ 32:38

Mi nɔ hu kanlin dó yě; mi nɔ ba ahan nú yě. Din ɔ́, yě bó bló nǔɖé bó hwlɛ́n mi gán bó cyɔ́n alɔ mi jí bó.