Daniyɛ́li 1:7 - MAWUXÓWÉMA

⁷ Mɛ e kpa acɛ nú mɛ e nɔ wa azɔ̌ ɖo hɔnmɛ lɛ́ɛ ɔ́ ná nyǐkɔ ɖěvo yě. É sun nyǐ Daniyɛ́li ɖɔ Bɛluticasáa, bó sun nyǐ Hananiya ɖɔ Cadlaki, bó sun nyǐ Micaɛ́li ɖɔ Mɛcáki, bó sun nyǐ Azalya ɖɔ Abɛ́di-Nɛgó.

Daniyɛ́li 1:7 Iomraidhean Croise

Bǐbɛ́mɛ 41:45

Axɔ́sú ɔ́ sun nyǐ Jozɛ́fu ɖɔ Safunáti-Panɛ́yaxi. É zé Asenáti da n'i; Asenáti ɔ́, Poti-Fela, hunnɔ Ɔnu toxo ɔ́ tɔn ɔ́ sín vǐ wɛ. Bɔ Jozɛ́fu sɔ́ nǔ bó yi gbɔn Ejípu to ɔ́ mɛ.

2 Axɔ́sú 23:34

Ejípu xɔ́sú ɔ́ sɔ́ Joziyási ví Eliyakímu bɔ é jɛ tɔ́ tɔn tɛn mɛ. É ɖyɔ́ nyǐkɔ n'i, bó sun nyǐ i ɖɔ Yoyakímu. É kplá Yoakázi yi Ejípu bɔ é kú ɖo dɔ̌n.

2 Axɔ́sú 24:17

Axɔ́sú Babilɔ́nu tɔn ɔ́ sɔ́ Yoyakini sín tɔ́ nɔví ɖokpó ɖó tɛn tɔn mɛ, bɔ é nyí axɔ́sú. Nyǐkɔ tɔn nɔ nyí Mataniya, bɔ é ɖyɔ́ nyǐkɔ n'i bɔ é nɔ́ nyí Sedesíyasi.

Daniyɛ́li 1:19

Axɔ́sú ɔ́ ɖɔ xó xá yě, bó mɔ ɖɔ mɛ ɖé kún ɖo yě mɛ bó ɖó nǔnywɛ́ sɔ Daniyɛ́li kpó Hananiya, kpó Micaɛ́li kpódó Azalya kpó ó. Bɔ yě mɛ ɛnɛ énɛ́ lɛ́ɛ jɛ azɔ̌ wa jí.

Daniyɛ́li 1:3

Nabukodonɔzɔ́ɔ ná gbe azaglɔ́gán tɔn Acipenázi ɖɔ é ní kpɔ́n Izlayɛ́li ví lɛ́ɛ mɛ, bó cyán súnnuví e jɔ ɖo axɔ́sú kún mɛ, abǐ éé jɔ ɖo mɛjɔmɛ hɛ́nnu mɛ lɛ́ɛ é ɖě.

Daniyɛ́li 10:1

Hwenu e axɔ́sú Pɛ́si tɔn Silúsi ɖo xwe atɔn bló wɛ ɖo zinkpo jí ɔ́, Mawu dó wɛn ɖé Daniyɛ́li e è nɔ ylɔ́ ɖɔ Bɛluticasáa é. Xó énɛ́ ɔ́, xójɔxó wɛ, bó ɖɔ wǔvɛ́ ɖaxó ɖaxó e jǎwe lɛ́ɛ. Daniyɛ́li ɖo tamɛ lin dó xó énɛ́ wú wɛ, bɔ Mawu wá ná ɛ tínmɛ tɔn ɖo dlɔ̌ mɛ.

Daniyɛ́li 2:26

Axɔ́sú ɔ́ yí xó, bó kanbyɔ́ Daniyɛ́li e è sun nyǐ ɖɔ Bɛluticasáa ɔ́ ɖɔ: “A sixú ɖɔ dlɔ̌ e un kú ɔ́, bó tínmɛ nú mì a?”

Daniyɛ́li 2:49

Daniyɛ́li byɔ́ axɔ́sú ɔ́ ɖɔ é ní zé Cadlaki kpó Mɛcáki kpó, kpódó Abɛ́di-Nɛgó kpó ɖó nǔjíkpɔ́ntɔ́ sín tɛnmɛ ɖo tokpɔn Babilɔ́nu tɔn mɛ. É ká zé Daniyɛ́li bɔ é húzú nǔnywɛ́námɛtɔ́ ɖo axɔ́sú ɔ́ sín agba jí.

Daniyɛ́li 4:5

É nɔ zaan bɔ Daniyɛ́li lɔmɔ̌ wá mɔ mì. Nya ɖé wɛ bɔ è nɔ lɛ́ ylɔ́ ɛ ɖɔ Bɛluticasáa. Nyǐkɔ énɛ́ ɔ́, vodún ce sín nyǐkɔ mɛ wɛ è ɖe sín . Nya énɛ́ ɔ́, nǔmɛsɛn mímɛ́ lɛ́ɛ sín yɛ ɖo jǐ tɔn. Ée é wá ɔ́, un ɖɔ dlɔ̌ e un kú ɔ́ n'i; un ɖɔ n'i ɖɔ:

Daniyɛ́li 4:8

Atín ɔ́ húzú atín ɖaxó, bó syɛ́n. Ala tɔn lɛ́ɛ ɖi ga káká yi sɔ́ jǐnukúnsin. È ɖo fí ɖěbǔ ɖo gbɛ ɔ́ mɛ ɔ́, è nɔ mɔ atín ɔ́ sɛ́ dó.

Daniyɛ́li 5:12

Aziza e ɖo jǐ tɔn ɔ́ ko ɖo mɛɖé jí ǎ. É nɔ́ tunwun nǔ nyanya kpó nǔ ɖagbe kpó. É ɖó nǔnywɛ́, é nɔ́ tín dlɔ̌ mɛ nú mɛ; è so nǔ dó e ɔ́, é nɔ́ flɔ́n. É nɔ́ mɔ nǔbúdo bǐ bó nɔ́ ɖɔ. É nyɔ́ ɖɔ è nǐ yi ylɔ́ nya Daniyɛ́li énɛ́ e tɔ́ mɛtɔn sun nyǐ ɖɔ Bɛluticasáa ɔ́ wá fí din. É ná xa nǔ e è wlǎn ɖó fínɛ́ ɔ́ bó ná tínmɛ nú mɛ.”