Daniyɛ́li 1:4 - MAWUXÓWÉMA

⁴ Súnnuví énɛ́ lɛ́ɛ ɖó ná ɖó blɔ̌ ɖěbǔ ɖo wǔ ǎ; ninɔmɛ yětɔn ɖó ná nyɔ́ kpɔ́n. Wǔ ɖó ná yá yě, bɔ nǔnywɛ́ ná kpé yě. Yě ɖó ná tunwun nǔ, bó ɖó ná nɔ mɔ nukúnnú jɛ nǔ mɛ. Gbɛtɔ́ mɔ̌hunkɔtɔn wɛ yě ɖó ná nyí cóbó ná sixú wa azɔ̌ ɖo axɔ́sú ɔ́ sín hɔnmɛ. È nǎ kplɔ́n Babilɔ́nunu lɛ́ɛ sín gbe yě, bó ná kplɔ́n wlǎnwlán tɔn yě.

Daniyɛ́li 1:4 Iomraidhean Croise

Bǐbɛ́mɛ 41:46

Xwe gban (30) ɖó wɛ Jozɛ́fu ɖe hwenu e è kplá ɛ wá axɔ́sú Ejípu tɔn ɔ́ gɔ́n é. Jozɛ́fu ka gosín axɔ́sú ɔ́ gɔ́n, bó yi gbɔn Ejípu to ɔ́ bǐ mɛ.

2 Samuwɛ́li 14:25

Mɛ ɖěbǔ ɖo Izlayɛ́li to ɔ́ mɛ bó nyɔ́ ɖɛkpɛ sɔ Abusalɔ́mu ǎ. È kpɔ́n ɛ sín ta káká yi afɔ ɔ́, blɔ̌ ɖěbǔ ɖo wǔ tɔn ǎ.

Nǔnywɛ́xó 22:29

Kpɔ́n mɛ e nɔ wa azɔ̌ ganjí lɛ́ɛ; axɔ́sú lɛ́ɛ wɛ yě nɔ́ wa azɔ̌ ná; yě nɔ́ wa azɔ̌ nú gbɛtɔ́ kpaa ǎ.

Nǔnywɛ́tɔ́xó 7:19

Nǔnywɛ́ nɔ́ ná hlɔ̌nhlɔ́n nǔnywɛ́tɔ́ bɔ acɛ tɔn nɔ syɛ́n hú acɛ e gǎn wǒ nɔ kpa dó toxo ɖokpó nu é.

Ezayíi 36:11

Énɛ́ ɔ́, Eliyakímu, Cevúna kpó Yoáxi kpó ɖɔ nú ahwangán ɔ́ ɖɔ: “Kɛnklɛ́n, dǒ alamugbe nú mǐ; mǐ se gbe énɛ́ ɔ́ ganjí. Ma sɔ́ dó Ebléegbe ɖě nú mǐ ó; é má nyí mɔ̌ ǎ ɔ́, mɛ e ɖo ahohó ɔ́ ta lɛ́ɛ bǐ ɖo tó ɖó mǐ wɛ.”

Jelemíi 5:15

Éɖíe, Izlayɛ́li togun e mi, un sɛ́ akɔta ɖokpó dó mi sín fímáyáfí ɖé. Akɔta ɖé wɛ bó ɖó hlɔ̌nhlɔ́n ɖésú, akɔta xóxó ɖé wɛ. Mi se gbe yětɔn ǎ, yě ɖo xó ɖɔ wɛ ɔ́ mi na mɔ nǔ jɛ mɛ ǎ.

Daniyɛ́li 2:10

Azɔnɖatɔ́ lɛ́ɛ yí gbe nú axɔ́sú ɔ́ ɖɔ: “Mɛ ɖěbǔ ɖo gbɛ ɔ́ mɛ bó ná sixú ɖɔ nǔ e ba wɛ axɔ́sú ɔ́ ɖe ɔ́ ǎ. Axɔ́sú ɖěbǔ ná bó syɛ́n bó ɖó acɛ gbɔn ɖěbǔ ɔ́, é ná byɔ́ nǔ mɔ̌hunkɔtɔn majíkiblótɔ́, abǐ azětɔ́, abǐ azɔnɖatɔ́ ɖěbǔ kpɔ́n ǎ.

Daniyɛ́li 2:2

Énɛ́ ɔ́, é ɖɔ è nǐ ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ, kpó azɔnɖatɔ́ lɛ́ɛ kpó wá, bónú yě ná ɖɔ nǔ e émí mɔ ɖo dlɔ̌ mɛ ɔ́ nú émí. Ée yě wá ɔ́, yě nɔ te ɖo nukɔn tɔn,

Daniyɛ́li 3:8

Nǔwiwa ɔ́ ɖo fífó wɛ kɛ́ɖɛ́, bɔ Babilɔ́nunu ɖé lɛ́ɛ wá slɛ́ Jwifu lɛ́ɛ nú axɔ́sú ɔ́.

Daniyɛ́li 4:7

Dlɔ̌ e un kú ɔ́ ɖíe, ɖǒ tó: Hwenu e un ɖo ayǐmlɔ́mlɔ́ ɖo adɔ̌zan ce jí ɔ́, dlɔ̌ e un kú ɔ́ ɖíe: Un mɔ atín ɖaxó gɛnnyigɛnnyi ɖé ɖo ayǐkúngban ɔ́ tɛ́ntin.

Daniyɛ́li 5:11

Nǔmɛsɛn mímɛ́ lɛ́ɛ sín yɛ ɖo nya ɖokpó jí ɖo axɔ́súɖuto mɛtɔn mɛ. Tɔ́ mɛtɔn hwenu ɔ́, nya ɖé wɛ, bó nɔ́ mɔ nukúnnú jɛ nǔ wú céɖécéɖé. É bí, bó ɖó nǔnywɛ́ nǔmɛsɛn ɖɔhun. Énɛ́ ɔ́ wú wɛ tɔ́ mɛtɔn sɔ́ ɛ gǎn, bɔ é kpa acɛ dó nǔkantɔ́ lɛ́ɛ, majíkiblótɔ́, azětɔ́ lɛ́ɛ, kpódó azɔnɖatɔ́ lɛ́ɛ kpó nu.

Daniyɛ́li 5:7

Énɛ́ ɔ́, é sú xó ɖɔ è nǐ yi ylɔ́ nǔkantɔ́ lɛ́ɛ, majíkiblótɔ́ lɛ́ɛ, azětɔ́ lɛ́ɛ kpó azɔnɖatɔ́ e ɖo Babilɔ́nu lɛ́ɛ bǐ kpó wá nú émí. Ée è yi ylɔ́ yě wá ɔ́, é ɖɔ nú nǔnywɛ́tɔ́ énɛ́ lɛ́ɛ ɖɔ: “Mɛ e ná xa nǔ e è wlǎn ɖó fínɛ́ ɔ́, bó ná tínmɛ nú mì ɔ́, un ná zé axɔ́súwu dó n'i, bó ná dó sikáwlɔ ɖokpó kɔ n'i, bó ná zé e ɖó tɛn atɔngɔ́ ɔ́ mɛ ɖo axɔ́súɖuto ce mɛ.”

Daniyɛ́li 9:1

“Hwenu e Daliwúsi Asuelúsi ví ɔ́ ɖo xwe ɖokpó bló wɛ ɖo zinkpo jí, ɖo akɔta Mɛdi tɔn nu, ɖo axɔ́súɖuto Babilɔ́nu tɔn ɔ́ mɛ ɔ́,

Zakalíi 2:4

Bɔ un kanbyɔ́ ɖɔ: “Étɛ́ wa gbé yě wá?” Bɔ é yí gbe nú mì ɖɔ: “Yě wá bó ná dó xɛsi akɔta hlɔ̌nhlɔ́nnɔ e sí te dó Judáanu lɛ́ɛ jí, bó ná gba é. Yě gba Judáanu lɛ́ɛ dó káká bɔ mɛ ɖěbǔ sixú nɔ te nukɔn yětɔn ǎ.”

Mɛsɛ́dó 7:20

Hwenɛ́nu wɛ è ji Mɔyízi, bɔ é nyɔ́ ɖɛkpɛ ɖésú ɖo Mawu nukún mɛ. Mɛ tɔn lɛ́ɛ kpé nukún wú tɔn ɖo tɔ́ tɔn sín xwé gbe xɔ sun atɔn.

Mɛsɛ́dó 7:22

Fínɛ́ wɛ é yí nǔnywɛ́ Ejípunu lɛ́ɛ tɔn bǐ ɖe, bó lí dǒ ɖo xóɖiɖɔ kpódó nǔwiwa kpó mɛ.

Efɛ́zinu 5:27

Đó é ɖo biba wɛ ɖɔ agun ɔ́ ní wá é ɖésúnɔ nukɔn kpódó susu kpó; é jló ɖɔ agun ɔ́ ní nyɔ́ ɖɛkpɛ, bónú nǔ bǐ ní vɔ ɖ'é wú, bónú è ma mɔ nǔ kwíji ɖěbǔ ɖo wǔ tɔn ó; é ní ma ɖó blɔ̌ ɖěbǔ wǔ ó.

Hwɛɖɔtɔ́ 8:18

Énɛ́ ɔ́ gúdo ɔ́, é kanbyɔ́ Zɛváxi kpó Salumúna kpó ɖɔ: “Nɛ̌ wɛ mɛ e mi hu ɖo Tabɔ́ɔ lɛ́ɛ cí?” Yě yí gbe ɖɔ: “Yě ɖi we. Yě mɛ ɖokpó ɖokpó ɖi axɔ́ví.”