Daniyɛ́li 1:2 - MAWUXÓWÉMA

² Aklúnɔ jó Yoyakímu dó, bɔ Nabukodonɔzɔ́ɔ ɖu ɖo jǐ tɔn, bó lɛ́ jó nǔzínzán e è nɔ dó wa azɔ̌ ná ɖo sinsɛnxɔ Mawu tɔn mɛ lɛ́ɛ ɖě dó n'i. Nabukodonɔzɔ́ɔ wlí gbɛtɔ́ gěgé yi kannumɔgbénu ɖo Babilɔ́nu, bó bɛ́ nǔzínzán e é hɛn wá lɛ́ɛ yi dó vodún tɔn lɛ́ɛ xwé, ɖo xɔ e mɛ è nɔ kplé vodún tɔn lɛ́ɛ sín dɔkun lɛ́ɛ dó é mɛ.

Daniyɛ́li 1:2 Iomraidhean Croise

Bǐbɛ́mɛ 10:10

Toxo e mɛ Nimulodi ɖu axɔ́sú ɖe jɛ nukɔn lɛ́ɛ wɛ nyí: Babɛ́li, Elɛ́ki, Akadi kpó Kalunɛ́ɛ kpó ɖo Mɛzopotamíi yíkúngban jí.

Bǐbɛ́mɛ 11:2

Zǎnzǎnhwe jí wɛ gbɛtɔ́ lɛ́ɛ gosín, bó yi mɔ tɔdo ɖé ɖo Mɛzopotamíi, bó jɛ agban nyi fínɛ́.

2 Axɔ́sú 24:1

Yoyakímu hwenu wɛ Nabukodonɔzɔ́ɔ Babilɔ́nu xɔ́sú ɔ́ tɔ́n ahwan Judáa to ɔ́, bɔ Yoyakímu nɔ acɛ tɔn mɛ nú xwe atɔn, bó lɛ́ fɔ́n gǔ dó jǐ tɔn.

2 Tan 36:5

Xwe koatɔ́n (25) wɛ Yoyakímu ɖó bó yi zinkpo jí ɖo Jeluzalɛ́mu, bó ɖu axɔ́sú nú xwe wǒ-ɖokpó. Nǔ e ma nyɔ́ Mawu Mavɔmavɔ, Mawu tɔn nukún mɛ ǎ lɛ́ɛ wɛ é wa.

2 Tan 36:7

Nabukodonɔzɔ́ɔ bɛ́ nǔ tɛnmɛ tɛnmɛ ɖo Mawu Mavɔmavɔ xwé gbe yi Babilɔ́nu, bó bɛ́ yě ɖó hɔnmɛ, xwé tɔn gbe ɖo Babilɔ́nu.

Ɛsidlási 1:7

Nǔzínzán e Nabukodonɔzɔ́ɔ ko bɛ́ sín Mawu Mavɔmavɔ xwé gbe ɖo Jeluzalɛ́mu, bó bɛ́ dó vodúnxɔ é ɖésú tɔn mɛ lɛ́ɛ ɔ́, Dadá Silúsi xo bǐ kplé,

Ezayíi 11:11

Gbe énɛ́ gbe ɔ́, Aklúnɔ ná lɛ́ vɔ́ zán hlɔ̌nhlɔ́n tɔn, bó ná xɔ gbɛ nú mɛ e kpo ɖo gbɛ ɖo togun tɔn mɛ lɛ́ɛ: é ná xɔ gbɛ nú mɛ e kpo ɖo gbɛ ɖo Asilíi lɛ́ɛ, mɛ e kpo ɖo gbɛ ɖo Ejípu lɛ́ɛ, mɛ e kpo ɖo gbɛ ɖo Patlɔ́si lɛ́ɛ, mɛ e kpo ɖo gbɛ ɖo Nubíi lɛ́ɛ, mɛ e kpo ɖo gbɛ ɖo Elámu lɛ́ɛ, mɛ e kpo ɖo gbɛ ɖo Babilɔ́nu lɛ́ɛ, mɛ e kpo ɖo gbɛ ɖo Hamáti lɛ́ɛ, kpó mɛ e kpo ɖo gbɛ ɖo tɔtɛ́ntinto mɛ lɛ́ɛ kpó.

Ezayíi 42:24

Mɛ̌ ká jó Izlayɛ́li, togun Jakɔ́bu tɔn ɔ́ nú mɛ e bɛ́ nǔ tɔn lɛ́ɛ bǐ é? Mɛ̌ ká jó e nú mɛ e vɔ ɛ lɛ́ɛ? É má nyí Mawu Mavɔmavɔ e mǐ hu hwɛ dó é wɛ a? Izlayɛ́li jló ná xwedó ali e Mawu tɔn ɖe n'i é ǎ; é ɖótó sɛ́n tɔn ǎ.

Jelemíi 25:1

Hwenu e Yoyakímu Joziyási ví Judáa xɔ́sú ɔ́ ɖo xwe ɛnɛ bló wɛ ɖo zinkpo jí ɔ́, Mawu ɖɔ xó nú Jelemíi dó Judáa togun ɔ́ bǐ wú. Xwe e xwe Nabukodonɔzɔ́ɔ Babilɔ́nu xɔ́sú ɔ́ yi zinkpo jí é wɛ.

Jelemíi 27:16

Énɛ́ ɔ́ gúdo ɔ́, un ɖɔ xó nú vɔ̌sánú-xwlémawutɔ́ lɛ́ɛ kpódó mɛ e ɖo fínɛ́ lɛ́ɛ bǐ kpó; un ɖɔ nú yě ɖɔ: “Xó e Mawu Mavɔmavɔ ɖɔ ɔ́ ɖíe: ‘Gbeyíɖɔ e nɔ ɖɔ nú mi ɖɔ zaanɖé din ɔ́, è nǎ bɛ́ nǔ e è nɔ zán ɖo xwé ce gbe lɛ́ɛ sín Babilɔ́nu wá lɛ́ɛ ɔ́, mi ma ɖótó yě ó, adingban wɛ yě nɔ́ ɖó nú mi.’

Jelemíi 28:3

Cóbónú é ná su xwe we mɛ lěhwenu ɔ́, nǔ e è nɔ zán ɖo xwé ce gbe, bɔ Babilɔ́nu xɔ́sú Nabukodonɔzɔ́ɔ bɛ́ yi Babilɔ́nu lɛ́ɛ ɔ́, un ná lɛ́ kɔ nú bǐ wá fí.

Jelemíi 35:11

Ée Babilɔ́nu xɔ́sú Nabukodonɔzɔ́ɔ tɔ́n ahwan to ɔ́ é ɔ́, mǐ gbɔ bó ɖɔ mǐ ná yi cí Jeluzalɛ́mu bó ná gló ahwangɔnu Babilɔ́nu tɔn kpó Silíi tɔn kpó. Lě e mǐ wǎ cí Jeluzalɛ́mu gbɔn ɔ́ nɛ́.”

Jelemíi 50:2

Mawu ɖɔ: “Mi jlá wɛn élɔ́ akɔta lɛ́ɛ bǐ, mi ɖɔ nú mɛ bǐ se. Mi ná xlɛ̌ ɖé bónú mɛ bǐ ní tunwun. Mi ɖɔ bǐ, mi ma ɖe ɖě kpo ó. Mi ɖɔ: è yǐ Babilɔ́nu; vodún Bɛ́lu ɔ́ ɖu winnyá. Vodún Maadúki gba hánnyá. Bǒcyɔ tɔn lɛ́ɛ sín wi kɔ́n, vodún tɔn lɛ́ɛ gba.

Jelemíi 51:44

Un ná dɔn tó nú Babilɔ́nu vodún Bɛ́lu ɔ́. Un ná bló bɔ é ná vi nǔ e wló ɖu wɛ é ɖe lɛ́ɛ bǐ. Akɔta lɛ́ɛ sɔ́ ná nyi ahwan wá gɔ̌n tɔn ɖě ǎ. Babilɔ́nu sín ahohó ɔ́ mu.

Daniyɛ́li 5:13

Nǔgbó ɔ́, è kplá Daniyɛ́li wá axɔ́sú ɔ́ gɔ́n, bɔ axɔ́sú ɔ́ kanbyɔ́ ɛ ɖɔ: “Hwi wɛ nyí Daniyɛ́li kannumɔ Jwifu e tɔ́ ce axɔ́sú ɔ́ kplá sín Judáa wá é a?

Daniyɛ́li 5:18

Mawu Ajalɔ̌nlɔn ɔ́ sɔ́ tɔ́ mɛtɔn Nabukodonɔzɔ́ɔ ɔ́ axɔ́sú ɖaxó, bɔ susu kpó yɛ̌yi kpó kpé e.

Xabakúku 1:16

Énɛ́ ɔ́, yě nɔ́ sá vɔ̌ nú ɖɔ yětɔn lɛ́ɛ, bó nɔ dó zǎlínkpɔ́n zo nú aja yětɔn lɛ́ɛ. Đó nǔ énɛ́ lɛ́ɛ wɛ nyí mɔ̌ bɔ yě nɔ́ sixú mɔ nǔ ɖu ganjí, bɔ nǔɖuɖu yětɔn nyí nǔɖuɖu ɖagbe.

Zakalíi 5:11

Bɔ é yí gbe nú mì ɖɔ: “Yě zé xwe Mɛzopotamíi, bó ná gbá sinsɛnxɔ ɖokpó n'i, bó ná xo kpe ɖokpó bó sɔ́ ɖ'é jí.”

Sɛ́nflínmɛ 32:30

Kɛntɔ́ ɖokpó sixú sí te é ɖokpó géé bó gba Izlayɛ́li ví afatɔ́n (1.000) dó a? Kɛntɔ́ we sixú nya Izlayɛ́li ví děgba we afɔwó (10.000) a? Cóbónú nǔ ná cí mɔ̌ ɔ́, nyɛ mɛ e nyí Só yětɔn ɔ́ jɛ́n ná jó yě nú kɛntɔ́ yětɔn lɛ́ɛ.

Hwɛɖɔtɔ́ 2:14

Mawu Mavɔmavɔ sin xomɛ dó Izlayɛ́li ví lɛ́ɛ. É jó yě dó nyi ajotɔ́ axánsúnxó lɛ́ɛ sín alɔ mɛ bɔ yě fin nǔ yětɔn lɛ́ɛ; é sa yě nú kɛntɔ́ yětɔn e lɛ́ dó yě lɛ́ɛ, bɔ yě sɔ́ sixú nɔ te ɖo nukɔn yětɔn ǎ.

Hwɛɖɔtɔ́ 3:8

Mawu Mavɔmavɔ sin xomɛ dó yě bó jó yě nú axɔ́sú Mɛzopotamíi tɔn Kucáni-Hliceatayímu, bɔ yě nɔ acɛ tɔn mɛ xɔ xwe tántɔn.

Hwɛɖɔtɔ́ 4:2

Mawu Mavɔmavɔ ka jó yě nú Yavíni, Kanáa xɔ́sú lɛ́ɛ ɖokpó. Hasɔ́ɔ wɛ é nɔ nɔ; ahwangán tɔn nɔ nyí Sisela, bó nɔ́ nɔ Halocɛ́ti-Goyímu.

1 Samuwɛ́li 5:2

Ée yě jɛ dɔ̌n ɔ́, yě sɔ́ dó vodún yětɔn Dagɔ́ni ɔ́ xɔ mɛ, bó sɔ́ ɖó vodún ɔ́ kpá.