Daniyɛ́li 1:17 - MAWUXÓWÉMA

¹⁷ Dɔ̌nkpɛvú ɛnɛ lɛ́ɛ ɔ́, Mawu ná yě nukúnnú-mɔjɛnǔmɛ, bó ná yě nǔtunwuntunwun, bɔ yě se gbe lɛ́ɛ, bó lɛ́ ɖó nǔnywɛ́. Daniyɛ́li ɔ́, éyɛ́ nɔ́ tín nǔmimɔ kpó dlɔ̌ lɛ́ɛ kpó mɛ.

Daniyɛ́li 1:17 Iomraidhean Croise

1 Axɔ́sú 3:12

Énɛ́ ɔ́ wú ɔ́, un ná bló lě e a ɖɔ gbɔn ɔ́, un ná ná nǔnywɛ́ kpódó nukúnnú mɔ jɛ nǔ mɛ kpó we. Un ná ná we sɔ mɔ̌, bɔ mɛɖé ná ko ɖó nǔnywɛ́ towe ɖɔhun kpɔ́n ǎ, mɛɖé ká ná lɛ́ ɖó gbeɖé ǎ.

1 Axɔ́sú 3:28

Izlayɛ́li to ɔ́ bǐ se lě e axɔ́sú ɔ́ gbo hwɛ ɔ́ gbɔn ɔ́, bó nɔ ɖó sísí n'i, ɖó è mɔ ɖɔ Mawu ná ɛ nǔnywɛ́ titewungbe, bɔ é ná nɔ dó ɖɔ hwɛ ná.

2 Tan 1:10

Hǔn, bo ná nǔnywɛ́ kpódó nǔtunwuntunwun kpó mì, bónú ma tunwun lě e un ná wa nǔ gbɔn ɖo togun élɔ́ nu é! Đó togun ɔ́ sukpɔ́ dín! Nǔ énɛ́ lɛ́ɛ mɛ vo ɔ́, mɛɖé sixú nɔ togun e sukpɔ́ sɔ mɔ̌ ɔ́ nu ǎ.”

2 Tan 1:12

un ná nǔnywɛ́ ɔ́ kpódó nǔtunwuntunwun ɔ́ kpó we; un ka ná lɛ́ ná dɔkun we, bó ná ná nǔ gěgé kpódó susu kpó we gɔ́ ná, bɔ é ná hú axɔ́sú e ko jɛ nukɔn nú we lɛ́ɛ kpó éé ná wá jɛ gǔdo towe lɛ́ɛ bǐ kpó tɔn.”

2 Tan 26:5

Hwenu e Zekaliyahu ɖo gbɛ, bó nɔ́ kplɔ́n sísí ɖó nú Mawu Oziyási ɔ́, Oziyási nɔ dó gǎn, bó nɔ́ wa Mawu Mavɔmavɔ sín jlǒ, bɔ Mawu nɔ bló bɔ é wa nǔɖé ɔ́, é nɔ́ mɔ nu tɔn.

Jɔ̌bu 32:8

Lo ɔ́, nú è na ɖɔ nǔgbó ɔ́, yɛ Mawu tɔn, funfún Nǔbǐwúkpétɔ́ ɔ́ tɔn ɔ́ wɛ nɔ́ ná nukúnnú-mɔjɛnǔmɛ mɛ.

Nǔnywɛ́xó 2:6

Đó Mawu Mavɔmavɔ wɛ nɔ ná nǔnywɛ́, nu tɔn mɛ wɛ nǔtunwuntunwun kpó tamɛbibɔ kpó nɔ́ gosín.

Nǔnywɛ́tɔ́xó 2:26

Nǔgbó ɔ́, Mawu wɛ nɔ́ ná nǔnywɛ́, nukúnnú mɔ jɛ nǔ mɛ kpó awǎjijɛ kpó mɛ e nɔ wa jlǒ tɔn é; lo ɔ́, é nɔ́ zɔ́n azɔ̌ mɛ e nɔ wa nǔ nyanya é, bɔ é nɔ́ wa azɔ̌, bó nɔ́ kplé dɔkun nú mɛ e nɔ wa jlǒ éyɛ́ Mawu ɔ́ tɔn é; dɔkun kplé ɖ'ayǐ ɔ́, un mɔ ɖɔ énɛ́ lɔ ɔ́ nǔ yǎyá wɛ; wezun kán ɖo jɔhɔn gúdo wɛ.

Ezayíi 28:26

Mawu tɔn wɛ kplɔ́n ɛ gbɔn mɔ̌; é wɛ ná ɛ nǔnywɛ́ mɔ̌.

Ezekiyɛ́li 28:3

A mɔ ɖɔ nǔɖé kún tíin bónú émí dán do ná ó. A vɛdó ɖɔ émí ɖó nǔnywɛ́ hú Daniyɛ́li wɛ sín a?

Daniyɛ́li 1:18

Azǎn e axɔ́sú ɔ́ ɖó bɔ è nǎ kplá dɔ̌nkpɛvú e è cyán lɛ́ɛ wá ɔ́ sɔgbe, bɔ nya e kpa acɛ dó mɛ e nɔ wa azɔ̌ ɖo hɔnmɛ lɛ́ɛ nu ɔ́ kplá yě wá axɔ́sú Nabukodonɔzɔ́ɔ nukɔn.

Daniyɛ́li 1:20

Nǔ e ná nyí nǔ bó ná byɔ́ ɖɔ è nǎ ɖó nǔnywɛ́ kpó nukúnnú-mɔjɛnǔmɛ kpó cóbó kɛ nu d'é wú ɔ́, ényí axɔ́sú ɔ́ kan nǔ byɔ́ yě dó ɖěbǔ jí ɔ́, xósin e yě nɔ́ ná ɔ́ nɔ́ mɛ́ hú ée nǔkantɔ́ lɛ́ɛ kpó majíkiblótɔ́ e ɖo axɔ́súɖuto ɔ́ mɛ é kpó nɔ́ ná ɔ́ azɔn wǒ.

Daniyɛ́li 1:4

Súnnuví énɛ́ lɛ́ɛ ɖó ná ɖó blɔ̌ ɖěbǔ ɖo wǔ ǎ; ninɔmɛ yětɔn ɖó ná nyɔ́ kpɔ́n. Wǔ ɖó ná yá yě, bɔ nǔnywɛ́ ná kpé yě. Yě ɖó ná tunwun nǔ, bó ɖó ná nɔ mɔ nukúnnú jɛ nǔ mɛ. Gbɛtɔ́ mɔ̌hunkɔtɔn wɛ yě ɖó ná nyí cóbó ná sixú wa azɔ̌ ɖo axɔ́sú ɔ́ sín hɔnmɛ. È nǎ kplɔ́n Babilɔ́nunu lɛ́ɛ sín gbe yě, bó ná kplɔ́n wlǎnwlán tɔn yě.

Daniyɛ́li 10:1

Hwenu e axɔ́sú Pɛ́si tɔn Silúsi ɖo xwe atɔn bló wɛ ɖo zinkpo jí ɔ́, Mawu dó wɛn ɖé Daniyɛ́li e è nɔ ylɔ́ ɖɔ Bɛluticasáa é. Xó énɛ́ ɔ́, xójɔxó wɛ, bó ɖɔ wǔvɛ́ ɖaxó ɖaxó e jǎwe lɛ́ɛ. Daniyɛ́li ɖo tamɛ lin dó xó énɛ́ wú wɛ, bɔ Mawu wá ná ɛ tínmɛ tɔn ɖo dlɔ̌ mɛ.

Daniyɛ́li 2:19

Énɛ́ ɔ́, Mawu ɖe nǔbúdo énɛ́ ɔ́ xlɛ́ Daniyɛ́li ɖo dlɔ̌ mɛ, bɔ Daniyɛ́li jɛ Mawu sɛ́xwé tɔn ɔ́ mlá jí,

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 2:23

Mawu tɔ́gbó ce lɛ́ɛ tɔn, un ɖo susu kpa nú we wɛ. Un ɖo mlǎmlá we wɛ, ɖó nǔnywɛ́ kpó hlɔ̌nhlɔ́n kpó e a nǎ mì ɔ́ wú, ɖó nǔ e mǐ byɔ́ we ɔ́, a ɖe xlɛ́ mǐ.”

Daniyɛ́li 2:30

É nyí nǔnywɛ́ ce hú gǎn gbɛtɔ́ e ɖo gbɛ lɛ́ɛ bǐ tɔn wú wɛ Mawu ɖe nǔbúdo élɔ́ xlɛ́ mì ǎ; lo ɔ́, mɛɖé ná tín dlɔ̌ ɔ́ mɛ nú mɛ bó ná ɖɔ nǔ e ɖo ayi mɛtɔn mɛ ɔ́ nú mɛ wú wɛ.

Daniyɛ́li 4:6

Bɛluticasáa nǔkantɔ́ lɛ́ɛ xɔ́sú, un tunwun ɖɔ nǔmɛsɛn mímɛ́ lɛ́ɛ sín yɛ ɖo jǐ towe, bɔ nǔbúdo ɖěbǔ nɔ́ búdo dó we ǎ. Hǔn bó tín dlɔ̌ e un kú ɔ́ mɛ nú mì.

Daniyɛ́li 5:14

Un se ɖɔ nǔmɛsɛn lɛ́ɛ sín yɛ ɖo jǐ we, bɔ a nɔ mɔ nukúnnú jɛ nǔ wú céɖécéɖé bó bí, bɔ nǔnywɛ́ e a ɖǒ ɔ́, gbɛtɔ́ ɖěbǔ ɖó ǎ.

Daniyɛ́li 7:1

Xwe e xwe axɔ́sú Babilɔ́nu tɔn Bɛlucasáa yi zinkpo jí ɔ́, Daniyɛ́li mlɔ ayǐ ɖo zan jí, bó kú dlɔ̌, bó mɔ nǔ tɛnmɛ tɛnmɛ ɖo amlɔ mɛ. Ée é yá ɔ́, é wlán dlɔ̌ e é kú ɔ́, bó xa nǔ tají tají e é mɔ ɖo amlɔ mɛ lɛ́ɛ.

Daniyɛ́li 8:1

Hwenu e axɔ́sú Bɛlucasáa ɖo xwe atɔn bló wɛ ɖo zinkpo jí ɔ́, nyɛ Daniyɛ́li lɛ́ mɔ nǔ ɖěvo dó ée un ko mɔ ɖ'ayǐ ɔ́ gúdo.

Kɛ́nsísɔ́ 12:6

bɔ é ɖɔ nú yě ɖɔ: “Mi ɖótó xó e ná ɖɔ nú mi wɛ un ɖe ɔ́ ganjí. Ényí gbeyíɖɔ ɖé ɖo mi mɛ ɔ́, nyɛ Mawu Mavɔmavɔ wɛ nɔ ɖe nyɛɖée xlɛ́ ɛ, bó nɔ́ ɖɔ xó n'i gbɔn nǔmimɔ kpódó dlɔ̌ kpó mɛ.

Luki 21:15

Đó un ná sɔ́ xó e mi ná ɖɔ é kpódó nǔnywɛ́ e mi ná zán é kpán bǐ dó ayi mɛ nú mi, bɔ kɛntɔ́ mitɔn lɛ́ɛ ɖěbǔ ná sixú mɔ xó ɖé, bó dó gba mitɔn ɔ́ ná ǎ.

Mɛsɛ́dó 6:10

Lo ɔ́, yě nɔ́ sixú nɔ te Etyɛ́ni nukɔn ǎ, ɖó é nɔ́ ɖo xó ɖɔ wɛ kpódó nǔnywɛ́ e Yɛsinsɛn ná ɛ ɔ́ kpó.

Mɛsɛ́dó 7:10

bó hwlɛ́n ɛ ɖo nǔgbomɛ lɛ́ɛ bǐ mɛ, lobo ná ɛ nǔnywɛ́, bó bló bɔ nǔ tɔn nyɔ́ Ejípu xɔ́sú ɔ́ nukún mɛ, bɔ é sɔ́ ɛ gǎn ɖó to ɔ́ kpódó xwé tɔn kpán nu.

Mɛsɛ́dó 7:22

Fínɛ́ wɛ é yí nǔnywɛ́ Ejípunu lɛ́ɛ tɔn bǐ ɖe, bó lí dǒ ɖo xóɖiɖɔ kpódó nǔwiwa kpó mɛ.

Kolósinu 1:9

Énɛ́ ɔ́ wú wɛ sín gbe e gbe mǐ se xó mitɔn ɔ́, mǐ nɔ́ gɔn ɖɛ xó nú mi ǎ. Mǐ nɔ́ byɔ́ Mawu ɖɔ ní ná nǔnywɛ́ kpódó nukúnnú-mɔjɛnǔmɛ e Yɛsinsɛn nɔ ná mɛ ɔ́ kpán bǐ mi, bónú mi ná tunwun jlǒ tɔn titewungbe.

Jaki 1:17

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

Jaki 1:5

É ka ɖo mɔ̌ có, ényí nǔnywɛ́ hwedó mɛɖé ɖo mi mɛ hǔn, ní byɔ́ Mawu nú é ná ná ɛ; ɖó Mawu nɔ hun alɔ dó ná nǔ mɛ bǐ kpó xomɛhunhun kpó.