Daniyɛ́li 1:12 - MAWUXÓWÉMA

¹² bó ɖɔ n'i ɖɔ: “Nǔ e byɔ́ we wɛ un ɖe ɔ́ ɖíe: a nǎ nɔ́ ná mǎ kpó sin kpó mǐ káká nú azǎn wǒ, bó ná kpɔ́n lě e mǐ ná cí ɔ́.

Daniyɛ́li 1:12 Iomraidhean Croise

Daniyɛ́li 1:11

Lo ɔ́, Daniyɛ́li ɖɔ nú nya e gǎn ɔ́ zé ɖó akɔn nú yě ɔ́ ɖɔ é ní kpé nukún dó Hananiya kpó Micaɛ́li, kpó Azalya kpó émí kpó wú,

Daniyɛ́li 1:13

Nú a blǒ mɔ̌ lo ɔ́, a nǎ jlɛ́ ninɔmɛ mǐtɔn dó mɛ ɖě lɛ́ɛ éé ɖo nǔɖuɖu ɖokpó ɔ́ ɖu xá axɔ́sú ɔ́ wɛ lɛ́ɛ ɔ́ tɔn wú. Lě e a nǎ mɔ mǐ gbɔn ɔ́ ná xlɛ́ we lě e a nǎ nɔ́ hɛn mǐ gbɔn ɔ́.”

Daniyɛ́li 1:16

Énɛ́ ɔ́ wú wɛ nya e ɖo yě jí kpɔ́n wɛ ɔ́ lɛ́ jɛ nǔɖuɖu e nyí yětɔn ɔ́ kpó vɛ̌ɛn e nyí yětɔn ɔ́ kpó zé ɖó vo jí, bó nɔ́ ná mǎ kɛ́ɖɛ́ yě.

Hlɔ̌manu 14:2

Nǔ e wú mi na kpɔ́n dó ɔ́, mɛ ɖě ɖi nǔ ɖɔ émí hɛn ɔ́, émí ná ɖu nǔ bǐ; mɛ ɖe ɔ́ e ma ka ɖó gǎn ɖo nǔɖiɖi mɛ ǎ ɔ́, mǎ kɛ́ɖɛ́ jɛ́n éyɛ́ nɔ ɖu.

Sɛ́nflínmɛ 8:3

Ée mi mɔ wǔvɛ́ énɛ́ lɛ́ɛ, bɔ adɔ dó ya nú mi fó ɔ́, é ná mǎna mi bɔ mi ɖu; nǔɖuɖu e tɔ́gbó mitɔn kpó mi kpó má mɔ kpɔ́n ǎ é wɛ é ná mi. É bló mɔ̌, bó dó ɖe xlɛ́ ɖɔ é kún nyí nǔɖuɖu kɛ́ɖɛ́ wɛ gbɛtɔ́ nɔ́ ɖu bó nɔ́ nɔ gbɛ ó, lo ɔ́, xó e tɔ́n sín Mawu Mavɔmavɔ nu mɛ ɔ́ bǐ wɛ nɔ́ hɛn mɛ ɖó gbɛ.

Nǔɖexlɛ́mɛ 2:10

Wǔvɛ́ e a nǎ mɔ ɔ́ ní ma dó xɛsi nú we ó. Đǒtó: Awǒvi ná bɛ́ mɛ gěgé ɖo mi mɛ dó gankpá mɛ, bó ná dó tɛ́n mi kpɔ́n; mi ná mɔ wǔvɛ́ xɔ azǎn wǒ. Nɔ gbejí káká yi kú; énɛ́ ɔ́, un ná ná we gbɛ bɔ é ná cí axɔ́súgbákún e nɔ́ ná gbɛ mɛ é ɖɔhun.