Ajée 2:8 - MAWUXÓWÉMA

⁸ Đó akwɛ́ kpó siká kpó e ɖo gbɛ ɔ́ mɛ ɔ́ bǐ ɔ́, ce wɛ.

Ajée 2:8 Iomraidhean Croise

Jɔ̌bu 41:3

Un ɖu nǔɖé sín axɔ́ dó mɛ ɖé ǎ. Nǔ e ɖo hwe glɔ́ fí lɛ́ɛ bǐ wɛ nyí ce.

Ɖɛhan 24:1

Davídi sín han. Mawu Mavɔmavɔ tɔn wɛ nyí ayǐkúngban ɔ́ kpó ayǐkúngban dɔkun lɛ́ɛ kpó. É tɔn wɛ nyí gbɛ ɔ́ kpó gbɛtɔ́ e ɖo gbɛ ɔ́ mɛ lɛ́ɛ kpó.

Ezayíi 60:13

È nǎ hɛn atín ɖagbe ɖagbe e nɔ sɔ́ Libáan to ɔ́ su lɛ́ɛ wá nú we Jeluzalɛ́mu. È nǎ hɛn siplɛ́tín, pɛ́ɛntín kpó bwisitín kpó wá, bó ná dó bló xwé ce ɖó, bɔ un ná sɔ́ fí e un nɔ nɔ ɔ́ su.

Ezayíi 60:17

Siká wɛ un ná hɛn wá nú we ɖó ganvɔ tɛnmɛ; kpatágan wɛ un ná hɛn wá nú we ɖó gan tɛnmɛ; ganvɔ wɛ un ná hɛn wá nú we ɖó atín tɛnmɛ; gan wɛ un ná hɛn wá nú we ɖó awǐnnya tɛnmɛ. Un ná sɔ́ fífá ɖó to ɔ́ nu, bɔ hwɛjijɔ ná kpa acɛ ɖo to ɔ́ mɛ.