Ajée 2:7 - MAWUXÓWÉMA

⁷ Un ná dán togun ɖě lɛ́ɛ bǐ, bɔ yě ná bɛ́ dɔkun yětɔn lɛ́ɛ wá fí, bɔ un ná bɛ́ bó dó vɔ́ acɔ́ ɖó nú xwé ce, bɔ é ná nyɔ́ ɖɛkpɛ ɖésú; nyɛ wɛ ɖɔ mɔ̌ nú mi.

Ajée 2:7 Iomraidhean Croise

Bǐbɛ́mɛ 22:18

Đó a se tónú nú mì wútu ɔ́, un ná wa ɖagbe nú akɔta e ɖo ayǐkúngban jí lɛ́ɛ gbɔn vǐ towe lɛ́ɛ jí.’ ”

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

1 Axɔ́sú 8:10

Hwenu e vɔ̌sánú-xwlémawutɔ́ lɛ́ɛ gosín tɛn mímɛ́ ɔ́ mɛ ɔ́, akpɔ́kpɔ́ gɔ́ sinsɛnxɔ ɔ́.

1 Axɔ́sú 8:11

Bɔ yě sɔ́ sixú nɔ fínɛ́ bó wa azɔ̌ yětɔn ǎ, ɖó akpɔ́kpɔ́ ɔ́ sukpɔ́ dín, ɖó susu Mawu Mavɔmavɔ tɔn gɔ́ xɔ ɔ́.

2 Tan 5:14

Ée akpɔ́kpɔ́ gɔ́ xwé ɔ́ mɔ̌ ɔ́, vɔ̌sánú-xwlémawutɔ́ lɛ́ɛ ɖó azɔ̌ yětɔn te, ɖó susu Mawu Mavɔmavɔ tɔn gɔ́ xwé ɔ́.

Ɖɛhan 80:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È nɔ ji dó han e è nɔ ylɔ́ ɖɔ “Folówa ɖagbe ɖagbe” ɔ́ sín hangbe mɛ. Kúnnuɖiɖe Asáfu tɔn sín han wɛ.

Ɖɛhan 85:9

Un ná ɖótó nǔ e ɖɔ wɛ Mawu Mavɔmavɔ, Mawu mǐtɔn ɖe ɔ́, ɖó é ɖo fífá sín akpá dó nú togun tɔn wɛ, bó dó fífá sín akpá nú mɛ e ɖo gbejí n'i lɛ́ɛ, bónú yě ma sɔ́ bló nǔ dǎkɔdǎkɔ ɖě ó.

Ezayíi 2:19

Hwenu e Mawu Mavɔmavɔ ná sí te bó dó xɛsi gbɛ ɔ́ é ɔ́, è nǎ byɔ́ sóxo mɛ, è nǎ byɔ́ do mɛ ɖo kɔ́ glɔ́ bó ná yi do bǐ, bó ná hɔn nú xɛsi e dó mɛ wɛ é ɖe é, bó ná hɔn nú susu tɔn e nɔ kɔ́n lánlánlán é.

Ezayíi 60:4

Jeluzalɛ́mu, jlɔ̌ kɔ bó kpɔ́n nǔ lɛ́ lɛ̌ dó hwiɖée; vǐ towe lɛ́ɛ ja, yě kplé bó ja gɔ̌n towe: vǐ towe súnnu lɛ́ɛ jǎwe sín to ma yá to ɖé mɛ, bɔ vǐ towe nyɔ̌nu lɛ́ɛ ɔ́, è hɛn yě awa mɛ jǎwe.

Ezayíi 60:7

Mawu ɖɔ: “Gbɔ̌ Kedáa togun ɔ́ tɔn lɛ́ɛ bǐ ná wá gɔ̌n towe. Agbo Nɛbayɔ́ti togun ɔ́ tɔn lɛ́ɛ bǐ ná ɖo te nú we. È nǎ fɔ yě bǐ dó sá vɔ̌ nú mì ɖo vɔ̌sákpe ce jí, bɔ é ná nyí vɔ̌ ɖé bó ná nyɔ́ nukún ce mɛ; énɛ́ ɔ́, un ná ɖe susu xwé ce tɔn xlɛ́.

Ezekiyɛ́li 21:27

Ée é ɖo nǔ kan wɛ ɔ́, gǎ e ɖɔ Jeluzalɛ́mu wɛ é ná yi ɔ́ jɛ alɔ tɔn aɖisí ɔ́ mɛ. É jɛ Jeluzalɛ́mu ɔ́, é ná gblɔ́n ahwan dán bó ná sú xó bɔ ahwan ná bɛ́. É ná ɖó mɔ e nɔ gba nǔ ɔ́ nú hɔntogbó Jeluzalɛ́mu toxo ɔ́ tɔn lɛ́ɛ; é ná kplé kɔ́ e gúdo sɔ́ja lɛ́ɛ ná nɔ é, bó ná kun do e mɛ sɔ́ja lɛ́ɛ ná nɔ́ ɔ́ lɛ́ lɛ̌ dó toxo ɔ́.

Ezekiyɛ́li 31:16

Ée un zin atín énɛ́ ɔ́ dɛ́, bɔ é ná yi mɔ mɛ e ko kú lɛ́ɛ ɔ́, gbɛ ɔ́ bǐ se hwenu e é jɛ ayǐ é, bó nɔ́ sísɔ́. Ɖo doxwé ɔ́, atín Edɛ́ni tɔn lɛ́ɛ kpó atín ɖagbe ɖagbe Libáan tɔn e nɔ mɔ sin ganjí lɛ́ɛ kpó bǐ ká se bó nɔ́ j'awǎ.

Ezekiyɛ́li 38:19

Hwenu e un ná ɖo wǔ hwan wɛ, bó ná ɖo xomɛsin ɖaxó ɖé jí ɔ́, un xwlé nyiɖée nú we ɖɔ gbe énɛ́ gbe ɔ́, ayǐkúngban ná dán wǔ ɖaxó ɖé ɖo Izlayɛ́li.

Ezekiyɛ́li 44:4

Énɛ́ ɔ́ gúdo ɔ́, nya ɔ́ wá kplá mì gbɔn hɔnnúwa e ɖo taligbé ɔ́ nu yi Mawuxɔ ɔ́ lihɛ́nnu; un mɔ susu Mawu Mavɔmavɔ tɔn gɔ́ xɔ ɔ́. Énɛ́ ɔ́, un xwe agbɔ̌nnusú do.

Ajée 1:8

Mi yi sókan mɛ, bó yi ba atín dó wá gbá xwé ce ná. É ná dó xomɛhunhun nú mì, bɔ è na sɔ́ mì su. Xó e nyɛ Mawu Mavɔmavɔ ɖɔ é nɛ́.

Malacíi 3:1

Xósin e Mawu Mavɔmavɔ Nǔbǐwúkpétɔ́ ɔ́ ná mi ɔ́ ɖíe: “Un sɛ́ wɛnsagun ce dó, bɔ é ná bló ali ce ɖó. Mawu Mavɔmavɔ e ba wɛ mi ɖe ɔ́ ná wá sinsɛnxɔ tɔn mɛ ɖo ajijimɛ. Wɛnsagun e nɔ te kpɔ́n wɛ mi ɖe ɔ́ ná jlá akɔ ce e un ná jɛ xá mi ɔ́ sín xó. Éɖíe, é jǎwe.

Luki 19:47

Ayǐhɔ́ngbe ayǐhɔ́ngbe ɔ́, Jezu nɔ kplɔ́n nǔ mɛ lɛ́ɛ ɖo sinsɛnxɔ mɛ; vɔ̌sánú-xwlémawutɔ́gán lɛ́ɛ, kpódó sɛ́nkplɔ́nmɛtɔ́ lɛ́ɛ kpó, kpódó tomɛxó lɛ́ɛ kpó ɖo biba ná hu i wɛ.

Luki 2:27

Yɛsinsɛn ka wá ɖɔ xó dó ayi mɛ n'i, bɔ é wá sinsɛnxɔ mɛ hwenu e Jezu sín mɛ lɛ́ɛ kplá Jezu wá, bó ja yɛsu e Mɔyízisɛ́n zɔ́n ɔ́ fɔ n'i gbé é.

Luki 2:46

Azǎn tɔn atɔn gbe wɛ yě wá yi mɔ ɛ ɖo sinsɛnxɔ mɛ, bɔ é ɖo ayǐjínjɔ́n, ɖo sɛ́nkplɔ́nmɛtɔ́ lɛ́ɛ tɛ́ntin, bó ɖo tó ɖó yě wɛ, bó ɖo nǔ kanbyɔ́ yě wɛ,

Luki 20:1

Gbe ɖokpó wá su, bɔ Jezu ɖo nǔ kplɔ́n mɛ lɛ́ɛ wɛ ɖo sinsɛnxɔ mɛ, bó ɖo Wɛn Ɖagbe Mawu tɔn jlá wɛ, bɔ vɔ̌sánú-xwlémawutɔ́gán lɛ́ɛ, kpódó sɛ́nkplɔ́nmɛtɔ́ lɛ́ɛ kpó, kpódó tomɛxó lɛ́ɛ kpó wá xwetɔ́n,

Luki 21:38

Ayǐ ká hɔ́n lě tlóló ɔ́, togun ɔ́ bǐ nɔ́ wá sinsɛnxɔ ɔ́ mɛ, bó nɔ́ se xó tɔn.

Jǎan 1:14

Xó ɔ́ húzú gbɛtɔ́, bó wá nɔ mǐ mɛ; é ɖe fɛ́nú kpódó nǔgbó kpó xlɛ́ mǐ, bɔ mǐ mɔ susu tɔn, susu e Tɔ́ nɔ ná Vǐɖokpónɔ tɔn é.

Galatinu 3:8

Mawuxó ɔ́ ko ɖɔ sín do ɖɔ: mɛ e ma nyí Jwifu ǎ lɛ́ɛ ná ɖi nǔ nú Mawu, bɔ Mawu ná sɔ́ yě dó húzú hwɛjijɔnɔ; énɛ́ ɔ́ wú wɛ Mawu dó akpá ɖagbe élɔ́ nú Ablaxámu ɖo Mawuxówéma ɔ́ mɛ ɖɔ: “Un ná xo ɖɛ dó akɔta e ɖo gbɛ ɔ́ mɛ lɛ́ɛ bǐ jǐ gbɔn jǐ towe.”

Kolósinu 2:9

ɖó nǔ e Mawu nyí ɔ́ bǐ ko yí agbaza ɖo Klísu mɛ, bónú Mawu ná nɔ Klísu mɛ bǐ sésé,