Ajée 2:6 - MAWUXÓWÉMA

⁶ Nyɛ Mawu Mavɔmavɔ Nǔbǐwúkpétɔ́ ɔ́, un ɖo ɖiɖɔ wɛ. Zaanɖé din ɔ́, un ná húnhún jǐnukúnsin kpó ayǐkúngban kpó; un ná húnhún agě kpó tɔ kpó.

Ajée 2:6 Iomraidhean Croise

Jɔ̌bu 9:6

É nɔ́ húnhún ayǐkúngban ɔ́ ɖo azan tɔn jí; dodó tɔn lɛ́ɛ nɔ́ dán wǔ.

Ɖɛhan 18:7

Hwenu e adǎn gbo mì ɔ́, un ylɔ́ Mawu Mavɔmavɔ. Un sú xó ylɔ́ Mawu ce. É se gbe ce sɛ́ dó sín xwé tɔn gbe; xó e un sú ɔ́ yi tó tɔn mɛ.

Ɖɛhan 37:10

Zaanɖé din ɔ́, mɛdídá sɔ́ ná ɖe ǎ; a nyi kɔ kpɔ́n fí e é nɔ ɔ́, a sɔ́ ná mɔ ɛ ǎ.

Ezayíi 10:25

ɖó kpɛɖé jɛ́n kpo din bɔ tó e dɔn nú mi wɛ un ɖe ɔ́ ná fó, bɔ xomɛsin ce ná húzú kpan nukɔn ɛ, bɔ un ná sú kún tɔn dó.”

Ezayíi 13:13

Gbe e gbe un ná sin xomɛ bó má ná se vɛ ǎ ɔ́, un ná húnhún jǐnukúnsin ɔ́, bɔ ayǐkúngban ná nɔ tɛn ɖokpó mɛ bó ná nɔ́ lɔ́n yi jǐ.”

Ezayíi 2:19

Hwenu e Mawu Mavɔmavɔ ná sí te bó dó xɛsi gbɛ ɔ́ é ɔ́, è nǎ byɔ́ sóxo mɛ, è nǎ byɔ́ do mɛ ɖo kɔ́ glɔ́ bó ná yi do bǐ, bó ná hɔn nú xɛsi e dó mɛ wɛ é ɖe é, bó ná hɔn nú susu tɔn e nɔ kɔ́n lánlánlán é.

Ezayíi 29:17

Hwenu kpɛɖé jɛ́n kpo din, bɔ Libáan zungbó ɔ́ ná húzú atínsínsɛ́ngbo, bɔ atínsínsɛ́ngbo ná húzú zungbó.

Ezayíi 34:4

Sunví lɛ́ɛ bǐ bú, jǐnukúnsin mlá wěma ɖɔhun. Sunví lɛ́ɛ ɖo ayǐ kɔn nyi wɛ vǐwunma xúxú abǐ fígima xúxú ɖɔhun.

Jelemíi 33:14

Mawu Mavɔmavɔ ɖɔ: “Azǎn e gbe un ná ɖe akpá e un dó nú Izlayɛ́li togun ɔ́ kpó Judáa togun ɔ́ kpó é ja.

Jelemíi 51:33

Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́ ɖíe, é ɖɔ: “Babilɔ́nu cí ayǐkúngban e è zǐn ganjí, bó ná só jinukún ɖ'é jí ɔ́ ɖɔhun. Zaanɖé din ɔ́, yiya hwenu tɔn ná su.”

Ezekiyɛ́li 38:19

Hwenu e un ná ɖo wǔ hwan wɛ, bó ná ɖo xomɛsin ɖaxó ɖé jí ɔ́, un xwlé nyiɖée nú we ɖɔ gbe énɛ́ gbe ɔ́, ayǐkúngban ná dán wǔ ɖaxó ɖé ɖo Izlayɛ́li.

Ezekiyɛ́li 38:20

Hweví e ɖo xu mɛ lɛ́ɛ, xɛ e nɔ zɔn gbɔn jɔ mɛ lɛ́ɛ, gběkanlin lɛ́ɛ, dan e nɔ ɖíɖí gbɔn kɔ́ mɛ lɛ́ɛ kpó gbɛtɔ́ lɛ́ɛ bǐ kpó ná sísɔ́ ɖo nukɔn ce. Só lɛ́ɛ ná mu, awǐnnya e ɖo xutó lɛ́ɛ ná jɛ ayǐ, dǒ lɛ́ɛ bǐ ná mu kɔn nyi ayǐ.

Mɛsɛ́dó 2:19

Un ná ɖe nǔdábaɖa xlɛ́ ɖo jǐnukúnsin aga, bó ná ɖe nǔjlɛ́jlɛ́ xlɛ́ ɖo do, ɖo ayǐkúngban jí fí: hun kpódó zo kpó, kpódó azizɔ ɖaxó kpó ná tíin.

Eblée 10:37

Nǔgbó ɔ́, lě e Mawuxówéma ɖɔ gbɔn ɔ́: “É lɛ́ kpo hwenu kpɛɖé, kpɛví títí ɖé bɔ mɛ e ɖó ná wá ɔ́ ná wá; é ná lín có bo wá ǎ.

Nǔɖexlɛ́mɛ 11:9

Gbɛtɔ́ e ɖo togun lɛ́ɛ bǐ mɛ é, ée ɖo akɔta lɛ́ɛ bǐ mɛ é, ée ɖo gbe lɛ́ɛ bǐ mɛ é, kpódó gbɛtɔ́ e ɖo to lɛ́ɛ bǐ mɛ é kpó ná kpɔ́n cyɔ yětɔn nú azǎn atɔn adaɖé, bó ná lɔn nú è nǎ ɖi yě ǎ.