Ajée 2:5 - MAWUXÓWÉMA

⁵ Un ko zin alɔ énɛ́ ɔ́ dó akɔ́n hwenu e mi tɔ́n sín Ejípu é. Un ka na nɔ tɛ́ntin mitɔn. Mi ma ɖi xɛsi ó.

Ajée 2:5 Iomraidhean Croise

2 Tan 20:17

Midɛɛ lɛ́ɛ wɛ xwe ahwan fun xá yě gbé ɖo fínɛ́ ǎ. Judáanu e mi, Jeluzalɛ́munu e mi, mi cí fínɛ́ kpowun, mi ma sɛ tɛn ó, bó ná kpɔ́n lě e un ná hwlɛ́n mi gán gbɔn é. Mi ma ɖi xɛsi ó, ado ní ma hu mi ó. É jɛ sɔ ɔ́, mi ná tɔ́n bó yi kpé yě. Nyɛ Mawu Mavɔmavɔ ká ná nɔ kpɔ́ xá mi.’ ”

Nɛɛmíi 9:20

Đo xomɛnyínyɔ́ towe mɛ ɔ́, a nǎ yě Yɛ towe, bónú é ná ná nukúnnú-mɔjɛnǔmɛ yě. A nɔ ná yě nǔɖuɖu e è nɔ ylɔ́ ɖɔ mǎna ɔ́ hwebǐnu bɔ yě nɔ́ ɖu, bó nɔ ná sin yě bɔ yě nɔ́ nu dó fá kɔ ná.

Nɛɛmíi 9:30

A dɛ bo hɛn yě káká nú xwe mɔ̌kpán. Gbeyíɖɔ towe lɛ́ɛ ɔ́, Yɛ towe ɖo yě jí, bó nɔ ɖɔ xó towe lɛ́ɛ nú yě; lo ɔ́, yě ɖótó yě ǎ. Énɛ́ wu ɔ́, a jǒ yě nú togun ɖěvo lɛ́ɛ.

Tíntɔ́n 19:4

Mi ɖésúnɔ ɔ́, mi mɔ nǔ e un wa xá Ejípunu lɛ́ɛ é; bó ká mɔ lě e un bɛ́ midɛɛ lɛ́ɛ, lě e gangan nɔ zé vǐ tɔn dó awa jí ɔ́ ɖɔhun, bó kplá mi wá fí gbɔn é.

Tíntɔ́n 19:6

Amɔ̌, midɛɛ lɛ́ɛ ɔ́, mi ná nyí vɔ̌sánú-xwlémawutɔ́ lɛ́ɛ sín axɔ́súɖuto ɖokpó, bó ná nyí akɔta ɖe ɖó vo ɖé. Xó e a nǎ ɖɔ nú Izlayɛ́li ví lɛ́ɛ ɔ́ nɛ́.”

Tíntɔ́n 24:3

Mɔyízi yi wlí nǔ e Mawu Mavɔmavɔ ɖɔ n'i lɛ́ɛ bǐ ɖɔ nú togun ɔ́; yě ká ɖó gbe kpɔ́, bó yí gbe ɖɔ: “Mi ná bló nǔ e Mawu Mavɔmavɔ ɖɔ ɔ́ bǐ.”

Tíntɔ́n 24:8

Ée yě ɖɔ mɔ̌ ɔ́, Mɔyízi mi hun e é kɔn dó gannú mɛ lɛ́ɛ dó togun ɔ́ wú bó ɖɔ: “Mi ɖótó! Hun élɔ́ wɛ sɔ́ akɔ e Mawu Mavɔmavɔ ɖɔ xó nú mi bó dó jɛ xá mi ɔ́ sín afɔ ɖó te.”

Tíntɔ́n 34:10

Mawu Mavɔmavɔ ɖɔ nú Mɔyízi ɖɔ: “Đǒtó! Un ná jɛ akɔ xá mi; un ná bló nǔjíwǔ lɛ́ɛ ɖo togun ɔ́ bǐ nukún mɛ; nǔjíwǔ e è ma mɔ ɖo fí ɖěbǔ ɖo ayǐkúngban ɔ́ jí kpɔ́n gbeɖé ǎ, bó má ká mɔ ɖo akɔta ɖěbǔ mɛ kpɔ́n gbeɖé ǎ wɛ nǎ bló. Énɛ́ ɔ́, togun e tɛ́ntin a ɖe ɔ́ ná mɔ nyɛ Mawu Mavɔmavɔ ɔ́ sín nǔwiwa lɛ́ɛ; hwi jí wɛ un ka ná bló nǔdábaɖa lɛ́ɛ gbɔn.

Tíntɔ́n 34:8

Ée Mɔyízi se xó énɛ́ lɛ́ɛ tlóló ɔ́, é jɛ kpo bo ɖe kɔ́,

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:13

Đó nyɛ Mawu Mavɔmavɔ ɔ́, nyi wɛ nyí Mawu towe. Un hɛn alɔ towe bó ɖo ɖiɖɔ nú we wɛ ɖɔ: ‘Ma ɖi xɛsi ó, un ná gɔ́ alɔ nú we.’ ”

Zakalíi 8:13

Axɔ́súɖuto Judáa tɔn kpódó Izlayɛ́li tɔn kpó e mi! Togun e è dǒ nu ɔ́ sín xlɛ́ wɛ mi ko nyí ɖ'ayǐ ɖo akɔta lɛ́ɛ tɛ́ntin. Amɔ̌, din ɔ́, un hwlɛ́n mi gán. Mi ná nyí togun nyɔ̌nánɔ ɖé sín xlɛ́. Mi ma sɔ́ ɖi xɛsi ó, mi kpan akɔ́n.”

Zakalíi 8:15

Amɔ̌, din ɔ́, un jó xó dó, bó ɖɔ un ná wa ɖagbe nú Jeluzalɛ́munu lɛ́ɛ; un ná wa ɖagbe nú Judáa togun ɔ́. Mi bo ma sɔ́ ɖi xɛsi ó.

Matíe 28:5

Wɛnsagun ɔ́ ká ɖɔ nú nyɔ̌nu lɛ́ɛ ɖɔ: “Midɛɛ lɛ́ɛ ɔ́, mi ma ɖi xɛsi ó, ɖó un tunwun ɖɔ Jezu e è ká nyi aklúzu jí ɔ́ ba wɛ mi ɖe.

Mɛsɛ́dó 27:24

bó ɖɔ nú mì ɖɔ: ‘Pɔ́lu, ma ɖi xɛsi ó, ɖó a nǎ yi Dadá Hlɔ̌ma tɔn nukɔn dandan, bɔ hwi wútu ɔ́, Mawu ná ná gbɛ mɛ e ɖo tɔ jí xá we lɛ́ɛ bǐ.’

Jozuwée 1:9

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”

Jozuwée 8:1

Mawu Mavɔmavɔ ɖɔ nú Jozuwée ɖɔ: “Ma ɖi xɛsi ó, ado ní má hu we ó. Kplá ahwangɔnu towe bǐ bónú mi yi tɔ́n ahwan Ayíi toxo ɔ́. Éɖíe, un jó axɔ́sú Ayíi tɔn ɔ́ kpó togun tɔn kpó nú we; un jó toxo tɔn kpó ayǐkúngban tɔn kpó nú we.

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.

1 Samuwɛ́li 12:20

Samuwɛ́li ka ɖɔ nú yě ɖɔ: “Mi ma ɖi xɛsi ó, mi dó nǔ nyanya énɛ́ ɔ́ sin có mi ma lɛ́ kɔ sín Mawu Mavɔmavɔ gúdo ó, mi sɛn ɛ kpódó ayi mitɔn bǐ kpó.