Ajée 2:4 - MAWUXÓWÉMA

⁴ Énɛ́ ɔ́ wú wɛ nyɛ Mawu Mavɔmavɔ ɔ́, un ɖo ɖiɖɔ nú mi wɛ ɖɔ: Zolobabɛ́li, kpan akɔ́n. Vɔ̌sánú-xwlémawutɔ́ ɖaxó Jozuwée, hwi lɔ ní kpan akɔ́n. Mi mɛ e lɛ́ kɔ sín kannumɔgbénu wá xwé lɛ́ɛ, mi lɔmɔ̌ mi kpan akɔ́n. Mi jɛ azɔ̌ wú; un ná nɔ kpɔ́ xá mi. Nyɛ Mawu Mavɔmavɔ Nǔbǐwúkpétɔ́ ɔ́ wɛ dó akpá tɔn nú mi.

Ajée 2:4 Iomraidhean Croise

2 Samuwɛ́li 5:10

Davídi sín hlɔ̌nhlɔ́n nɔ́ ɖo jijɛ jí wɛ ayǐhɔ́ngbe ayǐhɔ́ngbe, ɖó Mawu Mavɔmavɔ, Mawu Nǔbǐwúkpétɔ́ ɔ́ ɖo kpɔ́ xá ɛ.

1 Tan 22:13

Nú a nɔ xwedó Mawu Mavɔmavɔ sín sɛ́n lɛ́ɛ, kpó gbeta e é ɖe tɔ́n gbɔn Mɔyízi jí nú Izlayɛ́li ví lɛ́ɛ kpó ɔ́, nǔ ná nyɔ́ nú we. Syɛ́nlǐn, bo kpan akɔ́n; ma ɖi xɛsi ó, ado ma ka hu we ó.

1 Tan 28:20

Davídi ɖɔ nú vǐ tɔn Salomɔ́ɔ ɖɔ: “Vǐ ce, syɛ́nlǐn, kpan akɔ́n bó jɛ azɔ̌ jí. Ma ɖi xɛsi ó. Ado ní má hu we ó, Mawu Mavɔmavɔ, Mawu ce ná nɔ kpɔ́ xá we. É ná ɖe alɔ sín kan towe mɛ ǎ. É ná jó we dó ǎ káká bɔ azɔ̌ ɔ́ bǐ ná fó.

Ɛsidlási 10:18

Mɛ e ɖo vɔ̌sánú-xwlémawutɔ́ lɛ́ɛ mɛ, bó da nyɔ̌nu toɖévomɛnu lɛ́ɛ sín nyǐkɔ ɖíe: Kúnkan Jozuwée, Yosadaku ví ɔ́ tɔn, kpó nɔví tɔn élɔ́ lɛ́ɛ kpó: Maaseya, Eliezɛ́ɛ, Yalívu, kpó Gedaliyá kpó.

Ɛsidlási 5:2

Ée yě wá ɖɔ xó ɔ́ nú yě ɔ́, Zolobabɛ́li Calutiyɛ́li ví ɔ́ kpódó Jozuwée Yosadaku ví ɔ́ kpó lɛ́ jɛ azɔ̌ ɔ́ jí, bó ná vɔ́ Mawu xwé ɔ́ gbá ɖó Jeluzalɛ́mu, bɔ gbeyíɖɔ Mawu tɔn lɛ́ɛ ɖo gǔdo yětɔn.

Tíntɔ́n 3:12

Mawu ká ɖɔ n'i ɖɔ: “Un ɖo kpɔ́ xá we. Nǔ e ná ɖe xlɛ́ we ɖɔ nyɛ wɛ sɛ́ we dó ɔ́ ɖíe: a ɖe togun ɔ́ tɔ́n sín Ejípu ɔ́, mi ná wá sɛn mì ɖo só élɔ́ jí.”

Ajée 1:13

Énɛ́ ɔ́ gúdo ɔ́, mɛsɛ́dó Mawu Mavɔmavɔ tɔn Ajée dó Mawu Mavɔmavɔ sín wɛn élɔ́ yě. É ɖɔ: “Un ná nɔ xá mi, nyɛ Mawu Mavɔmavɔ ɔ́ wɛ dó akpá tɔn nú mi.”

Zakalíi 8:9

Nǔ e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: “Mi kpan akɔ́n! Akpá e un ko dó nú mi ɖ'ayǐ gbɔn gbeyíɖɔ lɛ́ɛ jí, hwenu e è dǒ sinsɛnxɔ ce do, bó ná vɔ́ gbá lɛ́ɛ se wɛ mi ɖe din.

Maki 16:20

Ahwanvú tɔn lɛ́ɛ ka sɔ́nǔ, bó jɛ Mawuxó jlá jí gbɔn fí bǐ. Aklúnɔ nɔ́ dó alɔ yě ɖo azɔ̌ énɛ́ kɔn, bó nɔ́ ɖe xlɛ́ ɖɔ xó e ɖɔ wɛ yě ɖe ɔ́ nyí nǔgbó, gbɔn nǔdábaɖa e yě nɔ́ jlɛ́ lɛ́ɛ gbla mɛ.]

Mɛsɛ́dó 7:9

“Tɔ́gbó mǐtɔn énɛ́ lɛ́ɛ hwan wǔ dó nɔví yětɔn Jozɛ́fu, lobo sɔ́ ɛ yi sa, bɔ è kplá ɛ yi Ejípu; lo ɔ́, Mawu nɔ gǔdo tɔn,

1 Kɔlɛ́ntinu 16:13

Mi nɔ acéjí; mi syɛ́nlǐn ɖo nǔɖiɖi mɛ; mi ɖó akɔ́nkpinkpan; mi ɖó hlɔ̌nhlɔ́n.

Efɛ́zinu 6:10

Nǔ e kpo bɔ un ná ɖɔ nú mi é ɖíe: mi ba hlɔ̌nhlɔ́n mitɔn ɖo bǔ e mi ɖe ɖo Aklúnɔ mɛ ɔ́ mɛ, bó ba ɖo hlɔ̌nhlɔ́n tɔn e kpé nǔ bǐ wú é mɛ.

Sɛ́nflínmɛ 31:23

Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée Nuni ví ɔ́ ɖɔ: “Kpan akɔ́n, bó dó gǎn ɖó hwi wɛ ná kplá Izlayɛ́li ví lɛ́ɛ byɔ́ to e sín akpá un dó nú yě ɔ́ mɛ; nyi ɖésú ká ná nɔ kpɔ́ xá we.”

2 Timɔtée 2:1

Hǔn, hwi vǐ ce ɔ́, mɔ hlɔ̌nhlɔ́n ɖo fɛ́nú e mǐ ɖó, ɖo bǔ e mǐ ɖe xá Klísu Jezu ɔ́ mɛ.

2 Timɔtée 4:17

Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

Jozuwée 1:6

Kpan akɔ́n bó dó gǎn, ɖó to e sín akpá un dó nú tɔ́gbó mitɔn lɛ́ɛ ɔ́, hwi wɛ ná kplá Izlayɛ́li ví lɛ́ɛ, bɔ yě ná yí.

Jozuwée 1:9

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”

Hwɛɖɔtɔ́ 2:18

Nú Mawu Mavɔmavɔ sɛ́ hwɛɖɔtɔ́ ɖé dó Izlayɛ́li ví lɛ́ɛ hweɖěbǔnu ɔ́, é ɖésúnɔ nɔ́ nɔ gǔdo tɔn, bó nɔ́ hwlɛ́n yě ɖo kɛntɔ́ yětɔn lɛ́ɛ sí, nú hwenu e hwɛɖɔtɔ́ énɛ́ ɔ́ ná nɔ gbɛ xɔ é bǐ. Nǔgbó ɔ́, hwenu e yě nɔ́ ɖo aɖǔkún ɖu wɛ ɖo mɛ e nɔ ɖo ya dó nú yě wɛ lɛ́ɛ lɔ mɛ ɔ́, nǔ yětɔn nɔ blá wǔ nú Mawu Mavɔmavɔ.

1 Samuwɛ́li 16:18

Mɛsɛntɔ́ lɛ́ɛ ɖokpó ká yí xó, bó ɖɔ: “Un tunwun Jɛsée Bɛteleyɛ́munu ɔ́ sín vǐ ɖokpó, bɔ é nyɔ́ nǔ xo ganjí. Nyaví ahwanfuntɔ́ ɖé wɛ. É nyɔ́ xó ɖɔ ganjí. É nyɔ́ ɖɛkpɛ. Asúká ɖokpó wɛ. Mawu Mavɔmavɔ ɖo kpɔ́ xá ɛ.”