Ajée 2:3 - MAWUXÓWÉMA

³ “Mɛ̌ ká kpo ɖo mi mɛ bo ɖo lě e Mawu Mavɔmavɔ xwé ɔ́ nyɔ́ ɖɛkpɛ gbɔn ɖ'ayǐ ɔ́ flín wɛ? Nɛ̌ mɔ élɔ́ gbɔn wɛ mi ɖe din? Mi mɔ din ɖɔ é kún hwɛ́n nǔɖé ó ǎ cé?

Ajée 2:3 Iomraidhean Croise

1 Tan 22:5

Davídi bló nǔ énɛ́ lɛ́ɛ bǐ, ɖó é ɖo ɖiɖɔ dó ayi mɛ wɛ ɖɔ: “Vǐ ce Salomɔ́ɔ kpo ɖo vǔ, é ɖó nǔnywɛ́ ɖé ǎ. Xwé e é ná sá ɔ́ ɖó ná d'agba bo ná nyɔ́ ɖɛkpɛ, bɔ è nǎ mɔ mɔ̌hunkɔtɔn ɖo to ɖěbǔ mɛ ǎ. Nǔ e wú un jló ná sɔ́ nǔ tɔn ɖ'ayǐ ganjí ɔ́ nɛ́.” Énɛ́ wɛ zɔ́n bɔ Davídi sɛ nǔ lɛ́ɛ gěgé xwe ɖ'ayǐ có bó kú.

Ɛsidlási 3:11

Yě ɖo han ji dó ɖo susu kpa nú Mawu wɛ, bó ɖo mlǎmlá ɛ wɛ ɖɔ: “Mawu Mavɔmavɔ nyɔ́ bɔ wǎn yíyí e é ɖó nú Izlayɛ́li ví lɛ́ɛ ɖó vivɔnu ǎ!” Togun ɔ́ lɔ ɖo awǒbóbó kpa wɛ, bó ɖo asíkpɛ́ xo wɛ, bó dó ɖo susu kpa nú Mawu Mavɔmavɔ wɛ, ɖó è ɖo xwé tɔn dó do wɛ.

Ɛsidlási 3:12

Vɔ̌sánú-xwlémawutɔ́ tobutóbú ɖé lɛ́ɛ, kpódó Levíi ví ɖé lɛ́ɛ kpó, kpódó hɛ̌nnugán tobutóbú ɖé lɛ́ɛ kpó tíin bó ko nyí mɛxó; yědɛɛ lɛ́ɛ mɔ Mawu xwé ɖ'ayǐ tɔn ɔ́, bɔ ée è jɛ xwé ɔ́ blóɖó jí ɖo nukún yětɔn mɛ ɔ́, yě ya avǐ ɖésú. Mɛ gěgé ɖěvo lɛ́ɛ ka ɖo awǒbóbó kpa wɛ, bo dó ɖo awǎ jɛ wɛ.

Ezayíi 64:10

Xwé e è sɔ́ ɖó vo nú we ɔ́, xwé ɖagbe ɖagbe e gbe tɔ́gbó mǐtɔn lɛ́ɛ nɔ́ ji han dó kpa susu nú we ɖe ɔ́ bǐ wɛ ji myɔ, bɔ nǔ e vɛ́ nú mǐ lɛ́ɛ bǐ gba hánnyá.

Ezekiyɛ́li 7:20

Sikánú ɖagbe ɖagbe e yě nɔ́ dó lɛ́ɛ wɛ zɔ́n bɔ yě nɔ́ ɖo afɔ tɛ ayǐ wɛ. Yě fɔ sikánú yětɔn énɛ́ lɛ́ɛ dó bló vodún ná, vodún suɖunú, nǔvɛ́mɔ ná. Énɛ́ ɔ́ wú wɛ un ná zé vodún yětɔn énɛ́ lɛ́ɛ dó húzú zunkɔ́ nú yě.

Ajée 2:9

Énɛ́ ɔ́, xwé yɔ̌yɔ́ ɔ́ ná nyɔ́ ɖɛkpɛ hú xwé nukɔntɔn ɔ́. Tɛn énɛ́ ɔ́ mɛ wɛ un ná ná fífá mi ɖe. Nyɛ Mawu Mavɔmavɔ Nǔbǐwúkpétɔ́ ɔ́ wɛ dó akpá tɔn.”