Ajée 2:23 - MAWUXÓWÉMA

²³ Zolobabɛ́li, mɛsɛntɔ́ ce wɛ a nyǐ, amɔ̌, gbe énɛ́ gbe ɔ́, un ná zɔ́n azɔ̌ ɖokpó we. A nǎ nyí mɛvívɛ́ná ɖokpó nú mì, alɔkɛ́ e un nɔ dó ɖó wuntun nǔ ná é ɖɔhun, ɖó hwi wɛ un sɔ́. Nǔ e nyɛ Mawu Mavɔmavɔ Nǔbǐwúkpétɔ́ ɔ́ ɖɔ ɔ́ nɛ́.”

Ajée 2:23 Iomraidhean Croise

Ɖɛhan 65:5

Nǔ nyɔ́ nú mɛ e a sɔ́, bó dɔn dó wǔ, bɔ é ná nɔ xwé towe gbe é. Mǐ ná ɖu nǔ ɖagbe e ɖo xwé towe gbe lɛ́ɛ sín gbɛ. Mǐ ná ɖu nǔ mímɛ́ e ɖo nɔtɛn towe lɛ́ɛ sín gbɛ.

Hanvíví 8:6

Sɔ́ mì tɛ́ ɖó akɔ́n towe nu, nú má cí wuntun ɖɔhun ɖo wǔ towe, gbɔ nú má tɛ́ dó wǔ towe alɔgan ɖɔhun. Đó wǎn yíyí ɖó hlɔ̌nhlɔ́n kú ɖɔhun. Nǔ e hun zo dó mɛ ɔ́, è nɔ hɛn ɖó te ǎ, kú ɖɔhun wɛ é ɖe. Nǔ e hun zo dó mɛ ɔ́, zo wɛ, myɔ hɛhɛ wɛ.

Ezayíi 42:1

Mawu ɖɔ: “Mɛsɛntɔ́ ce ɖíe; un hɛn alɔ tɔn, nyi wɛ sɔ́ ɛ, bɔ xomɛ nɔ hun mì dó wǔ tɔn; un sɔ́ yɛ ce ɖó jǐ tɔn, bɔ é ná sɔ́ hwɛjijɔ jínjɔ́n ayǐ gbɔn akɔta lɛ́ɛ mɛ.

Ezayíi 43:10

Mawu Mavɔmavɔ ɖɔ nú togun tɔn ɖɔ: “Midɛɛ lɛ́ɛ wɛ nyí kúnnuɖetɔ́ ce, mi wɛ nyí mɛsɛntɔ́ ce e un sɔ́ é, bónú mi ná tunwun bó ɖi nǔ nú mì, bó mɔ nukúnnú jɛ mɛ ɖɔ nyɛ wɛ nyí Mawu. Mawu ɖě kó ɖe dó nukɔn nú mì ǎ; ɖo gǔdo ce ɔ́, Mawu ɖě ká ná ɖe ǎ.

Ezayíi 49:16

Éɖíe kpɔ́n! Nyǐkɔ towe ɔ́, alɔkpákpá ce mɛ wɛ un wlán dó. Un gɔn ahohó e è mɛ lɛ́ lɛ̌ dó we ɔ́ flín gbeɖé ǎ.

Jelemíi 22:24

Mawu Mavɔmavɔ ɖɔ nú Jelemíi ɖɔ é ní ɖɔ nú Yoyakini Judáa xɔ́sú, Yoyakímu ví ɔ́ ɖɔ: “A na bo cí alɔkɛ́ e nɔ ɖo alɔ aɖisí nú mɛ bɔ è nɔ dó ɖó wuntun nǔ ná ɔ́ ɖɔhun nú mì ɔ́, un na ɖe we sín alɔ.

Matíe 12:18

“Mɛsɛntɔ́ ce e un sɔ́ ɔ́ ɖíe. Mɛ vívɛ́ná ce wɛ bɔ xomɛ nɔ hun mì dó wǔ tɔn. Un ná sɔ́ Yɛ ce ɖó jǐ tɔn, bɔ é ná jlá hwɛjijɔxó Mawu tɔn nú akɔta lɛ́ɛ bǐ.

Jǎan 6:27

Mi ma nɔ jɛ tagba dó nǔɖuɖu e nɔ gblé ɔ́ tamɛ ó; lo ɔ́, mi ní nɔ jɛ tagba dó nǔɖuɖu e nɔ́ nɔ ayǐ sɔ́yi gbɛ mavɔ mavɔ é tamɛ. Nǔɖuɖu énɛ́ ɔ́, Gbɛtɔ́ví ɔ́ wɛ ná ná mi, ɖó Mawu Tɔ́ ɔ́ ná acɛ tɔn ɛ.”

2 Timɔtée 2:19

Nǔ ɖo mɔ̌ có dodó syɛ́nsyɛ́n Mawu tɔn ɔ́ ɖo te ganjí, bɔ xó élɔ́ lɛ́ɛ nyí wuntun bó ɖ'é wú: “Aklúnɔ tunwun mɛ e nyí étɔn lɛ́ɛ é!” “Mɛ ɖěbǔ ɖɔ émí nyí Aklúnɔ tɔn ɔ́, mɛ ɔ́ ɖó ná lɛ́ kɔ sín nǔ nyanya wiwa gúdo.”

1 Piyɛ́ɛ 2:4

Mi sɛkpɔ́ Aklúnɔ, awǐnnya gbɛɖe e gbɛtɔ́ lɛ́ɛ xo nyi kɛ́n, bɔ Mawu ka mɔ dó mɔ awǐnnya xɔ akwɛ́ bó sɔ́ é,