Ajée 2:21 - MAWUXÓWÉMA

²¹ “Yi ɖɔ nú Zolobabɛ́li tokpɔngán Judáa tɔn ɔ́ ɖɔ nyɛ Mawu Mavɔmavɔ Nǔbǐwúkpétɔ́ ɔ́ ná húnhún jǐxwé kpó dodomɛ kpó.

Ajée 2:21 Iomraidhean Croise

1 Tan 3:19

Pedaya ví lɛ́ɛ ɖíe: Zolobabɛ́li kpó Cimɛ́yi kpó. Zolobabɛ́li ví lɛ́ɛ ɖíe: Mɛculamu kpó Hananiya kpó. É ɖó vǐ nyɔ̌nu ɖokpó bɔ è nɔ ylɔ́ ɛ ɖɔ Celomíti.

Ɛsidlási 2:2

Zolobabɛ́li kpódó Jozuwée kpó, kpódó Nɛ̌ɛmíya kpó, kpódó Selaya kpó, kpódó Hlelaya kpó, kpódó Mɔdokayi kpó, kpódó Bilucáni kpó, kpódó Misipáa kpó, kpódó Bigiwayi kpó, kpódó Hlehúmu kpó, kpódó Baana kpó wɛ zɔn yě nu wá. Izlayɛ́li ví e wá lɛ́ɛ sín nyǐkɔ kpódó mɛ nabí e ɖo gbɛ̌ta ɖokpó ɖokpó mɛ lɛ́ɛ kpó ɖíe:

Ɛsidlási 5:2

Ée yě wá ɖɔ xó ɔ́ nú yě ɔ́, Zolobabɛ́li Calutiyɛ́li ví ɔ́ kpódó Jozuwée Yosadaku ví ɔ́ kpó lɛ́ jɛ azɔ̌ ɔ́ jí, bó ná vɔ́ Mawu xwé ɔ́ gbá ɖó Jeluzalɛ́mu, bɔ gbeyíɖɔ Mawu tɔn lɛ́ɛ ɖo gǔdo yětɔn.

Ɖɛhan 46:6

Mawu ɖo toxo ɔ́ mɛ, toxo ɔ́ ná dán ǎ. Káká nú ayǐ ná hɔ́n ɔ́, Mawu nɔ́ wá gɔ́ alɔ n'i.

Ezekiyɛ́li 21:27

Ée é ɖo nǔ kan wɛ ɔ́, gǎ e ɖɔ Jeluzalɛ́mu wɛ é ná yi ɔ́ jɛ alɔ tɔn aɖisí ɔ́ mɛ. É jɛ Jeluzalɛ́mu ɔ́, é ná gblɔ́n ahwan dán bó ná sú xó bɔ ahwan ná bɛ́. É ná ɖó mɔ e nɔ gba nǔ ɔ́ nú hɔntogbó Jeluzalɛ́mu toxo ɔ́ tɔn lɛ́ɛ; é ná kplé kɔ́ e gúdo sɔ́ja lɛ́ɛ ná nɔ é, bó ná kun do e mɛ sɔ́ja lɛ́ɛ ná nɔ́ ɔ́ lɛ́ lɛ̌ dó toxo ɔ́.

Ezekiyɛ́li 26:15

“Xó e nyɛ Aklúnɔ Mavɔmavɔ lɛ́ ɖɔ nú Tíi toxo ɔ́ é ɖíe: Hwenu e è nǎ gba toxo towe, bó hu mɛ e ɖ'é mɛ lɛ́ɛ bǐ, bɔ mɛ e ɖo kúdonu lɛ́ɛ ná ɖo alě ná wɛ ɔ́, mɛ e ɖo tɔtɛ́ntinto mɛ lɛ́ɛ se nǔ e jɛ ɔ́, yě ná sísɔ́.

Ajée 1:1

Hwenu e axɔ́sú Daliwúsi ɖo xwe we bló wɛ ɖo zinkpo jí ɔ́, sun tɔn ayizɛ́ngɔ́ ɔ́ sín azǎn nukɔntɔn ɔ́ gbe ɔ́, Mawu Mavɔmavɔ gbɔn gbeyíɖɔ tɔn Ajée jí, bó ɖɔ xó nú Zolobabɛ́li tokpɔngán Judáa tɔn ɔ́ kpódó vɔ̌sánú-xwlémawutɔ́ Jozuwée kpó. Zolobabɛ́li ɔ́, Calutiyɛ́li ví wɛ, bɔ Jozuwée ká nyí Yexosadaki ví.

Ajée 1:14

Mawu Mavɔmavɔ hun ayi nú Zolobabɛ́li tokpɔngán Judáa tɔn ɔ́, kpó vɔ̌sánú-xwlémawutɔ́ ɖaxó Jozuwée kpó, kpódó mɛ e lɛ́ kɔ sín kannumɔgbénu wá xwé lɛ́ɛ bǐ kpó, bɔ yě jɛ azɔ̌ wú, bó ná gbá Mawu yětɔn, Mawu Mavɔmavɔ Nǔbǐwúkpétɔ́ ɔ́ sín xwé.