Ajée 2:19 - MAWUXÓWÉMA

¹⁹ Jinukún ɖěbǔ sɔ́ kpo ɖo kɔ́zún mɛ nú mi din a? Vǐwuntín lɛ́ɛ, fígitín lɛ́ɛ, glenáditín lɛ́ɛ, kpódó olívutín lɛ́ɛ kpó ɖěbǔ sɔ́ sɛ́n ǎ. Amɔ̌, bɛ́ sín égbé ɔ́, un ná kɔn nyɔ̌ná ce lɛ́ɛ dó mi jí.”

Ajée 2:19 Iomraidhean Croise

Bǐbɛ́mɛ 26:12

Xwe énɛ́ ɔ́ xwe ɔ́, Izáki dó nǔkún ɖo to ɔ́ mɛ, bó ya nǔ e é dó ɔ́ mɔ̌hunkɔtɔn donu kanwe ko, ɖó Mawu Mavɔmavɔ xo ɖɛ dó jǐ tɔn.

Jɔ̌bu 39:12

A sixú ɖeji dó wǔ tɔn, bɔ é ná bɛ́ jinukún towe lɛ́ɛ wá kplé ɖó fí e è nɔ fún jinukún ɖe ɔ́ a?

Ɖɛhan 133:3

É cí ahǔn e ja dó Ɛmɔ́ɔ só jí é ɖɔhun, ahǔn e ja dó Ɛmɔ́ɔ só jí, bó sa káká yi Sinyɔ́ɔ só lɛ́ɛ jí é ɖɔhun, ɖó fínɛ́ wɛ Mawu Mavɔmavɔ nɔ ná nyɔ̌ná tɔn mɛ ɖe, é nɔ́ ná gbɛ mɛ káká sɔ́yi káká sá.

Ɖɛhan 84:12

Nǔgbó ɔ́, Mawu Mavɔmavɔ ɔ́, hwe wɛ, gǎglónú wɛ. Mawu Mavɔmavɔ nɔ nyɔ́ xomɛ dó mɛ wú; é nɔ sɔ́ mɛ su. É nɔ́ tɛ nyɔ̌ná mɛ e nɔ wa nǔ jlɔ́jlɔ́ lɛ́ɛ é ǎ.

Jelemíi 31:12

Yě ná wá Sinyɔ́ɔ só ɔ́ ta kpó awǎjijɛ kpó xósúsú kpó. Yě ná dó ahwan gbě, bó yi nǔ ɖagbe ɖagbe e Mawu Mavɔmavɔ ná ná yě lɛ́ɛ kɔn; é ná ná blěe yě, bó ná vɛ̌ɛn yɔ̌yɔ́ yě, bó ná ami yě, bó ná gbɔ̌ kpódó nyibú kpó yě. Yě ná cí jikpá e è hǔ sin ná ganjí é ɖɔhun, yě sɔ́ ná nɔ adohu adohu jí ɖě ǎ.

Jelemíi 31:14

Un ná ná lan ɖagbe gěgé vɔ̌sánú-xwlémawutɔ́ lɛ́ɛ; togun ce ná mɔ nǔ ɖagbe bo ɖu gɔ́ xo.” Xó e Mawu Mavɔmavɔ ɖɔ ɔ́ nɛ́.

Jowɛ́li 1:12

Vǐwungbo bǐ xú, fígitín bǐ mlú ɖa. Glenádi kpó dětín kpó, kpó aslɔ́tín kpó bǐ mlú ɖa. Atín e ɖo gle mɛ lɛ́ɛ bǐ mlú ɖa. Awǎjijɛ ɖěbǔ sɔ́ ɖo gbɛtɔ́ lɛ́ɛ tɛ́ntin ǎ.

Jowɛ́li 2:14

Afɔ nyɔ́ ɔ́, é sixú jó nǔ e é kó lin bó ná wa ɖ'ayǐ ɔ́ dó, bó ná nyɔ̌ná mi túnflá. Énɛ́ ɔ́, mi hɛn ɔ́, mi ná hɛn jinukún kpó vɛ̌ɛn kpó wá n'i.

Ajée 1:11

Un ɖɔ bɔ akú ɖó gbɔn to ɔ́ bǐ mɛ: sókan mɛ wɛ a, jinukúngbo mɛ wɛ a, vǐwungbo mɛ wɛ a, olívugbo mɛ wɛ a, gle mɔ̌hun tíin bɔ akú gɔn ɖǐɖó ɖ'é mɛ ǎ. Akú ɖó gbɔn fí bǐ. Gbɛtɔ́ kpó kanlin kpó bǐ wɛ mɔ wǔvɛ́; azɔ̌ e è wa ɔ́ nǔɖé tɔ́n ɖ'é mɛ ǎ.’ ”

Malacíi 3:10

Mawu Mavɔmavɔ Nǔbǐwúkpétɔ́ ɔ́ ɖɔ: ‘Mi hɛn mǎɖówǒ lɛ́ɛ gbesisɔ tɔn wá sinsɛnxɔ ce mɛ, bónú nǔɖuɖu ná tíin ɖo xwé ce gbe. Mi bló gbɔn mɔ̌ bó dó tɛ́n mì kpɔ́n, bó ná kpɔ́n ɖɔ un ma ná hun sɛ́xwé hɔn lɛ́ɛ ɖó nuvo nú mi a jí; un ma ná kɔn nyɔ̌ná dó mi jí bɔ é ná túnflá a jí.

Matíe 6:33

Axɔ́súɖuɖu Mawu tɔn kpódó jlǒ tɔn wiwa kpó ní nɔ́ myá nukún nú mi jɛ nukɔn; énɛ́ ɔ́, é ná ná nǔ énɛ́ lɛ́ɛ bǐ mi.

Sɛ́nflínmɛ 15:10

Mi nya nǔ n'i; mi nya n'i kpó xomɛ ɖagbe kpó. Mawu Mavɔmavɔ, Mawu mitɔn ná kpɔ́n dó xomɛnyínyɔ́ mitɔn énɛ́ ɔ́ wú, bó ná dó acɛ nǔ e mi ná wa lɛ́ɛ bǐ jí.

Sɛ́nflínmɛ 28:22

Mawu Mavɔmavɔ ná ɖó gǒxúxú kpó flɔ́flɔ́ kpó nú mi, abǐ é ná ɖó avivɔ nú mi. É ná sɛ́ akú dó, jɔhɔn zozo ná fyɔ́ nǔkún mitɔn lɛ́ɛ dó te, abǐ bǐ ná nyɔ. Nǔ nyanya énɛ́ lɛ́ɛ bǐ ná ɖo mi gbo wɛ káká bɔ mi bǐ ná vɔ.