Ajée 2:17 - MAWUXÓWÉMA

¹⁷ Un hɛn azɔ̌ e mi wa é bǐ gblé. Un ɖɔ bɔ jinukún lɛ́ɛ bǐ fyɔ́, abǐ nyɔ dó te. Un ɖɔ bɔ kɛ́njí ja. Un wa nǔ énɛ́ lɛ́ɛ bǐ có mi lɛ́ kɔ wá nyɛ Mawu Mavɔmavɔ ɔ́ gɔ́n ǎ.

Ajée 2:17 Iomraidhean Croise

Bǐbɛ́mɛ 42:23

Yě ká tunwun ɖɔ Jozɛ́fu se gbe e dó wɛ émí ɖe ɔ́ ǎ, ɖó nú é ja xó ɖɔ xá yě gbé ɔ́, gbesetɔ́ wɛ é nɔ́ ba.

Bǐbɛ́mɛ 42:27

Zǎn kú dó yě ɖo fí ɖé, bɔ yě ná dɔ́ fínɛ́. Mɛ ɖokpó ká ɖo yě mɛ, bó tún ati tɔn, bó ná ná nǔɖuɖu tócí tɔn; é ná mɔ nǔɖé ɔ́, é mɔ akwɛ́ ɖo blěe ɔ́ jí aga.

Bǐbɛ́mɛ 42:6

Jozɛ́fu wɛ nyí tokpɔngán ɖo to ɔ́ mɛ; é wɛ nɔ́ sa blěe nú mɛ bǐ. Nɔví tɔn lɛ́ɛ ká wá, bó ɖe kɔ́ n'i.

1 Axɔ́sú 8:37

“Hwenu e adɔ abǐ jɛmɛjí ná byɔ́ to ɔ́ mɛ ɔ́, hwenu e jinukún lɛ́ɛ ná fyɔ́ abǐ yě ná nyɔ dó te ɔ́, hwenu e wɛn kpó bɔkle kpó ná vun blá to ɔ́, hwenu e kɛntɔ́ lɛ́ɛ ná hun káká yi gba Izlayɛ́li ví lɛ́ɛ ɖo toxo yětɔn e yě mɛ ahohó lɛ́ lɛ̌ dó lɛ́ɛ mɛ ɔ́, hwenu e nǔ baɖabaɖa ɖěbǔ abǐ azɔnhwi ná byɔ́ to ɔ́ mɛ ɔ́,

2 Tan 28:22

Axɔ́sú Akázi ɖo nukúnmyá mɛ mɔ̌, có bó lɛ́ kpo ɖo hwɛ hu dó Mawu Mavɔmavɔ wɛ.

2 Tan 6:28

“Hwenu e adɔ abǐ jɛmɛjí ná byɔ́ to ɔ́ mɛ ɔ́, hwenu e jinukún lɛ́ɛ ná fyɔ́ abǐ yě ná nyɔ dó te ɔ́, hwenu e wɛn kpó bɔkle kpó ná vun blá to ɔ́, hwenu e kɛntɔ́ lɛ́ɛ ná hun káká yi gba Izlayɛ́li ví lɛ́ɛ ɖo toxo yětɔn e yě mɛ ahohó lɛ́ lɛ̌ dó lɛ́ɛ mɛ ɔ́, hwenu e nǔ baɖabaɖa ɖěbǔ, abǐ azɔnhwi ná byɔ́ to ɔ́ mɛ ɔ́,

Jɔ̌bu 36:13

Mɛdídá lɛ́ɛ nɔ ɖo xomɛsin jí. Nú yě wǎ byɔ́ hɔzɔ mɛ lo ɔ́, yě nɔ́ byɔ́ ɖɔ è nǐ wǎ gɔ́ alɔ nú émí ǎ.

Ɖɛhan 128:2

Azɔ̌ e a wa kpó alɔ towe kpó ɔ́, a nǎ mɔ bó ɖu. Nǔ ná nyɔ́ nú we, nǔ bǐ ná zɔn nú we.

Ɖɛhan 78:46

É jó nǔkún yětɔn nú wɛn lɛ́ɛ, nǔ e yě jɛ dɛ̌n bó wa ɔ́, é jó nú bɔkle lɛ́ɛ.

Ezayíi 28:2

Hlɔ̌nhlɔ́nnɔ, nǔwúkpétɔ́ ɖokpó ɖíe Aklúnɔ sɛ́ dó bɔ é ja e. É ɖo nǔ wa wɛ ɔ́, a nǎ ɖɔ kɛ́njí wɛ ɖo jija wɛ, a nǎ ɖɔ jɔhɔn ɖaxó nǔhɛngblétɔ́ ɖé wɛ ɖo nyinyi wɛ, a nǎ ɖɔ jǐ ɖaxó ɖé wɛ ja káká bɔ tɔ ɖi sin kpé fí bǐ. É ná flí nǔ bǐ xwe kpó hlɔ̌nhlɔ́n kpó.

Ezayíi 37:27

Mɛ e ɖo to énɛ́ lɛ́ɛ mɛ lɛ́ɛ kpé nǔɖé wú ǎ. Xɛsi jɛ yě jí; winnyá hu yě. Yě cí gběhan e ɖo gle mɛ lɛ́ɛ ɖɔhun, gběhan e wú tlóló lɛ́ɛ ɖɔhun. Yě cí gběhan wlɛ́wlɛ́ e nɔ́ wú ɖo xɔ ta é ɖɔhun; yě cí nǔkún e má wú zinzin ǎ bó fyɔ́ é ɖɔhun.

Ezayíi 42:25

Énɛ́ ɔ́ wú wɛ Mawu kɔn xomɛsin tɔn dó togun tɔn jí, bó kɔn adǎnú e è nɔ wa ɖo ahwangbénu ɔ́ dó jǐ tɔn. Xomɛsin Mawu tɔn bɔ myɔ lɛ́ lɛ̌ dó Izlayɛ́li bǐ. Ayi tɔn ka mɔ nǔ ǎ. Myɔ bǐ wɛ é ji có bo ká lin tamɛ kpɔ́n ǎ.

Ezayíi 62:8

Mawu Mavɔmavɔ xwlé ɖisí lɔ tɔn, é xwlé hlɔ̌nhlɔ́n lɔ tɔn bó ɖɔ: “Un sɔ́ ná sɔ́ jinukún towe lɛ́ɛ dó ná nǔɖuɖu kɛntɔ́ towe lɛ́ɛ gbeɖé ǎ. Vɛ̌ɛn towe e tamɛ a ji ya dó ɔ́, toɖévomɛnu lɛ́ɛ sɔ́ ná nu gbeɖé ǎ.

Ezayíi 9:13

Énɛ́ ɔ́ wú wɛ Mawu Mavɔmavɔ zé kéze ɖokpó ɖó te, bó gbo ta Izlayɛ́li, bó sɛ́n sí tɔn; é sɛ́n děma kpó fántín kpó.

Jelemíi 3:24

Sín vǔ mǐtɔn ɖokpóó ɔ́, vodún Baalu e mɛjitɔ́ mǐtɔn lɛ́ɛ nɔ sɛn ɔ́ zɔ́n bɔ nǔ e yě ɖó lɛ́ɛ bǐ vɔ: gbɔ̌ yětɔn kpó nyibú yětɔn kpó vɔ, vǐ súnnu yětɔn kpó vǐ nyɔ̌nu yětɔn kpó vɔ; sinsɛn yětɔn énɛ́ ɔ́, winnyánú wɛ.

Jelemíi 5:3

Mawu Mavɔmavɔ, nǔgbó ba wɛ a ɖe ǎ cé? A xo yě, é ká nyí nǔɖé nú yě ǎ. A hɛn nǔ gblé dó yě wǔ, yě ká yí gbe nú xó e ɖɔ nú yě wɛ a ɖe lɛ́ɛ ǎ. Ta wɛ yě lɛ́ syɛ́n d'é jí bó gbɛ́ ɖɔ émí kún ná lɛ́ kɔ wá hwi gɔ̌n ó.

Amɔ́si 4:6

“Nyɛ ɔ́, un sɛ́ adɔ dó mi gbɔn toxo ɖaxó mitɔn lɛ́ɛ bǐ mɛ. Nǔɖuɖu hán mi ɖo xwé mitɔn lɛ́ɛ gbe. Nǔ nyí mɔ̌ có, mi lɛ́ kɔ wá gɔ̌n ce ǎ.” Xó e Mawu Mavɔmavɔ ɖɔ ɔ́ nɛ́.

Ajée 1:11

Un ɖɔ bɔ akú ɖó gbɔn to ɔ́ bǐ mɛ: sókan mɛ wɛ a, jinukúngbo mɛ wɛ a, vǐwungbo mɛ wɛ a, olívugbo mɛ wɛ a, gle mɔ̌hun tíin bɔ akú gɔn ɖǐɖó ɖ'é mɛ ǎ. Akú ɖó gbɔn fí bǐ. Gbɛtɔ́ kpó kanlin kpó bǐ wɛ mɔ wǔvɛ́; azɔ̌ e è wa ɔ́ nǔɖé tɔ́n ɖ'é mɛ ǎ.’ ”

Ajée 1:6

Mi nɔ dó jinukún gěgé, nǔkún kpɛɖé jɛ́n mi ka nɔ mɔ ya. Mi nɔ ɖu nǔ, mi ka nɔ gɔ́ xo ǎ. Mi nɔ nu sin, kɔ ka nɔ lɛ́ kpo ɖo mi xú wɛ. Mi nɔ cyɔ́n avɔ, é ka nɔ glɔ́n jɔhɔn nú mi ǎ. Azɔ̌watɔ́ nɔ́ yí azɔ̌kwɛ́ tɔn, lobo ka nɔ bɛ́ kɔn dó adɔ̌kpo gbo ɖo yonu mɛ.

Ajée 1:9

Jinukún gěgé ɖó nukún wɛ mi ɖe, mi bo ka kpɔ́n kpɛ e mi ya é! Kpɛ énɛ́ e mi bɛ́ yi xwé gbe ɔ́, un fún funfún dó, bɔ bǐ gba dó. Nyɛ Mawu Mavɔmavɔ Nǔbǐwúkpétɔ́ ɔ́, má lɛ́ kan nǔ ɖokpó byɔ́ mi: Étɛ́wú nǔ ká ɖo mɔ̌ cí wɛ? Nǔ e wú wɛ ɔ́ wɛ nyí ɖɔ xwé ce ɖo gbigba, bɔ mi mɔ bó jó dó, bɔ ɖokpó ɖokpó mitɔn ka ɖo nukún kpé dó étɔn wú wɛ.

Ajée 2:16

étɛ́ wɛ nɔ jɛ dó mi jí? Hwenɛ́nu ɔ́, ényí mɛɖé ɖó jinukún gannú ko ɖo kɔ́zún mɛ, bó xwe jlɛ̌jlɛ́ gbé ɔ́, é má nyí wǒ jɛ́n é nɔ́ yi mɔ ǎ cé? Ényí mɛɖé ɖó vɛ̌ɛn lǐtli kanɖé wǒ (50) ɖo balíi mɛ, bó xwe jlɛ̌jlɛ́ gbé ɔ́, é má nyí lǐtli ko jɛ́n é nɔ́ yi mɔ ǎ cé?

Malacíi 3:11

Un ná sú ali dó nǔvínúví lɛ́ɛ bɔ yě ná ɖu nǔ e mi dó lɛ́ɛ ǎ; bɔ vǐwuntín mitɔn lɛ́ɛ ná gɔn sínsɛ́n ǎ. Akpá tɔn wɛ un dó nú mi.

Sɛ́nflínmɛ 28:22

Mawu Mavɔmavɔ ná ɖó gǒxúxú kpó flɔ́flɔ́ kpó nú mi, abǐ é ná ɖó avivɔ nú mi. É ná sɛ́ akú dó, jɔhɔn zozo ná fyɔ́ nǔkún mitɔn lɛ́ɛ dó te, abǐ bǐ ná nyɔ. Nǔ nyanya énɛ́ lɛ́ɛ bǐ ná ɖo mi gbo wɛ káká bɔ mi bǐ ná vɔ.

Nǔɖexlɛ́mɛ 2:21

Un jó hwenu dó n'i, bónú é ná lɛ́ kɔ sín hwɛ tɔn lɛ́ɛ gúdo; lo ɔ́, é jló ná jó agalilɛ dó ǎ.