Ajée 2:16 - MAWUXÓWÉMA

¹⁶ étɛ́ wɛ nɔ jɛ dó mi jí? Hwenɛ́nu ɔ́, ényí mɛɖé ɖó jinukún gannú ko ɖo kɔ́zún mɛ, bó xwe jlɛ̌jlɛ́ gbé ɔ́, é má nyí wǒ jɛ́n é nɔ́ yi mɔ ǎ cé? Ényí mɛɖé ɖó vɛ̌ɛn lǐtli kanɖé wǒ (50) ɖo balíi mɛ, bó xwe jlɛ̌jlɛ́ gbé ɔ́, é má nyí lǐtli ko jɛ́n é nɔ́ yi mɔ ǎ cé?

Ajée 2:16 Iomraidhean Croise

Ezayíi 5:10

È zě vǐwungle ɛtáa atɔn ɖó te ɔ́, é ná ná vɛ̌ɛn lǐtli kanɖé wǒ (50) ǎ. Mɛ ɖé dó blěe kilóo kanwe ko (100) ɔ́, kilóo wǒ jɛ́n é ná ya.”

Jelemíi 48:33

Xomɛ sɔ́ hun glesi ɖěbǔ ɖo Mɔwabu gbé jí ǎ; yě mɛ ɖěbǔ sɔ́ j'awǎ ǎ. Vɛ̌ɛn vɔ ɖo gbǎ lɛ́ɛ bǐ mɛ. Mɛ e ná li vǐwun é ɖěbǔ ɖe ǎ. Nǔ víví nú mɛ sín han bǐ yi xɔ.”

Ajée 1:6

Mi nɔ dó jinukún gěgé, nǔkún kpɛɖé jɛ́n mi ka nɔ mɔ ya. Mi nɔ ɖu nǔ, mi ka nɔ gɔ́ xo ǎ. Mi nɔ nu sin, kɔ ka nɔ lɛ́ kpo ɖo mi xú wɛ. Mi nɔ cyɔ́n avɔ, é ka nɔ glɔ́n jɔhɔn nú mi ǎ. Azɔ̌watɔ́ nɔ́ yí azɔ̌kwɛ́ tɔn, lobo ka nɔ bɛ́ kɔn dó adɔ̌kpo gbo ɖo yonu mɛ.

Ajée 2:15

Mawu Mavɔmavɔ lɛ́ ɖɔ nú yě ɖɔ: “Mi zé ayi mitɔn ɖó te ganjí bó ná kpɔ́n nǔ e ná jɛ jijɛ jí sín din lɛ́ɛ. Cóbónú mi na jɛ xwé ɔ́ sín dǒ mɛ jí kpó awǐnnya kpó ɔ́,

Ajée 2:17

Un hɛn azɔ̌ e mi wa é bǐ gblé. Un ɖɔ bɔ jinukún lɛ́ɛ bǐ fyɔ́, abǐ nyɔ dó te. Un ɖɔ bɔ kɛ́njí ja. Un wa nǔ énɛ́ lɛ́ɛ bǐ có mi lɛ́ kɔ wá nyɛ Mawu Mavɔmavɔ ɔ́ gɔ́n ǎ.

Malacíi 2:2

Ényí mi ma ɖótó mì ǎ ɔ́, ényí mi ma sɔ́ dó ayi mɛ ɖɔ mi ná sɔ́ nyǐkɔ ce su ǎ ɔ́, un ná sɛ́ nyladó dó mi, bó ná hɛn nyɔ̌ná mitɔn lɛ́ɛ gblé. Nǔgbó wɛ, un dó nu mi, ɖó mi sɔ́ dó ayi mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.