Ajée 2:12 - MAWUXÓWÉMA

¹² Ényí mɛɖé hɛn lan e è sá vɔ̌ ná ɔ́ gǒ mɛ, bɔ avɔ e ɖo mɛ ɔ́ wú ɔ́ jɛ wɔ̌xúxú, abǐ mǎ, abǐ vɛ̌ɛn, abǐ ami, abǐ nǔɖuɖu alɔkpa ɖěbǔ wú ɔ́, è nǎ sɔ́ nǔɖuɖu énɛ́ ɔ́ ɖó vo nú Mawu wɛ a?” Vɔ̌sánú-xwlémawutɔ́ lɛ́ɛ ɖɔ: “Éeǒ.”

Ajée 2:12 Iomraidhean Croise

Tíntɔ́n 29:37

Énɛ́ ɔ́, a nǎ slá wǔ nú vɔ̌sákpe ɔ́ xɔ azǎn tɛ́nwe, bó dó ɖe e ɖó vo, bɔ vɔ̌sákpe ɔ́ ná nyí nǔ mímɛ́ bǐ, bɔ nǔ ɖěbǔ jɛ vɔ̌sákpe ɔ́ wú ɔ́ ná húzú nǔ mímɛ́.”

Nǔnywɛ́tɔ́xó 10:1

Nú sukpɔ kúkú ɖo célu mɛ ɔ́, é nɔ́ hɛn célu ɔ́ gblé, bɔ é nɔ́ hwɛ́n nǔ kúkú. Mɔ̌ ɖokpó ɔ́, nǔgblégbléwiwa kpɛví ɖé nɔ́ hɛn nǔnywɛ́ kpó susu kpó gblé.

Ezekiyɛ́li 44:19

Cóbónú yě ná wá kɔ́xo fí e togun ɔ́ nɔ́ kplé ɖe ɔ́, yě ná to ɖe nǔ e yě dó dó wa azɔ̌ lɛ́ɛ hwɛ̌; yě ná ɖe nǔ lɛ́ɛ dó xɔ e è sɔ́ ɖó te nú nǔ énɛ́ lɛ́ɛ é mɛ, bó ná bɛ́ nǔ ɖěvo dó. É má nyí mɔ̌ ǎ ɔ́, togun ɔ́ táá wá ɖó alɔ vɔ̌sánú-xwlémawutɔ́ sín awu yětɔn lɛ́ɛ wú .

Levíi ví 7:6

Mɛ e nyí súnnu ɖo hɛ̌nnu e nɔ wa vɔ̌sánú-xwlémawutɔ́ sín azɔ̌ lɛ́ɛ mɛ lɛ́ɛ kɛ́ɖɛ́ wɛ ná ɖu kanlin ɔ́ sín lan. Tɛn mímɛ́ ɖé mɛ wɛ yě ná ɖu ɖe; nǔ mímɛ́ titewungbe ɖokpó wɛ é nyí.

Matíe 23:19

Nukúntíntɔ́nnɔ lɛ́ɛ e mi, ɖě tɛ́ wɛ ɖo tají ɖo we lɛ́ɛ mɛ? Vɔ̌sánú ɔ́ wɛ a? Abǐ vɔ̌sákpe e zɔ́n bɔ vɔ̌sánú ɔ́ húzú nǔ mímɛ́ é?

Sɛ́nflínmɛ 33:10

Yě wɛ nɔ́ kplɔ́n sɛ́n towe lɛ́ɛ Izlayɛ́li ví lɛ́ɛ, bó nɔ́ sá vɔ̌ wǎnɖagbenɔ lɛ́ɛ kpó vɔ̌ e è nɔ dó zo lɛ́ɛ kpó ɖo vɔ̌sákpe towe jí.