Ajée 1:8 - MAWUXÓWÉMA

⁸ Mi yi sókan mɛ, bó yi ba atín dó wá gbá xwé ce ná. É ná dó xomɛhunhun nú mì, bɔ è na sɔ́ mì su. Xó e nyɛ Mawu Mavɔmavɔ ɖɔ é nɛ́.

Ajée 1:8 Iomraidhean Croise

1 Axɔ́sú 6:1

Hwenu e Salomɔ́ɔ ɖo xwe ɛnɛ bló wɛ ɖo zinkpo jí, ɖo Izlayɛ́li ɔ́ wɛ é jɛ Mawu Mavɔmavɔ xwé ɔ́ sá jí, ɖo Ziwu sín sun ɔ́ mɛ, sun wegɔ́ e ɖo xwe ɔ́ mɛ é. Izlayɛ́li ví lɛ́ɛ gosín Ejípu ɔ́, é ko bló xwe afɔwe kanwe (480) nɛ́.

1 Axɔ́sú 9:3

bó ɖɔ n'i ɖɔ: “Un yí ɖɛ towe, un se vo e a sa sɛ́ dó mì ɔ́. Un yí xwé élɔ́ e a sá nú mì, bɔ é ná nyí ce káká sɔ́yi bɔ un ná nɔ́ ɖe nyɛɖée xlɛ́ mi ɖo fínɛ́, bɔ nukún ce kpódó ayixa ce kpó ná ɖo jǐ tɔn hwebǐnu.

1 Tan 22:19

Hǔn din ɔ́, mi bo dó gǎn bó zé ayi mitɔn kpó lǐndɔ̌n mitɔn kpó dó ba Mawu Mavɔmavɔ, Mawu mitɔn. Mi jɛ azɔ̌ jí, bó ná sá xwé nú Mawu Mavɔmavɔ, bó ná zé akɔjijɛgbá tɔn ɔ́ kpó nǔ e è sɔ́ ɖó vo nú Mawu Mavɔmavɔ lɛ́ɛ kpó wá ɖó xwé e mi ná sá n'i ɔ́ gbe.”

2 Tan 7:16

Din ɔ́, un sɔ́ xwé élɔ́, un yí ɖɛ towe, bó se vo e a sa sɛ́ dó mì ɔ́. Un yí xwé élɔ́ e a sá nú mì, bɔ é ná nyí ce káká sɔ́yi ɔ́, bó ná nɔ́ ɖe nyɛɖée xlɛ́ mi ɖo fínɛ́, bɔ nukún ce kpódó ayixa ce kpó ná ɖo jǐ tɔn hwebǐnu.

Ɛsidlási 3:7

Énɛ́ ɔ́ gúdo ɔ́, yě sú axɔ́ azɔ̌watɔ́ lɛ́ɛ, bɔ yě ná kpa awǐnnya lɛ́ɛ kpódó atín lɛ́ɛ kpó. Yě lɛ́ ná nǔɖuɖu kpódó ahan kpó, kpódó ami kpó Sidɔ́ɔnnu lɛ́ɛ kpódó Tíinu lɛ́ɛ kpó, bónú yědɛɛ lɛ́ɛ ná hɛn atín syɛ́nsyɛ́n Libáan tɔn lɛ́ɛ wá nú yě. Yě ná bɛ́ gbɔn xu jí káká wá ɖó Jafa xu ɔ́ tó. Dadá Pɛ́si tɔn Silúsi wɛ ná gbe tɔn yě.

Ɛsidlási 6:4

È nǎ to awǐnnya kpikpa hǎ atɔn d'é mɛ, bó ná to atín hǎ ɖokpó ján d'é mɛ. Akwɛ́gbá Dadá ɔ́ tɔn mɛ wɛ è nǎ kpɔ́n, bó dó wa azɔ̌ lɛ́ɛ ná.

Tíntɔ́n 29:43

“Un ná nɔ́ wá kpé Izlayɛ́li ví lɛ́ɛ ɖo fínɛ́, bɔ tɛn énɛ́ ɔ́ ná húzú tɛn mǐmɛ́, ɖó susu ce wú.

Ezayíi 60:13

È nǎ hɛn atín ɖagbe ɖagbe e nɔ sɔ́ Libáan to ɔ́ su lɛ́ɛ wá nú we Jeluzalɛ́mu. È nǎ hɛn siplɛ́tín, pɛ́ɛntín kpó bwisitín kpó wá, bó ná dó bló xwé ce ɖó, bɔ un ná sɔ́ fí e un nɔ nɔ ɔ́ su.

Ezayíi 60:7

Mawu ɖɔ: “Gbɔ̌ Kedáa togun ɔ́ tɔn lɛ́ɛ bǐ ná wá gɔ̌n towe. Agbo Nɛbayɔ́ti togun ɔ́ tɔn lɛ́ɛ bǐ ná ɖo te nú we. È nǎ fɔ yě bǐ dó sá vɔ̌ nú mì ɖo vɔ̌sákpe ce jí, bɔ é ná nyí vɔ̌ ɖé bó ná nyɔ́ nukún ce mɛ; énɛ́ ɔ́, un ná ɖe susu xwé ce tɔn xlɛ́.

Ezayíi 66:11

Énɛ́ ɔ́, é ná ná akɔ́nkpinkpan mi; mi ná gɔ́ xo, lě e vǐnɔ sín anɔ̌ nɔ́ só ganjí, bɔ vǐ yɛ̌yɛ́ nɔ́ nɔ́ kpó awǎjijɛ kpó é ɖɔhun.

Ajée 1:7

Nyɛ Mawu Mavɔmavɔ Nǔbǐwúkpétɔ́ ɔ́, un lɛ́ vɔ́ ɖo ɖiɖɔ nú mi wɛ ɖɔ mi ní lin tamɛ dó nǔ e ɖo mi gbo wɛ lɛ́ɛ wú.

Ajée 2:7

Un ná dán togun ɖě lɛ́ɛ bǐ, bɔ yě ná bɛ́ dɔkun yětɔn lɛ́ɛ wá fí, bɔ un ná bɛ́ bó dó vɔ́ acɔ́ ɖó nú xwé ce, bɔ é ná nyɔ́ ɖɛkpɛ ɖésú; nyɛ wɛ ɖɔ mɔ̌ nú mi.

Ajée 2:9

Énɛ́ ɔ́, xwé yɔ̌yɔ́ ɔ́ ná nyɔ́ ɖɛkpɛ hú xwé nukɔntɔn ɔ́. Tɛn énɛ́ ɔ́ mɛ wɛ un ná ná fífá mi ɖe. Nyɛ Mawu Mavɔmavɔ Nǔbǐwúkpétɔ́ ɔ́ wɛ dó akpá tɔn.”