Ajée 1:12 - MAWUXÓWÉMA

¹² Zolobabɛ́li, Calutiyɛ́li ví ɔ́ kpó Jozuwée vɔ̌sánú-xwlémawutɔ́ ɖaxó e nyí Yexosadaki ví ɔ́ kpó, kpódó yě mɛ e lɛ́ kɔ sín kannumɔgbénu wá xwé lɛ́ɛ bǐ kpó ylɔ́ xó e Mawu Mavɔmavɔ, Mawu yětɔn ɖɔ nú yě gbɔn Ajée jí ɔ́ ɖɔ nǔjɔnǔ. Lě e Ajée wa azɔ̌ e Mawu Mavɔmavɔ zɔ́n ɛ é gbɔn ɔ́ nɛ́; énɛ́ ɔ́, toví lɛ́ɛ bǐ mɔ nǔ jɛ acɛkpikpa Mawu Mavɔmavɔ tɔn wú.

Ajée 1:12 Iomraidhean Croise

Bǐbɛ́mɛ 22:12

Bɔ Mawu Mavɔmavɔ ɖɔ nú Ablaxámu ɖɔ: “Ma wa nǔɖé nú vǐ ɔ́ ó; alɔ towe ma jɛ wǔ tɔn ó. Un tunwun din ɖɔ a nɔ sí mì, bɔ a tɛ vǐ ɖokpónɔ towe mì ǎ.”

Ɛsidlási 10:18

Mɛ e ɖo vɔ̌sánú-xwlémawutɔ́ lɛ́ɛ mɛ, bó da nyɔ̌nu toɖévomɛnu lɛ́ɛ sín nyǐkɔ ɖíe: Kúnkan Jozuwée, Yosadaku ví ɔ́ tɔn, kpó nɔví tɔn élɔ́ lɛ́ɛ kpó: Maaseya, Eliezɛ́ɛ, Yalívu, kpó Gedaliyá kpó.

Ɛsidlási 5:2

Ée yě wá ɖɔ xó ɔ́ nú yě ɔ́, Zolobabɛ́li Calutiyɛ́li ví ɔ́ kpódó Jozuwée Yosadaku ví ɔ́ kpó lɛ́ jɛ azɔ̌ ɔ́ jí, bó ná vɔ́ Mawu xwé ɔ́ gbá ɖó Jeluzalɛ́mu, bɔ gbeyíɖɔ Mawu tɔn lɛ́ɛ ɖo gǔdo yětɔn.

Ɖɛhan 112:1

Mi kpa Mawu Mavɔmavɔ! Nǔ nyɔ́ nú mɛ e nɔ ɖó sísí nú Mawu Mavɔmavɔ é, mɛ e nǔ e é zɔ́n lɛ́ɛ wiwa nɔ́ víví ná é.

Nǔnywɛ́xó 1:7

Sísí ɖó nú Mawu Mavɔmavɔ wɛ nyí fí e nǔnywɛ́ bɛ́ sín é. Xlonɔ lɛ́ɛ wɛ nɔ́ hu tɛ́ nú nǔnywɛ́, bó nɔ́ hu nú nǔkplɔ́nkplɔ́n.

Nǔnywɛ́tɔ́xó 12:13

Xó e ká sú ta nú xó énɛ́ lɛ́ɛ bǐ é ɖíe: Đǒ sísí nú Mawu bó bló nǔ e é zɔ́n lɛ́ɛ; nǔ e ɖo ta jí bɔ gbɛtɔ́ bǐ ɖó ná wa é nɛ́.

Ezayíi 1:19

Ényí mi ɖó jlǒ ɖagbe bo se tónú nú mì ɔ́, mi ná ɖu nǔ ɖagbe e ɖo to ɔ́ mɛ lɛ́ɛ.

Ezayíi 50:10

Ényí mɛɖé ɖo mi mɛ, bó nɔ́ ɖó sísí nú Mawu Mavɔmavɔ hǔn, mɛ ɔ́ ní nɔ́ ɖótó mɛsɛntɔ́ tɔn. Ényí mɛ ɖé ɖo zɔnlin ɖi wɛ ɖo ablu mɛ, bó má mɔ nukúnnú ɖěbǔ ǎ hǔn, mɛ ɔ́ ní sɔ́ éɖée jó nú Mawu Mavɔmavɔ, é ní gán jɛ Mawu tɔn wú.

Ajée 1:1

Hwenu e axɔ́sú Daliwúsi ɖo xwe we bló wɛ ɖo zinkpo jí ɔ́, sun tɔn ayizɛ́ngɔ́ ɔ́ sín azǎn nukɔntɔn ɔ́ gbe ɔ́, Mawu Mavɔmavɔ gbɔn gbeyíɖɔ tɔn Ajée jí, bó ɖɔ xó nú Zolobabɛ́li tokpɔngán Judáa tɔn ɔ́ kpódó vɔ̌sánú-xwlémawutɔ́ Jozuwée kpó. Zolobabɛ́li ɔ́, Calutiyɛ́li ví wɛ, bɔ Jozuwée ká nyí Yexosadaki ví.

Ajée 1:14

Mawu Mavɔmavɔ hun ayi nú Zolobabɛ́li tokpɔngán Judáa tɔn ɔ́, kpó vɔ̌sánú-xwlémawutɔ́ ɖaxó Jozuwée kpó, kpódó mɛ e lɛ́ kɔ sín kannumɔgbénu wá xwé lɛ́ɛ bǐ kpó, bɔ yě jɛ azɔ̌ wú, bó ná gbá Mawu yětɔn, Mawu Mavɔmavɔ Nǔbǐwúkpétɔ́ ɔ́ sín xwé.

Ajée 2:2

É ɖɔ é ní yi ɖɔ nú Zolobabɛ́li tokpɔngán Judáa tɔn Calutiyɛ́li ví ɔ́, kpódó vɔ̌sánú-xwlémawutɔ́ ɖaxó Jozuwée Yexosadaki ví ɔ́ kpó, kpódó mɛ e lɛ́ kɔ sín kannumɔgbénu wá xwé lɛ́ɛ kpó ɖɔ:

Mɛsɛ́dó 9:31

Yě mɛ e ɖi nǔ nú Jezu lɛ́ɛ sín agun e ɖo Judée ɔ́ kpó ée ɖo Galilée ɔ́ kpó, kpódó ée ɖo Samalíi ɔ́ kpán bǐ sín ayi wɛ jɛ ayǐ, bɔ yě ɖo dǒ lí wɛ, bó nɔ́ ɖo sísí ɖó nú Aklúnɔ wɛ ɖo nǔwiwa yětɔn lɛ́ɛ mɛ; Yɛsinsɛn gɔ́ alɔ nú yě, bɔ yě ɖo kpɔ́ sú d'é jí wɛ.

Sɛ́nflínmɛ 31:12

Mi ná kplé togun ɔ́ bǐ: mɛxó súnnu kpó mɛxó nyɔ̌nu kpó, kpó yɔkpɔ́vú kpó bǐ ná kplé, mɛ e nyí jǒnɔ bó ɖo to mitɔn mɛ lɛ́ɛ lɔmɔ̌ ná wá, bɔ mɛ bǐ ná ɖótó sɛ́n e xa wɛ è ɖe é, bó ná tunwun lě e è ɖǒ ná ɖó sísí nú Mawu Mavɔmavɔ, bó ná nyi sɛ́n tɔn gbɔn é.

Sɛ́nflínmɛ 31:13

Vǐ yětɔn e ma ko tunwun sɛ́n ɔ́ ǎ lɛ́ɛ lɔmɔ̌ ná se, bó ná kplɔ́n lě e è nǎ ɖó sísí nú Mawu Mavɔmavɔ, Mawu mitɔn gbɔn é, ɖo to e ná yí wɛ mi ɖe ɖo Judɛ́ɛn tɔ ɔ́ gúdo é mɛ.”

Kolósinu 1:6

Wɛn Ɖagbe ɔ́ ɖo gbigba kpé wɛ, bó ɖo azɔ̌ wa ɖo klísusɛntɔ́ lɛ́ɛ sín gbɛzán mɛ wɛ gbɔn gbɛ ɔ́ bǐ mɛ, lě e é bló gbɔn ɖo tɛ́ntin mitɔn sín gbe e gbe mi se fɛ́nú Mawu tɔn ɔ́ sín xó azɔn nukɔn tɔn, lobo kplɔ́n nǔ e é nyí tawun ɔ́, bó tunwun é.

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.