Ajée 1:11 - MAWUXÓWÉMA

¹¹ Un ɖɔ bɔ akú ɖó gbɔn to ɔ́ bǐ mɛ: sókan mɛ wɛ a, jinukúngbo mɛ wɛ a, vǐwungbo mɛ wɛ a, olívugbo mɛ wɛ a, gle mɔ̌hun tíin bɔ akú gɔn ɖǐɖó ɖ'é mɛ ǎ. Akú ɖó gbɔn fí bǐ. Gbɛtɔ́ kpó kanlin kpó bǐ wɛ mɔ wǔvɛ́; azɔ̌ e è wa ɔ́ nǔɖé tɔ́n ɖ'é mɛ ǎ.’ ”

Ajée 1:11 Iomraidhean Croise

1 Axɔ́sú 17:1

Elíi Ticibéenu ɔ́ xwlé Mawu nú axɔ́sú Akábu ɖɔ: “Mawu Mavɔmavɔ ɖo gbɛ; ɖo Mawu Izlayɛ́li tɔn e sín mɛsɛntɔ́ un nyí ɔ́ nyíkɔ mɛ ɔ́, un ɖo ɖiɖɔ nú we wɛ ɖɔ: ‘Xwe e jǎwe lɛ́ɛ mɛ ɔ́, ahǔn ná ja ǎ, jǐ ká ná ja ǎ, káká jɛ hwenu e un ná ɖɔ é.’ ”

2 Axɔ́sú 8:1

Nyɔ̌nu e sín vǐ kú bɔ Elizée fɔ́n ɛ ɔ́, Elizée ɖɔ n'i gbe ɖokpó ɖɔ: “Sɔ́ nǔ bo yi fí e hwi kpódó mɛ towe lɛ́ɛ kpó ná sixú nɔ é, ɖó Mawu Mavɔmavɔ sɛ́ adɔ dó to ɔ́ mɛ, bɔ adɔ ɔ́ ná tɔ́n nú xwe tɛ́nwe.”

Jɔ̌bu 34:29

Nú Mawu ka nɔ abwɛ̌ ɔ́, mɛ̌ wɛ ná dó hwɛ ɛ? Nú é sɔ́ éɖée hwlá ɔ́, mɛ̌ ká ná sixú mɔ ɛ? Có é nɔ́ kpé nukún dó akɔta lɛ́ɛ kpó gbɛtɔ́ lɛ́ɛ kpó wú,

Jelemíi 14:2

É ɖɔ n'i ɖɔ: “Judáa to ɔ́ ɖo aluwɛ mɛ; toxo tɔn lɛ́ɛ ɖo nǔwamɛxɔmɛ, wǔ kú yě, yě blá wǔ. Jeluzalɛ́mu ɖo xó sú wɛ bɔ gbe tɔn ɖo zɔ yi wɛ.

Gbɛvíhan 1:21

È se azɔn e wɛn wɛ un ɖe ɔ́, mɛ ɖěbǔ ká wá dó gbɔ nú mì ǎ; kɛntɔ́ ce lɛ́ɛ bǐ se nǔ e ɖo gbigbo mì wɛ é; nǔ e a wa xá mì ɔ́ víví nú yě. Azǎn e xó a ɖɔ ɔ́ wá, nǔ e ɖo gbigbo mì wɛ ɔ́ ní gbo yě lɔmɔ̌.

Amɔ́si 5:8

Mawu Mavɔmavɔ bló sunvísɛkplé totaligbé tɔn lɛ́ɛ kpó sunvísɛkplé tofɔligbé tɔn lɛ́ɛ kpó. É nɔ sɔ́ zǐnflú dó húzú wěziza zǎnzǎn tɔn; é nɔ sɔ́ kéze dó húzú zǎn. É dɔn sin e ɖo xu mɛ lɛ́ɛ wá gba kɔn nyi ayǐkúngban jí. Mawu Mavɔmavɔ wɛ é nyí.

Amɔ́si 7:4

Aklúnɔ Mavɔmavɔ ɖe nǔ ɖěvo xlɛ́ mì. É nɔ zé myɔ dó ɖó hwɛ nú togun ɔ́. Myɔ nɔ hɛn sin e ɖo ayǐkúngban glɔ́ lɛ́ɛ xú, bó nɔ́ fyɔ́ Izlayɛ́li to ɔ́.

Amɔ́si 9:6

Mawu blǒ nɔtɛn tɔn lɛ́ɛ ɖó sɛ́xwé, bó bló jǐnukúnsin bɔ é cyɔ́n ayǐkúngban ɔ́. É dɔn sin e ɖo xu mɛ lɛ́ɛ wá gba kɔn nyi ayǐkúngban ɔ́ jí. Mawu Mavɔmavɔ wɛ é nɔ nyí.

Ajée 2:17

Un hɛn azɔ̌ e mi wa é bǐ gblé. Un ɖɔ bɔ jinukún lɛ́ɛ bǐ fyɔ́, abǐ nyɔ dó te. Un ɖɔ bɔ kɛ́njí ja. Un wa nǔ énɛ́ lɛ́ɛ bǐ có mi lɛ́ kɔ wá nyɛ Mawu Mavɔmavɔ ɔ́ gɔ́n ǎ.

Ajée 2:19

Jinukún ɖěbǔ sɔ́ kpo ɖo kɔ́zún mɛ nú mi din a? Vǐwuntín lɛ́ɛ, fígitín lɛ́ɛ, glenáditín lɛ́ɛ, kpódó olívutín lɛ́ɛ kpó ɖěbǔ sɔ́ sɛ́n ǎ. Amɔ̌, bɛ́ sín égbé ɔ́, un ná kɔn nyɔ̌ná ce lɛ́ɛ dó mi jí.”

Malacíi 3:11

Un ná sú ali dó nǔvínúví lɛ́ɛ bɔ yě ná ɖu nǔ e mi dó lɛ́ɛ ǎ; bɔ vǐwuntín mitɔn lɛ́ɛ ná gɔn sínsɛ́n ǎ. Akpá tɔn wɛ un dó nú mi.

Malacíi 3:9

Cekúnnu heelú wɛ nyí bó ɖo kɔ mitɔn, ɖó mi nɔ jɛ ajo dó mì, mi togun ɔ́ bǐ.

Sɛ́nflínmɛ 28:22

Mawu Mavɔmavɔ ná ɖó gǒxúxú kpó flɔ́flɔ́ kpó nú mi, abǐ é ná ɖó avivɔ nú mi. É ná sɛ́ akú dó, jɔhɔn zozo ná fyɔ́ nǔkún mitɔn lɛ́ɛ dó te, abǐ bǐ ná nyɔ. Nǔ nyanya énɛ́ lɛ́ɛ bǐ ná ɖo mi gbo wɛ káká bɔ mi bǐ ná vɔ.