Ajée 1:10 - MAWUXÓWÉMA

¹⁰ Énɛ́ ɔ́ wú wɛ jǐ gɔn jija, bɔ nǔ ɖěbǔ wú ǎ.

Ajée 1:10 Iomraidhean Croise

1 Axɔ́sú 17:1

Elíi Ticibéenu ɔ́ xwlé Mawu nú axɔ́sú Akábu ɖɔ: “Mawu Mavɔmavɔ ɖo gbɛ; ɖo Mawu Izlayɛ́li tɔn e sín mɛsɛntɔ́ un nyí ɔ́ nyíkɔ mɛ ɔ́, un ɖo ɖiɖɔ nú we wɛ ɖɔ: ‘Xwe e jǎwe lɛ́ɛ mɛ ɔ́, ahǔn ná ja ǎ, jǐ ká ná ja ǎ, káká jɛ hwenu e un ná ɖɔ é.’ ”

1 Axɔ́sú 8:35

“Hwenu e jǐnukúnsin ná sú dó yě bɔ jǐ ma sɔ́ ná ja ǎ ɖó yě hu hwɛ dó we wútu ɔ́, nú yě kpan nukɔn tɛn élɔ́ bó xo ɖɛ ɔ́, nú yě kpa susu nú we ɔ́, nú yě lɛ́ kɔ sín hwɛ yětɔn lɛ́ɛ gúdo ɖó a ɖo tó dɔn nú yě wɛ wútu ɔ́,

Ozée 2:9

É ná kán wezun jɛ xɔnnɔ tɔn lɛ́ɛ gúdo, é ká ná xwedó yě wú ǎ. É ná ba yě, é ká ná mɔ yě ǎ. Énɛ́ ɔ́ gúdo ɔ́, é ná ɖɔ: “Un ná lɛ́ kɔ yi asú ce xóxó ɔ́ gɔ́n, ɖó hwenu e un ɖo gɔ̌n tɔn ɔ́, nǔ nyɔ́ nú mì hú lě e un ɖe gbɔn égbé din é.”

Levíi ví 26:19

Hlɔ̌nhlɔ́n e mi ɖó bó dó ɖo go yí wɛ ɔ́, un ná gba bǐ dó; un ná bló bɔ jǐnukúnsin mitɔn ná syɛ́n gan ɖɔhun. Akú ná ɖó bɔ ayǐkúngban mitɔn ná xú ganvɔ ɖɔhun.

Ajée 1:6

Mi nɔ dó jinukún gěgé, nǔkún kpɛɖé jɛ́n mi ka nɔ mɔ ya. Mi nɔ ɖu nǔ, mi ka nɔ gɔ́ xo ǎ. Mi nɔ nu sin, kɔ ka nɔ lɛ́ kpo ɖo mi xú wɛ. Mi nɔ cyɔ́n avɔ, é ka nɔ glɔ́n jɔhɔn nú mi ǎ. Azɔ̌watɔ́ nɔ́ yí azɔ̌kwɛ́ tɔn, lobo ka nɔ bɛ́ kɔn dó adɔ̌kpo gbo ɖo yonu mɛ.