Ajée 1:1 - MAWUXÓWÉMA

¹ Hwenu e axɔ́sú Daliwúsi ɖo xwe we bló wɛ ɖo zinkpo jí ɔ́, sun tɔn ayizɛ́ngɔ́ ɔ́ sín azǎn nukɔntɔn ɔ́ gbe ɔ́, Mawu Mavɔmavɔ gbɔn gbeyíɖɔ tɔn Ajée jí, bó ɖɔ xó nú Zolobabɛ́li tokpɔngán Judáa tɔn ɔ́ kpódó vɔ̌sánú-xwlémawutɔ́ Jozuwée kpó. Zolobabɛ́li ɔ́, Calutiyɛ́li ví wɛ, bɔ Jozuwée ká nyí Yexosadaki ví.

Ajée 1:1 Iomraidhean Croise

1 Axɔ́sú 10:15

Nǔjɔ e è nɔ ɖe ɖo agban e nɔ gosín togúdo wá lɛ́ɛ jí lɛ́ɛ, kpódó ée è nɔ yí ɖo ajɔ̌nú to ɔ́ mɛ tɔn lɛ́ɛ jí lɛ́ɛ kpó, kpódó takwɛ́ e axɔ́sú toɖévomɛ tɔn lɛ́ɛ nɔ sú lɛ́ɛ kpó, abǐ ée tokpɔngán to ɔ́ mɛ tɔn lɛ́ɛ nɔ yí lɛ́ɛ kpó gɔ́ ná.

1 Axɔ́sú 14:18

È nǎ ɖi i bɔ Izlayɛ́li to ɔ́ bǐ ná nɔ aluwɛ mɛ n'i lě e Mawu Mavɔmavɔ ko ɖɔ gbɔn, gbɔn gbeyíɖɔ tɔn Axiya jí é.

2 Axɔ́sú 14:25

É lɛ́ vɔ́ ayǐkúngban Izlayɛ́li tɔn lɛ́ɛ yí sín Lɛbo-Hamáti toxo mɛ ɖo totaligbé káká yi Xu Kúkú ɔ́ kɔn ɖo tofɔligbé. Nǔ énɛ́ e Jelobowámu bló ɔ́ sɔgbe xá xó e Mawu Mavɔmavɔ, Mawu Izlayɛ́li tɔn ɖɔ gbɔn gbeyíɖɔ tɔn Jonási jí é. Jonási ɔ́, Amitayi Gati-Hefɛ́ɛnu ɔ́ ví wɛ.

1 Tan 3:17

Yoyakini e ahwan wlí yi Babilɔ́nu é sín ví lɛ́ɛ ɖíe: Calutiyɛ́li,

1 Tan 3:19

Pedaya ví lɛ́ɛ ɖíe: Zolobabɛ́li kpó Cimɛ́yi kpó. Zolobabɛ́li ví lɛ́ɛ ɖíe: Mɛculamu kpó Hananiya kpó. É ɖó vǐ nyɔ̌nu ɖokpó bɔ è nɔ ylɔ́ ɛ ɖɔ Celomíti.

Ɛsidlási 1:8

bó ná gbe Mitlɛdati e ɖo Dadá ɔ́ sín dɔkun lɛ́ɛ bǐ nu ɔ́, bɔ é bɛ́ nǔ énɛ́ lɛ́ɛ jó nú axɔ́ví Judáa tɔn Cɛcibasáa.

Ɛsidlási 10:18

Mɛ e ɖo vɔ̌sánú-xwlémawutɔ́ lɛ́ɛ mɛ, bó da nyɔ̌nu toɖévomɛnu lɛ́ɛ sín nyǐkɔ ɖíe: Kúnkan Jozuwée, Yosadaku ví ɔ́ tɔn, kpó nɔví tɔn élɔ́ lɛ́ɛ kpó: Maaseya, Eliezɛ́ɛ, Yalívu, kpó Gedaliyá kpó.

Ɛsidlási 2:2

Zolobabɛ́li kpódó Jozuwée kpó, kpódó Nɛ̌ɛmíya kpó, kpódó Selaya kpó, kpódó Hlelaya kpó, kpódó Mɔdokayi kpó, kpódó Bilucáni kpó, kpódó Misipáa kpó, kpódó Bigiwayi kpó, kpódó Hlehúmu kpó, kpódó Baana kpó wɛ zɔn yě nu wá. Izlayɛ́li ví e wá lɛ́ɛ sín nyǐkɔ kpódó mɛ nabí e ɖo gbɛ̌ta ɖokpó ɖokpó mɛ lɛ́ɛ kpó ɖíe:

Ɛsidlási 2:63

Tokpɔngán ɔ́ ɖésú gbɛ́ nú yě ɖɔ yě ní má ɖu nǔ mímɛ́ titewungbe e è xwlé Mawu lɛ́ɛ ɖě káká jɛ hwenu e vɔ̌sánú-xwlémawutɔ́ ɖé ná sɔ́ Wulímu kpó Tumímu kpó dó kan nǔ byɔ́ Mawu dó xó yětɔn wú bó ná ɖe gbeta ɖé tɔ́n dó é ó.

Ɛsidlási 3:2

Vɔ̌sánú-xwlémawutɔ́ Jozuwée Yosadaku ví ɔ́, kpódó nɔví tɔn vɔ̌sánú-xwlémawutɔ́ ɖě lɛ́ɛ kpó, kpódó Zolobabɛ́li Calutiyɛ́li ví ɔ́ kpó, kpódó Zolobabɛ́li sín mɛ lɛ́ɛ kpó jɛ Mawu sín vɔ̌sákpe Izlayɛ́li ví lɛ́ɛ tɔn ɔ́ vɔ́ mɛ jí, bó ná nɔ xwlé vɔ̌ e è nɔ dó zo ɔ́ Mawu ɖ'é jí, lě e Mɔyízi ɖɛ̌mɛnu Mawu tɔn ɔ́ sín sɛ́n ɖɔ gbɔn é.

Ɛsidlási 3:8

Ée yě lɛ́ kɔ wá Jeluzalɛ́mu toxo e mɛ Mawu xwé ɔ́ ɖe ɔ́ mɛ ɔ́, xwe e jɛ fínɛ́ ɔ́ sín sun wěwegɔ́ ɔ́ mɛ ɔ́, Zolobabɛ́li Calutiyɛ́li ví, Jozuwée Yosadaku ví, Jozuwée sín nɔví ɖě lɛ́ɛ e nyí vɔ̌sánú-xwlémawutɔ́ lɛ́ɛ, Levíi ví lɛ́ɛ kpódó yě mɛ e lɛ́ kɔ sín kannumɔgbénu wá lɛ́ɛ bǐ kpó jɛ azɔ̌ jí. Yě ɖe Levíi ví e xwe yětɔn bɛ́ sín ko káká sɔ́yi lɛ́ɛ, bó sɔ́ yě ɖó Mawu Mavɔmavɔ xwé gbígbá ɔ́ sín azɔ̌ nu.

Ɛsidlási 4:2

Ée yě se mɔ̌ ɔ́, yě wá mɔ Zolobabɛ́li kpódó hɛ̌nnugán lɛ́ɛ kpó, bó ɖɔ nú yě ɖɔ: “Mǐ jló ná gbá xwé ɔ́ xá mi, ɖó Mawu ɖokpó e mi nɔ sɛn ɔ́ wɛ mǐ lɔ nɔ sɛn, bó nɔ xwlé e vɔ̌sánú sín hwenu e axɔ́sú Asilíi tɔn Asaaxadɔ́ɔn ko wlí kannumɔ mǐtɔn wá fí e.”

Ɛsidlási 4:24

È to ɖó Mawu xwé gbígbá ɔ́ sín azɔ̌ te hwɛ̌ ɖo Jeluzalɛ́mu, káká wá jɛ hwenu e Dadá Pɛ́si tɔn Daliwúsi ɖo xwe we bló wɛ ɖo zinkpo jí é.

Ɛsidlási 5:1

Hwenɛ́nu ɔ́, Mawu Izlayɛ́li ví lɛ́ɛ tɔn ɖɔ xó nú gbeyíɖɔ tɔn Ajée kpódó Zakalíi Idóo ví ɔ́ kpó, bɔ yě wá ɖɔ nú Jwifu e ɖo Jeluzalɛ́mu lɛ́ɛ kpódó ée ɖo Judáa lɛ́ɛ kpó.

Ɛsidlási 5:3

Tlóló ɔ́, tokpɔngán Tatunayi e ɖo Efláti tɔ ɔ́ sín gbadahwe jí ɔ́ kpódó Cetáa-Bozunayi kpó, kpódó tokpɔngán gbɛ̌ yětɔn lɛ́ɛ kpó wá mɔ yě bó kanbyɔ́ yě ɖɔ: “Mɛ̌ wɛ ka ná gbe mi ɖɔ mi ní vɔ́ Mawu xwé ɔ́ gbá, bó vɔ́ dǒ lɛ́ɛ mɛ?

Ɛsidlási 6:14

Wɛn e gbeyíɖɔ Mawu tɔn Ajée kpódó Zakalíi Idóo ví ɔ́ kpó wá dó tomɛxó Jwifu lɛ́ɛ tɔn ɔ́ ná akɔ́nkpinkpan yě, bɔ Mawu xwé sín azɔ̌ ɔ́ yi nukɔn ganjí. Yě gbá xwé bɔ é sɔgbe xá lě e Mawu Izlayɛ́li tɔn ɔ́ ɖɔ gbɔn é, bó sɔgbe xá gbeta e Dadá Pɛ́si tɔn Silúsi, Aatazɛɛzɛsi, kpódó Daliwúsi kpó ɖe tɔ́n é.

Nɛɛmíi 12:1

Vɔ̌sánú-xwlémawutɔ́ ɖé lɛ́ɛ kpó Levíi ví ɖé lɛ́ɛ kpó gosín Pɛ́si kannumɔgbénu wá xwé. Zolobabɛ́li Calutiyɛ́li ví ɔ́ kpó Jozuwée kpó wɛ yě xwedó wá. Yě mɛ e wɛ lɛ́ɛ ɖíe: Selaya, Yiimɛya, Ɛzla,

Nɛɛmíi 12:10

Jozuwée ji Yoyakímu, Yoyakímu ji Eliyacivu, Eliyacivu ji Yoyada,

Nɛɛmíi 5:14

Ée è sɔ́ mì tokpɔngán Jwifu lɛ́ɛ tɔn ɖó tokpɔn Judáa tɔn nu ɔ́, xwe wěwe wɛ un bló ɖo gǎn jǐ; xwe e xwe Dadá Aatazɛɛzɛsi ɖo xwe ko bló wɛ ɖo zinkpo jí ɔ́ wɛ è sɔ́ mì tokpɔngán, bɔ un nɔ gǎn jí káká jɛ hwenu e é ɖo xwe gban-nukún-we (32) bló wɛ ɖo zinkpo jí é. Đo xwe wěwe énɛ́ e un bló lɛ́ɛ mɛ ɔ́, nyɛ kpó mɛ e ɖo azɔ̌ wa xá mì wɛ lɛ́ɛ ɖě kpó yí nǔ e tokpɔngán nɔ yí ɖo toví lɛ́ɛ sí é ɖě ǎ.

Nɛɛmíi 7:7

Zolobabɛ́li kpó Jozuwée kpó, kpó Nɛ̌ɛmíya kpó, kpó Azalya kpó, kpó Hlaamiya kpó, kpó Naxámani kpó, kpó Mɔdokayi kpó, kpó Bilucáni kpó, kpó Misipɛlɛti kpó, kpó Bigiwayi kpó, kpó Nɛwúmu kpó, kpódó Baana kpó wɛ nɔ yě nu, bó kplá yě wá. Xwédo ɖěɖě e gosín kannumɔgbénu lɛ́ɛ, kpódó mɛ nabí nabí e ɖo xwédo ɖokpó ɖokpó mɛ lɛ́ɛ kpó ɖíe:

Nɛɛmíi 8:9

Ée kplékplémɛ ɔ́ se nǔ e xa wɛ è ɖe nɛ́ ɔ́, yě bǐ bɛ́ avǐ. Énɛ́ ɔ́ wú wɛ tokpɔngán Nɛɛmíi kpó Ɛsidlási sɛ́nkplɔ́nmɛtɔ́ ɔ́ kpó, kpódó Levíi ví e ɖo nǔ e è xa ɔ́ tínmɛ wɛ lɛ́ɛ kpó ɖɔ nú yě ɖɔ: “Azǎn égbé tɔn ɔ́, Mawu Mavɔmavɔ, Mawu mǐtɔn wɛ è sɔ́ ɖó te ná. Mi ma nɔ aluwɛ mɛ ó, mi ma y'avǐ ó.”

Tíntɔ́n 4:13

Mɔyízi ka ɖɔ: “Óo! Aklúnɔ, kɛnklɛ́n bó sɛ́ mɛ ɖěvo dó!”

Ajée 1:12

Zolobabɛ́li, Calutiyɛ́li ví ɔ́ kpó Jozuwée vɔ̌sánú-xwlémawutɔ́ ɖaxó e nyí Yexosadaki ví ɔ́ kpó, kpódó yě mɛ e lɛ́ kɔ sín kannumɔgbénu wá xwé lɛ́ɛ bǐ kpó ylɔ́ xó e Mawu Mavɔmavɔ, Mawu yětɔn ɖɔ nú yě gbɔn Ajée jí ɔ́ ɖɔ nǔjɔnǔ. Lě e Ajée wa azɔ̌ e Mawu Mavɔmavɔ zɔ́n ɛ é gbɔn ɔ́ nɛ́; énɛ́ ɔ́, toví lɛ́ɛ bǐ mɔ nǔ jɛ acɛkpikpa Mawu Mavɔmavɔ tɔn wú.

Ajée 1:14

Mawu Mavɔmavɔ hun ayi nú Zolobabɛ́li tokpɔngán Judáa tɔn ɔ́, kpó vɔ̌sánú-xwlémawutɔ́ ɖaxó Jozuwée kpó, kpódó mɛ e lɛ́ kɔ sín kannumɔgbénu wá xwé lɛ́ɛ bǐ kpó, bɔ yě jɛ azɔ̌ wú, bó ná gbá Mawu yětɔn, Mawu Mavɔmavɔ Nǔbǐwúkpétɔ́ ɔ́ sín xwé.

Ajée 1:15

Yě jɛ azɔ̌ jí xwe énɛ́ ɔ́ xwe, ɖo sun ayizɛ́ngɔ́ ɔ́ sín azǎn ko-nukún-ɛnɛgɔ́ ɔ́ gbe.

Ajée 1:2

Xó e Mawu Mavɔmavɔ Nǔbǐwúkpétɔ́ ɔ́ ɖɔ nú yě gbɔn Ajée jí ɔ́ ɖíe: “Togun ɔ́ nɔ ɖo ɖiɖɔ wɛ ɖɔ: ‘Hwenu ko su ǎ, hwenu e è nǎ vɔ́ Mawu Mavɔmavɔ xwé ɔ́ gbá dó ɔ́ kó su ǎ.

Ajée 2:10

Hwenu e axɔ́sú Daliwúsi ɖo xwe we bló wɛ ɖo zinkpo jí ɔ́, sun tɔn tɛ́nnɛgɔ́ ɔ́ sín azǎn ko-nukún-ɛnɛgɔ́ ɔ́ gbe ɔ́, Mawu Mavɔmavɔ Nǔbǐwúkpétɔ́ ɔ́ lɛ́ ɖɔ xó nú gbeyíɖɔ tɔn Ajée. É ɖɔ n'i ɖɔ:

Ajée 2:20

Azǎn ko-nukún-ɛnɛgɔ́ ɔ́ e ɖo sun énɛ́ ɔ́ mɛ ɔ́ gbe ɔ́, Mawu Mavɔmavɔ ɖɔ xó nú Ajée azɔn wegɔ́ ɔ́, bó ɖɔ:

Ajée 2:21

“Yi ɖɔ nú Zolobabɛ́li tokpɔngán Judáa tɔn ɔ́ ɖɔ nyɛ Mawu Mavɔmavɔ Nǔbǐwúkpétɔ́ ɔ́ ná húnhún jǐxwé kpó dodomɛ kpó.

Ajée 2:4

Énɛ́ ɔ́ wú wɛ nyɛ Mawu Mavɔmavɔ ɔ́, un ɖo ɖiɖɔ nú mi wɛ ɖɔ: Zolobabɛ́li, kpan akɔ́n. Vɔ̌sánú-xwlémawutɔ́ ɖaxó Jozuwée, hwi lɔ ní kpan akɔ́n. Mi mɛ e lɛ́ kɔ sín kannumɔgbénu wá xwé lɛ́ɛ, mi lɔmɔ̌ mi kpan akɔ́n. Mi jɛ azɔ̌ wú; un ná nɔ kpɔ́ xá mi. Nyɛ Mawu Mavɔmavɔ Nǔbǐwúkpétɔ́ ɔ́ wɛ dó akpá tɔn nú mi.

Zakalíi 1:1

Hwenu e Daliwúsi ɖo axɔ́sú ɖu wɛ ɖo Pɛ́si ɔ́, xwe tɔn wegɔ́ ɔ́ sín sun tántɔngɔ́ ɔ́ mɛ ɔ́, Mawu Mavɔmavɔ ɖɔ xó nú gbeyíɖɔ tɔn Zakalíi Bɛlɛkya ví, Idóo vívú ɔ́; é ɖɔ n'i ɖɔ:

Zakalíi 3:1

Mawu Mavɔmavɔ ɖe vɔ̌sánú-xwlémawutɔ́ ɖaxó Jozuwée xlɛ́ mì, bɔ é ɖo te ɖo wɛnsagun Mawu Mavɔmavɔ tɔn sín nukɔn; Satáan ka ɖo te ɖo ɖisí tɔn xwé bó ná dó hwɛ ɛ.

Malacíi 1:8

Ée mi nɔ hɛn kanlin nukúntíntɔ́nnɔ, kanlin gǒ lílɔ́ ɖé, abǐ kanlin azinzɔnnɔ wá xwlé mì ɔ́, nǔ sɔgbe wa wɛ mi ɖe bó vɛdó a? Ényí mi yi ná kanlin mɔ̌hunkɔtɔn tokpɔngán ɔ́, é ná víví n'i bɔ é na ɖo gbesisɔ mɛ bo ná ná nǔ e ba wɛ mi ɖe ɔ́ mi wɛ mi vɛdó a? Nǔ wɛ nyí bɔ nyɛ Mawu Mavɔmavɔ Nǔbǐwúkpétɔ́ ɔ́ ɖo kinkanbyɔ́ mi wɛ.

Luki 3:27

bɔ Iwɔda nyí Iwɔanáni ví, Iwɔanáni ka nyí Hlesa ví, bɔ Hlesa nyí Zolobabɛ́li ví, Zolobabɛ́li ka nyí Calutiyɛ́li ví, bɔ Calutiyɛ́li nyí Nɛli ví,