2 Samuwɛ́li 9:3 - MAWUXÓWÉMA

³ Bɔ axɔ́sú ɔ́ lɛ́ kanbyɔ́ ɛ ɖɔ: “Sawúlu sín mɛ ɖě sɔ́ kpo ɖo gbɛ, bɔ un ná wa ɖagbe n'i a?” Bɔ é yí gbe n'i ɖɔ: “É kpo Jonatáan sín vǐ ɖokpó ɖo fínɛ́, bó xwe ayǐsó. È nɔ ylɔ́ ɛ ɖɔ Mɛfibáalu.”

2 Samuwɛ́li 9:3 Iomraidhean Croise

2 Samuwɛ́li 19:26

Hwenu e é wá jɛ axɔ́sú ɔ́ nukɔn ɔ́, axɔ́sú ɔ́ kanbyɔ́ ɛ ɖɔ: “Mɛfibáalu, étɛ́wú a ma xwedó mì yi ǎ?”

2 Samuwɛ́li 19:27

É yí gbe nú axɔ́sú ɔ́ ɖɔ: “Sɛ́mɛɖó, mɛsɛntɔ́ ce wɛ blɛ́ mì; un ko lin ɖ'ayǐ ɖɔ ée zɔnlin ma sɔxú mì ǎ ɔ́, un ná ɖɔ bɔ è nǎ blá akpa nú tócí ce, bɔ un ná xá jí, bɔ nyi lɔ ná kplá mɛ yi.

2 Samuwɛ́li 4:4

Jonatáan Sawúlu ví ɔ́ lɔ ka ɖó vǐ súnnu ɖokpó, bɔ é xwe ayǐsó. Hwenu e vǐ ɔ́ ɖo xwe atɔ́ɔ́n ɖó wɛ ɔ́ wɛ è se sín Izleyɛ́li ɖɔ Sawúlu kpó Jonatáan kpó kú. Ée nyɔ̌nu e ɖo vǐ ɔ́ hɛn wɛ ɔ́ se mɔ̌ ɔ́, é hɔn dó jǐ tɔn, bó ká ɖo hwlɛ̌ndó jí káká bɔ vǐ ɔ́ j'ayǐ, bɔ afɔ tɔn we lɛ́ɛ bǐ lɔ́, bɔ é xwe ayǐsó. Mɛfibáalu wɛ vǐ ɔ́ nɔ nyí.

2 Samuwɛ́li 9:13

Mɛfibáalu ɔ́ nɔ́ nɔ Jeluzalɛ́mu, bo nɔ wá ɖu nǔ gbe bǐ gbe ɖo axɔ́sú ɔ́ gɔ́n. Afɔ tɔn we lɛ́ɛ bǐ wɛ ka kú.

2 Samuwɛ́li 9:7

Bɔ Davídi ɖɔ n'i ɖɔ: “Ado ma hu we ó, un jló ná wa ɖagbe ɖé nú we ɖó tɔ́ towe Jonatáan wú. Un ná jó ayǐkúngban e nyí tɔ́gbó towe Sawúlu tɔn lɛ́ɛ bǐ nú we, bɔ a ka ná nɔ lɛ́ ɖu nǔ xá mì tɛgbɛ.”

Luki 6:36

Mi nɔ kú nǔbláwǔ nú mɛ, lě e Mawu Tɔ́ mitɔn nɔ kú nǔbláwǔ nú mɛ gbɔn é.”

Sɛ́nflínmɛ 10:15

Đ'ayǐ xóxó ɔ́, tɔ́gbó mitɔn lɛ́ɛ kɛ́ɖɛ́ wɛ Mawu Mavɔmavɔ nɔ́ nɔ kpɔ́ xá; yě wɛ é yí wǎn ná. Égbé din ɔ́, mi vǐ yětɔn lɛ́ɛ wɛ é sɔ́ ɖo akɔta lɛ́ɛ bǐ mɛ, lě e mɔ gbɔn wɛ mi ɖe é.

Sɛ́nflínmɛ 4:37

Wǎn wɛ Mawu Mavɔmavɔ yí nú tɔ́gbó mitɔn lɛ́ɛ, bó sɔ́ mi vǐ lɛ́ɛ; énɛ́ wú wɛ é zé hlɔ̌nhlɔ́n tɔn e nukɔn nǔɖé má nɔ́ nɔ te ɖe ǎ é dó ɖe mi tɔ́n sín Ejípu.